林峯相隔九年再開紅館演唱會 出動激光劍拍海報

林峯秉承一貫「CHOK」風！

睽違九年，林峯再次踏上紅磡香港體育館舞台，舉行一連三場個人演唱會【GO WITH THE FLOW 林峯演唱會 LF LIVE IN HONG KONG 2025】，於3月26日起DBS信用卡獨家優先訂票，4月1日Trip.com獨家套票率先發售，4月11日開始城市售票網公開發售。

林峯相隔9年再開紅館演唱會。

正如今次主題「GO WITH THE FLOW」，林峯入行逾25個年頭，經歷過不少風浪及重要時刻，到今天領悟到隨心所欲的可貴，抱着隨遇而安的樂天心態面對所有事。林峯上次辦香港個唱已經是2016年，原定舉行的20周年演唱會，無奈遇上疫情，結果延至今年才重踏紅館舞台，認為現在是重啟紅館個唱最適當時機。林峯「GO WITH THE FLOW」演唱會正式海報及宣傳片終於曝光，其實開工拍攝當日，阿峯先後共換上多個造型，由白天影到晚上，團隊最後精挑細選這個型格Look作為演唱會海報，在攝影師鏡頭下，林峯不失一貫「CHOK」風，凌厲眼神盡顯懾人魅力，現場工作人員更出動「激光劍」，燈光與氣氛務求使阿峯更加投入，出來效果當然亦令大家相當滿意。

連開三場！

日前，林峯為鄧麗欣（Stephy）首次紅館演唱會擔任表演嘉賓，合唱《好心好報》及帶領一班Dancers跳唱首本名曲《CHOK》，為自己5月紅館騷先作Warm Up。林峯每次演唱會均加入不同元素，繼上次澳門個唱以各種形態展現「風」的可能性，今次則以「Storm風暴」帶出天氣的變幻莫測，由壯烈到平靜，雨過天晴還迎來新的希望，象徵著無限可能性與正能量，林峯將於舞台上化身追風者，在紅館以視聽之娛展現多才多藝一面。

4月11日（五）起在城市售票網公開發售。

去年，林峯歌影視三線出擊成績有目共睹，今年再接再厲，憑《九龍城寨之圍城》的陳洛軍紅到日本，入行以來還首次衝擊下月舉行的「第43屆香港電影金像獎」，榮獲提名最佳男主角。至於音樂方面，由徐浩作曲、黃偉文填詞的最新單曲《我又戀愛了》，自派台以來高踞各大流行榜，更先後登上「中文歌曲龍虎榜」、「Chill Club推介榜」成為冠軍歌，為林峯的歌唱生涯再添代表作。

演唱會海報以「Storm風暴」做主題。

DBS星展豐盛理財呈獻
GO WITH THE FLOW 林峯演唱會 LF LIVE IN HONG KONG 2025

日期｜2025年5月23-25日（星期五至日）
時間｜8:15pm
地點｜紅磡香港體育館
票價｜$1080 / $880 / $680 / $480

｜3月26日中午12時起
DBS信用卡持卡人獨家優先訂票
優先訂票網址：priority.cityline.com

｜4月1日起
Trip.com 率先發售

｜4月11日上午10時起
城市售票網公開發售（不設售票處及自助售票機售票）
網上購票：www.urbtix.hk
電話購票：3166 1288
票務查詢及客戶服務：3166 1100（10am - 8pm）
節目查詢：6933 8214

主題贊助及優先訂票：DBS星展豐盛理財
主辦：天下一｜英皇娛樂｜寰亞娛樂｜LIVE NATION｜樂騰演藝
唱片公司：華納唱片
主辦及製作：A+｜天高娛樂
率先發售：Trip.com Group
贊助：淳。茶舍｜飛鷹活絡油｜CATHAY
隨峯：叱咤903

娛樂訪談節目《星展豐盛理財保險策劃呈獻：一周星星》，逢周日晚10點翡翠台播映。節目每集將瞄準影視圈及歌壇等焦點人物進行訪談，並由區永權、許文軒、王鎮泉、潘盈慧輪流主持，本周日晚（28日）播出的第四集，嘉賓是還未正式上映已熱爆全港的電影《尋秦記》四位主演古天樂、宣萱、林峯及朱鑑然，主持則是區永權。

