香港不少父母除了會送小朋友去補習社補習，亦會聘請私人補習老師上門為子女輔導工課。日前有一名私補老師在社交平台發文，分享了一次獲邀到半山「過億獨立屋」試教，但僱主的種種安排令她大感不滿，坦言「有一種家庭，再高的offer我都唔會教！」
網上圖片
獲邀上半山試教卻沒安排司機接送
私補老師在社交平台發文，以「有一種家庭，再高的offer我都唔會教」為題，分享一次獲邀到半山豪宅試教的不快經歷。她指自己有次獲有錢人的秘書通知去試堂，但是未入門上堂，已不滿對方的安排。她解釋「通常呢類家庭會安排司機接我去，或者額外俾交通錢，但佢冇」。
網上圖片
主人穿着似阿姨 小朋友不上進問咩都答唔知
除了不滿交通安排之外，樓主開始力數幾個不滿原因：首先是間屋的裝修及主人的衣著「去到佢屋企，先被一屋土豪裝修（嚇親）」、「正常第一次見老師或客人，都會簡單打扮一下（特別如果係闊太），但一見到佢我呆了，我以為係屋企的阿姨」。跟着就是小朋友的學業表現「不意外地，個仔都係不甚上進的青年，簡單問佢學校學緊咩，有咩唔識，咩都話唔知，唔清楚」下課後還有工作要跟進「落咗堂，個秘書叫我send個report，寫下我對小朋友的觀察和分析」。
示意圖
遲了7分鐘到要扣錢
而令她最氣忿的是，秘書竟然在計學費時說「X太話你果日遲了7分鐘到，學費上扣返$XXX呢個數」樓主馬上解釋是因為交通不便所以才遲了些，並補充「但我都遲落堂補返時了」但個秘書只是話會「同X太反映下，再覆你」。
示意圖。《愛回家》劇照
樓主拒教：父母反映家教、家教反映學生
樓主最後還是選擇妥協，並向秘書表示「算啦，你照過呢個數俾我，麻煩幫我同X太講，我覺得自己唔太適合教佢小朋友」，而她總結這次經驗寫到「裝修反映父母、父母反映家教、家教反映學生」。
網民：唔係有錢就大晒
網民都對帖文內容議論紛紛，部份人力撐樓主「自己知自己住得偏僻俾錢唔多就正常d啦，搞到成個奴隸主咁」、「唔係有錢就大晒，做嘢嗰個人，都要計返辛唔辛苦，真係serve普通中產仲好過」。不過有些網民就認為是樓主要求多了，「補習遲到又真係吾可以賴人地屋企遠冇司機等藉口，呢啲係time management 問題喎」。
