大熊貓龍鳳胎轉眼就快8個月大了，近日開始接受盈盈媽咪的抗摔特訓，不時見兩姐弟在樹上被盈盈強行推跌落地，看得一眾熊粉肉赤不已。海洋公園提醒大家，這是盈媽對一對寶貝的愛，更是大熊貓成長必經之路，而且家姐細佬也不會因此受傷，不必擔心。
親子時間。大熊貓官方專頁ig影片截圖
海洋公園在社交平台貼出盈媽訓練家姐細佬基本抗摔同防禦能力的短片，縱使從人類角度看來，盈媽似乎偏向「重手」，兩姐弟撻生魚式的由樹上被硬推落地，但熊貓骨骼密度大、肌肉結實，又有厚實的皮毛、充滿彈性的脂肪，再加上渾圓的身軀，都對跌撞起到緩衝作用，一般來說，牠們都不會因為跌撞而受傷。
點擊看圖輯
更多相片
親子時間。大熊貓官方專頁ig影片截圖
家姐細佬接受盈盈的抗摔訓練。大熊貓官方專頁ig影片截圖
盈盈抖大氣，「阿媽唔易做」寫在臉上。大熊貓官方專頁ig影片截圖
親子時間。大熊貓官方專頁ig影片截圖
家姐細佬接受盈盈的抗摔訓練。大熊貓官方專頁ig影片截圖
家姐細佬接受盈盈的抗摔訓練。大熊貓官方專頁ig影片截圖
奶爸奶媽引用研究指出，大熊貓BB和媽媽一起生活時，經常會從高處跌下，這都是預期中的行為，而攀爬和跌跌碰碰是大熊貓成長必經階段，對牠們將來成為強壯的大熊貓非常重要。
在 Instagram 查看這則貼文
片中見到，本身是高齡產婦的盈媽要一對二的集訓兩隻B，坐到地上時，是大口大口地喘氣，真係「阿媽唔易做」呢！而網民也非常心痛盈盈的辛勞，「溫柔嘅盈媽…辛苦了…要拉扯2隻反抗嘅塞豆窿…真係要用好多體力…盈盈要企喺度更攰…所以家姐細佬真係要乖乖…錫媽咪啦」，「我見到係母愛 ！」，「盈盈每日都要用雙倍嘅精力湊B，都真係好攰、好辛苦㗎！加油呀盈盈」。
盈盈抖大氣，「阿媽唔易做」寫在臉上。大熊貓官方專頁ig影片截圖
親子時間。大熊貓官方專頁ig影片截圖
也有網民說盈盈好輕手，「盈盈其實已好溫柔輕手，我見福寶想當年畀媽媽愛寶撻到不知幾金」，「好鍾意睇盈盈訓練佢地，正所謂『撻得越甘，愛得越冧』，兩姐弟學識咗，第時就可以獨立生活了」。但也有熊粉心痛一對熊貓B的，「細佬嬲嬲豬走咗，真係好傷呀！」
家姐細佬接受盈盈的抗摔訓練。大熊貓官方專頁ig影片截圖
