教好友五索拍片要夠爆 裕美：正經講嘢邊有人聽

裕美到新城廣播接受羅沛琪（Pinky）、施匡翹（Zaina）及華浩然主持的《寵愛您》節目訪問，與男友林作飼養了2隻貴婦及2隻唐狗的裕美，從小到大都在狗狗陪伴下長大，而她喜歡毛孩亦多過人類，裕美解釋：「我隻貴婦好奸，每日咬爛我一條底褲，又或者喺我床上屙尿，但佢最多都係百厭，佢唔似啲奸詐人類，人好複雜，所以我鍾意狗多過人。（咁你愛狗定身邊嗰個多啲呢？）梗係狗啦！」

裕美接受新城《寵愛您》訪問。

裕美形容林作平時口沒遮攔，卻名副其實是愛狗之人，「我哋唔會為狗狗吵架，林作得意在隻狗幾百厭都好，佢唔打唔鬧，如果隻狗喺床上屙尿，我嬲到想打佢籮柚，但林作會即刻抱走隻狗，然後就會話『佢唔識㗎嘛』！」

左起：施匡翹、羅沛琪、裕美、啤梨、華浩然

裕美爆愛犬經常咬爛其內褲。

裕美經常跟愛犬傾訴心事，她憶述早年患有嚴重抑鬱症時，就是靠愛犬獲得溫暖，「當時唔想出去見人，匿埋喺屋企又成日失控落淚，好似跌咗落地獄，但我隻狗會主動走嚟我身邊坐定定，見我流淚，佢又會舐我臉上嘅眼淚，知我唔開心，佢會盡所能安慰你，呢份溫暖好難得。」裕美又指狗狗的世界只有她，她寧願愛狗也不愛人，「人一變你係唔知佢會有幾恐怖，狗最多係百厭，所以有咩事我都會攞條命保護啲狗。」

裕美與好友「五索」鍾睿心不時在社交平台上載影片及大談兩性關係，她透露五索想拍，所以用自己經驗教她如何令人留下深刻印象。羅沛琪形容五索帶給觀眾很多話題及負評，問裕美是否超出她想像？裕美表示：「絕對係我想像咁，我就係要咁，老實講，你正正經經講嘢邊會有人聽，一定要爆。（佢甩頭髮？）係佢自己問題，我諗佢壓力好大，未必關外間事，佢私下可能有好多問題要解決。」

裕美教好友五索拍片要夠爆！

詳細節目內容，請留意
4月6日，下午1時至1時30分，新城知訊台《寵愛您》節目，網址：https://www.metroradio.com.hk/MetroInfo
4月6日，下午3時至3時30分，MBO TV
https://www.metroradio.com.hk/Superhome/mbotv/default.aspx

藝人王頌茵（Kathy仔）接受新城廣播羅沛琪（Pinky）主持的節目《寵愛您》錄音訪問，兩人在溫馨的貓貓共用空間中，暢談她與貓咪相伴成長的點滴，並分享與現時愛貓王子「奶醬多」之間的寵物情緣。

王頌茵（Kathy仔）接受新城廣播《寵愛您》訪問。

Kathy仔在訪問中透露，她早在小學一、二年級時便已開始接觸貓咪，當時家中宛如小型動物園，曾飼養倉鼠、兔子、烏龜與金魚等各種寵物，後來透過母親朋友的介紹，一次過領養了兩隻貓兄弟，其中一隻更天生有缺陷，僅有一根手指，而這兩隻貓咪陪伴了她長達十六、七年的時光，成為她童年重要的回憶。

在童年夥伴離世後，Kathy仔產生了由自己一手撫養貓咪的念頭。約三、四年前，她因緣際會遇見了現在的愛貓「奶醬多」，而貓咪的名字來源於其毛色如同「奶醬多」麵包般的層次，Kathy仔又形容：「『奶醬多』性格獨立又帶點高傲，佢唔會成日都黐住人，但會用獨特方式『命令』主人滿足佢嘅需求。」她更發現愛貓似乎能聽懂廣東話，呼喚其名時會有反應，面對客人時則會展現出公關般的社交性格，十分乖巧。

Kathy仔與主持羅沛琪（Pinky）

Kathy仔愛貓「奶醬多」識聽廣東話兼做「公關」。

Kathy仔又透露「奶醬多」去年曾經歷一場大病，需每日打針治療，那段時間讓她非常擔憂，並因在治療選擇上的猶疑而感到內疚，所幸最終找對療法，貓咪得以康復，而這段經歷也讓她與愛貓的關係更為濃烈，她表示：「依家我唔去諗將來會分離嘅可能，而係珍惜同佢相處嘅每一刻。」

Kathy仔公開被貓主子「御用」日常。

詳細節目內容，請重溫11月30日，下午1:00 – 1:30，新城知訊台《寵愛您》，網址：https://www.metroradio.com.hk/MetroInfo/