「熊貓MMA」家姐都有發威時 細佬輸得「口服心唔服」號召契爸契媽入園打氣

兄弟姐妹一日到黑一齊玩，前一秒打架下一秒又攬頭攬頸，就連海洋公園的大熊貓龍鳳胎「家姐細佬」亦不例外。

大熊貓家姐先後韆鞦跳下來突襲細佬。IG圖片

大熊貓家姐細佬。IG圖片

海洋公園在社交平台上發放一段最新影片，又見到牠們兩姐弟在打架。不過今次就和以往不同，以前因為家姐是「細佬控」， 所以很多時都是由細佬打贏，但今次卻是家姐取得「壓倒性優勢」，細佬雖然不想認輸，但都是任由家姐搓圓撳扁。

細佬一個紫薯轉身，成功反制家姐。IG圖片

細佬一個紫薯轉身，成功反制家姐。IG圖片

家姐再次從後偷襲細佬。IG圖片

家姐終於都打贏細佬。IG圖片

細佬只能投降。IG圖片

不太習慣認輸的細佬看來越想越不忿氣，除了一臉不爽外，還叫一眾契爸契媽入場為牠集氣。契爸契媽，是時候多些入場「 睇吓兩大麻糬嘅可愛打鬧現場啦」 。

細佬看來不忿氣。IG圖片

細佬叫大家來給牠集氣。IG圖片

不過網友看過影片後，都大讚家姐細佬同樣「睇得又打得」，指「終於見到家姐KO細佬啦，因為在直播和其他片，都只見細佬KO家姐，而家2個都甘砌得，打和Super」、「兩團麻糬肉搏中，好似我哋喺屋企搓湯圓咁」、「好明顯家姐撩交打先喎，好彩阿媽阿爸睇唔到咋，否則激氣」、「想知家姐細佬而家幾重，MMA要睇磅數係咪一樣先得」、「細佬錫家姐，讓住家姐任打」。

萬千寵愛的大熊貓龍鳳胎「加加」、「得得」好食好住好玩，最新消息兩姐弟體重已經超過35公斤！而且，告別BB餐，開始食窩窩頭了，讓契爸契媽既感欣慰，又捨不得兩個寶貝大得太快。

家姐細佬體重超過35公斤啦！香港大熊貓官方專頁ig截圖

家姐「加加」同細佬「得得」已經15個月大，由老鼠仔一樣的BB，長大到現在肥嘟嘟，識得「費媽」，識得打架，又識得撒嬌。

家姐細佬接受護理訓練。香港大熊貓官方專頁ig截圖

海洋公園的香港大熊貓官方專頁最新帖文帶來好消息，家姐細佬有不少成就解鎖，例如接受護理訓練，奶媽吹著哨子，加上手指指示，細佬就懂得朝奶媽方向走去，準備飲盆盆奶；又例如奶媽叫「加加」，家姐聽懂自己被點名，就馬上「應機」，聽明白指示自己走去正確的地方。

家姐細佬接受護理訓練。香港大熊貓官方專頁ig截圖

大熊貓家姐細佬開始食窩窩頭了。香港大熊貓官方專頁ig截圖

家姐細佬每日都探索和學習新事物，在奶爸奶媽、契爸契媽眼中，是越來越聰明和勇敢了。「睇到好感動，但ee唔想你地大得咁快」，「係盈盈媽媽，奶爸奶媽教導有方又有愛心細心，所以兩個寶貝無論身型同學習都進步好多」，「升中學了啦，接受正式訓練了！家姐叻叻！細佬開始食窩窩頭呀，唔怪之得有35kg重呢！兩姊弟加油！各位奶爸奶媽辛苦了」，「身形就嚟追得到盈盈啦」，「奶爸奶媽們準備要抱不動兩姐弟了」。

大熊貓家姐「加加」同細佬「得得」已經15個月大。香港大熊貓官方專頁ig截圖

另外，海洋公園宣布多項門票優惠方案。即日起至12月17日，香港居民可購買「一票雙遊」門票，以成人票價538元、小童票價269元，一個價錢可自由選擇兩個日子入園。由即日起至明年1月4日，推出「二人同行」成人優惠套票，兩位成人票價為915元。今年12月1日至明年1月4日期間，購買兩個或以上「全年會籍」，不論成人、學生或小童會籍，均有85折優惠，即成人年票為1173元，學生或小童年票為833元。