安仔即場分享夾公仔心得！
掀起全城夾公仔狂熱的GenZ夾公仔嘉年華已經移師至信和集團旗下奧海城，現場有50部夾公仔及逾10萬隻人氣公仔及周邊產品！奧海城舉辦了「GenZ全港首個夾公仔大賽」決賽，齊齊爭奪夾公仔王寶座，而為隆重其事，奧海城更特意邀請到同樣熱愛於夾公仔的人氣歌手陳健安親臨現場，除了即場一展身手外，安仔更即場分享夾公仔心得，以及頒發獎項予一眾夾公仔達人！
「GenZ全港首個夾公仔大賽」決賽
人氣歌手陳健安
安仔亦親自頒發冠亞季軍予一眾得獎者
安仔表示參加者夾公仔技術水準十分高
這次決賽吸引了來自全港夾公仔高手參加，參賽者在緊張刺激的比賽中展現他們的夾公仔技巧，而活動亮點之一是活動亦邀請到同樣熱衷於夾公仔的人氣歌手陳健安。當安仔被問到過往夾公仔戰績時，他表示自己於半年多前已經愛上夾公仔活動，至今亦已夾到超過600個公仔。自己亦曾經嘗試做機主，將夾回來的公仔放在機內讓人家夾，進行慈善籌款。提到比賽，安仔表示：「我非常期待這次的比賽，夾公仔一直是我喜愛的活動，希望能夠與大家分享我的心得，並感受這份熱情！」他更補充，夾公仔不僅僅是一種娛樂，更是他其中一個舒壓方式，十分療癒。
安仔特意走到參賽者旁邊為他們打氣
而決賽舉行期間，安仔更特意走到參賽者旁邊為他們打氣，他表示參加者夾公仔技術水準十分高，亦讓他大開眼界。安仔更笑指單單只在旁欣賞比賽讓他十分技癢，很想落場一齊參與比賽，更揚言下屆定要報名參賽！及後，是次比賽過程十分激烈，一眾參加者需經過不同夾公仔考驗及關卡，最終比賽亦順利決出多位夾公仔達人。而安仔亦親自頒發冠亞季軍予一眾得獎者，而他更寄語一眾得獎者切記要繼續鍛鍊自己技術，不斷進步，這樣就算遇到不同機台亦不用擔心，都可以把公仔帶回家！
唱作歌手陳健安第5張個人專輯《時間感【遲】》今日（12月19日）推出，他千叮萬囑Fans必須由第一首歌，跟住他精心設計的music flow去聽全碟六首作品。專輯顧名思義探討「時間」，而封面及碟內相集的靚相就以「水」做主題，以不同形態的流動比喻時間。
陳健安推出第5張個人專輯《時間感【遲】》。
封面及碟內相集的靚相就以「水」做主題。
以不同形態的流動比喻時間。
安仔說：「由年頭推出《不遲不早》就想探討『時間』，乜嘢係『遲』？乜嘢係『早』？我諗每個人經歷唔同嘅事，或者去到人生不同年齡、不同階段，對『時間』嘅感覺都會唔同。每個人都有自己嘅感受，係一個頗大嘅課題，衍生咗我想透過呢張專輯同大家探討。」「時間管理大師」非安仔莫屬，他同一天拍攝唱片封面和明年一月個唱海報，但兩邊需要不同髮色，他索性影完演唱會海報，即場在影樓洗手間染髮，還大曬廣告金句：「立即變黑晒，亦得！」
拍攝花絮
專輯相以「水」為主題，帶出碟內探討「時間」的作品，安仔非常欣賞美術總監Victor為他設計不同場景和道具，他說：「流動嘅水、似真亦假嘅水、真正嘅水，亦有由我身上噴出嚟嘅水，水嘅流動其實同時間嘅感覺呼應，你睇到啲水係流動？還是凝固？就由你自己解讀！」其中一個裝置有幾個放大鏡，鐘擺式在安仔身邊擦肩而過，他說：「放大鏡揈嚟揈去好好玩，啲同事玩得好開心。放塊面埋去面容扭曲，而呢個『扭曲』正正代表時間，每個人對時間嘅感覺都唔同，各人有各人嘅扭曲程度，而放大鏡鐘擺式咁喺我身邊擦過，光與影造出唔同扭曲效果。」
拍攝花絮
拍攝花絮
拍攝花絮
造型師Herman準備了一件特別質料的衣服呼應拍攝主題，安仔說：「呢個料可以隨便揸呀、扭呀，佢個質地會有啲停頓，扭曲過程有好多即興嘅嘢喺拍攝入面。」而攝影師HungMC就準備了一個不規則扭曲的透明頭罩，用鏡頭捕捉水從安仔頭頂流過面部的瞬間。安仔說：「因為淋水落我個頭，控制唔到影出嚟嘅效果，呢啲控制唔到就係拍攝時好玩之處。」
拍攝花絮
拍攝花絮
拍攝花絮
最後一個鏡頭，安仔自薦用口噴水，讓攝影師捕捉水花四濺的形態，結果有驚喜。他笑言：「我細個喺球場玩噴水柱，今日終於大派用場，我覺得自己噴得好出色，仲可以俾攝影師選擇細水長流，定係噴射式『隊穿牆』形態。」
拍攝花絮
拍攝花絮
今次專輯封面設計成「相簿」，封面任由歌迷擺布，安仔說：「設計師Sunny，我哋之前喺《PROJECT REJECT》和《Life afteR Life》兩張專輯都合作過，今次佢將專輯封面設計成相簿，入面嘅物件可以郁動，甚至換相，唔想有我個樣就換自己張相入去。至於點解叫《時間感【遲】》？大家聽歌嘅時候感受吓！要由第一首開始聽到尾，我好重視music flow，花咗好多心思去排。當中有一首作品《夜貓子》無派台，我作曲，係有一晚發夢時突然出現呢個旋律而作咗呢首歌，邀請到Jason蔡德才編曲和監製。」
拍攝花絮
拍攝花絮
拍攝花絮
安仔感謝歌迷多年支持他每個音樂企劃，接著他繼續密鑼緊鼓為3個星期後，1月10和11日在西九文化區竹翠公園，舉行首次個人戶外演唱會「陳健安時的狀態演唱會2026」練歌綵排，到時見。
陳健安