呢個白眼，係咪正先？

你哋唔好以為係扮打，宣萱真係「啪」一聲打落去古仔度。

今集《一周星星》絕對可以「笑聲笑聲滿載溫馨」形容，單是古仔與宣萱的爆笑互動，已值回票價！先說「本尊Fact Check」環節，區永權求證古仔是否如傳聞所指「唔畀人趷得」，現場即時變得儼如聯歡會般熱鬧。古仔先是很大反應：「你講咩呀？（馬上指著宣萱）佢嗰日唔趷過我唔開心。」區永權聞言接招追問宣萱：「傳聞呢個世上，得你一個可以對住鏡頭趷佢（古仔）。」古仔聞言又「搶答」：「我澄清番先，佢唔對住鏡頭都係趷架喇。」不過宣萱對二人一唱一和卻大力抗議，並指區永權都會寸古仔，古仔聞言再搞笑謂：「我好記仇嘅，你死緊喇今次！」

當年呢條NG片熱爆網。

古仔想再篤宣萱，但宣萱好精靈咁避開咗。

古仔暗示畀宣萱趷到冇晒感覺
此時林峯加入戰團，不過卻並非為宣萱護航：「我喺度諗緊邊一日你係冇趷佢嘅，又好似冇…」、「我未見過有其他人趷佢」。被圍攻的宣萱，即強調「開工我冇趷佢嘅」，豈料古仔依然反對：「你咁都夠膽講嘅？！」由於戰況太過混亂，區永權嘗試作出精闢分析打圓場：「你（指宣萱）會唔會趷佢（指古仔）趷到趷咗都唔覺得趷緊佢呢？」宣萱聞言竟哈哈大笑：「咁我真係唔知。」眼見「沉冤得雪」，古仔加多兩錢肉緊謂：「咪係咯！（點解你畀佢趷？）咁我都唔知吖嘛，我都慣咗喇嘛，你估我想架？！」宣萱在節目中，還會大方分享成功「趷古仔」秘訣，萬勿錯過。

宣萱同古仔嘅互動真係好甜蜜。

古仔成日叫宣萱「等等先」。

古仔笑宣萱「成日郁手郁腳」
其實宣萱除了把口唔放過古仔，連「雙眼」及「雙手」亦對古仔「零客氣」。事緣其中一Part，宣萱詳談拍攝電影版《尋秦記》時，與當年的當家花旦郭羨妮再𢇽聚首「仲啱傾過以前」時，古仔因一句「即係以前唔啱傾」口多多搭嗲，被宣萱「反白眼」攻擊兼被負評「搞屎棍」；之後宣萱提到重遇歐瑞偉（角色陶總管）時感覺很強烈，並指很快便能投入與對方的感情戲時，古仔又再口多多：「即係你同陶總管有感情線，你意思係。」宣萱聞言嬲到狂打古仔，古仔只能無奈回應：「成日郁手郁腳。」之後宣萱應區永權要求向古仔表達謝意，熱情的她即作勢送上「熊抱」，古仔見狀即閘住：「唔好郁手郁腳呀喂」、「唔好摸呀！」最後連環慘食檸檬的宣萱竟出拳狂打古仔，十分搞笑。

至於宣萱，梗係成日忍唔住爆笑啦。

宣萱模仿古仔喺片場嘅眼神。

呢吓小學雞鬥扁嘴大賽真係笑死。

妙談當年「篤到狂笑」NG網紅片
古仔和宣萱還大方談及了劇集《尋秦記》廣傳至今的網紅NG片，談到其中一條古仔因大力篤宣萱心口、篤到宣萱忍不住爆笑的NG片時，宣萱時隔多年依然覺得搞笑又委屈：「我睇親都笑，我估我睇三十、甚至一百次都會笑」、「佢冇當我女人咯，總之係…可能對佢嚟講（力度）四架啫，但對我嚟講已經係七、八架喇。」古仔聞言只能回應：「篤本身唔大力唔係叫做篤嘅，叫做撩！」隨即應區永權要求即場示範向宣萱「撩穴」，宣萱見狀即靈活閃避：「唔好撩我！」

宣萱想攬古仔表達謝意，但古仔似乎想謝絕好意。

宣萱呢吓又係打得好激動。

淨係睇宣萱表情包，都值回票價啦。

古仔爆宣萱愛說話：佢平時一定會同我講嘢，我病嗰日我先唔應佢架咋
玩了一大輪，古仔才正式為當年力度過猛解畫，期間他除會大爆宣萱「唔記得對白瘀事」，還笑言宣萱一分鐘都不能停下嘴巴，古仔：「你叫佢現場唔講嘢一分鐘係冇可能嘅事嚟，呢個係真事。」、「佢平時一定會同我講嘢架，除咗我病嗰日我先唔應佢架咋。」面對古仔連環強攻，宣萱一度使出「搞笑扁嘴樣」無聲抗議，豈料古仔照辦煮碗扁嘴「反擊」，想親眼直擊兩位大細路更多爆笑互動，密切留意今晚播出的一集《一周星星》。