黎展峯新歌錄足100次要扮man唱出感覺 搞MV首播會fans感動落淚

黎展峯（Andy）推出全新廣東作品《在山洞外等你》，作品並非山洞探險，而是一個「暖到出煙」的成長故事。不過錄音及拍MV過程比行山洞更艱辛，Andy自爆錄音時唱足100次監製先收貨，又要幻想自己是「田園鬍鬚佬」唱出感覺。MV更加精彩，跟小學生拍攝被欺凌戲份，認真陰公。

Andy推出全新廣東作品《在山洞外等你》。

觀看相關影片按連結：https://youtu.be/Q2uVWwsHVes

新歌作曲、編曲及監製找來Cousin Fung操刀，Andy指自己向公司提出想找一個令自己vocal再提升的監製，公司便提議Cousin Fung，最爆笑的是Cousin要求Andy幻想自己是「外國田園生鬍鬚歌手」，「佢話唔再係一個小朋友咁樣去唱，而係一個男子漢或者係一個陽光暖男去唱呢首歌。」結果錄足三個section，「每一次我都係全隻歌咁錄，計返每個Section，都唱咗30至40次首歌，三個Section夾埋其實接近100次！」

MV圖片

MV圖片

MV則找來四位小朋友演出，其中Alvin飾演小Andy，另外三位飾演「惡霸同學」欺凌小Andy。首次跟小朋友拍攝，Andy指最有趣是看到他們很放鬆、很放膽的演出，「佢哋冇嗰種『咁樣做得唔得㗎 ？』、或者猶豫，導演叫咁做，佢哋就會嘗試。」令拍攝現場頓時變成兒童遊樂場，「有個畫面係其餘三個小朋友向Alvin淋水，佢哋會覺得呢樣嘢好好玩，係咁淋，哈哈。」

MV圖片

MV圖片

MV圖片

MV圖片

看到小朋友的表現，亦令Andy反思，「睇到幾位小朋友好enjoy個過程，嗰種純粹想去玩嘅感覺，我覺得當我哋成長咗之後，可能因為好多事而令到我哋對好多嘢都有考量，變咗好多嘢都唔夠膽去試，睇返佢哋今日嘅表現，就令到我覺得唔可以咁多考量。」

MV圖片

MV圖片

新歌上架當日，Andy更舉行MV首播會，除了跟fans「黎膠」一同觀看新歌MV首播，又即場大唱新歌傳遞正能量。Andy表示十分感謝「黎膠」們一直以來的陪伴及支持，在台上分享製作新歌的心路歷程時，有粉絲因他的分享而感動落淚，場面感人。

Andy在新歌上架當日舉行MV首播會。

Andy表示十分感謝「黎膠」們一直以來的陪伴及支持。

同時台上分享製作新歌的心路歷程。

歌手張馳豪（Aska）、黎展峯（Andy）及林芊瑩（Irene）日前傍晚在黃埔海濱長廊出席《新城。樂動區區Busking》活動，雖然現場海風凜冽，但仍吸引不少熱情歌迷手持應援燈牌及戴上聖誕飾物到場支持偶像，當歌手們輪流上台演唱，現場觀眾隨即報以熱烈歡呼聲，並一同高聲合唱，將海濱長廊化作一個充滿節日歡樂的露天音樂廳。

黎展峯、林芊瑩、張馳豪

張馳豪、林芊瑩、黎展峯望著海景Busking。

黎展峯、林芊瑩、張馳豪與fans大合照

Andy打頭陣出場，一口氣唱了《在山洞外等你》、《最後晚餐》及《宇宙煙火》，他特別預祝歌迷聖誕快樂，最後以應節歌曲《伯利恆的主角》作結。然而演出期間天空忽然下雨，Andy未有急於避雨，反而親自將雨傘遞給台前的歌迷，成為寒夜中最溫暖的一幕。

黎展峯

抵禦冷風的Irene穿著短裙亮相，演唱了《深層消毒》、《孤獨的質感》及《凡星》，並與Aska合唱《Last Christmas》，現場歌迷亦一起大合唱，熱鬧氣氛不斷急升；壓軸的Aska則以結他自彈自唱《山系戀人》，並獻唱《Talking to the Moon》、《我們都是第一次做人》及《Cardigan》，最後他邀請Irene和Andy再度上台，三人合唱《青春頌》，掀起高漲氣氛。

林芊瑩

表演完後，Aska對於能再次參與Busking感到興奮，笑言已忘記上次街頭演出是何時；但特別提到演出心得：「設備一定要好，如果聽唔到自己唱歌，就唔能夠享受成個演出；不過我諗氣氛比較重要，有時室外嘅氣氛會好啲，但室內就近啲，各有特色。」

張馳豪

張馳豪

Andy則透露今年聖誕節終於有時間返教堂，他說：「過往因為工作太忙而去唔到教堂，今年希望藉住呢個機會尋求平安同正能量，亦都祝福大家一樣平安。」對於即將到來的頒獎禮，Andy以「平常心」看待，並認為今年特別適合這心態。他解釋：「因為今年已經好開心，又覺得自己贏咗，因為出咗第四年第一首冠軍歌，我覺得好感恩大家嘅支持。」他強調，能讓大家看到自己的進步，已是2025年最大的成就，並期待在頒獎禮上與眾人分享喜悅時刻。

黎展峯與fans合照

張馳豪與fans合照

Irene則透露：「聖誕節係我爸爸生日，所以我哋應該會喺屋企一齊吃飯，每年聖誕節都會同爸爸慶祝生日。」至於可有準備生日禮物？Irene搞笑表示：「就算我寫一張卡畀他，佢都會好開心。」她表示對父母而言，子女安好便是最好的回報：「我覺得最好嘅禮物就係做好自己應該做嘅事，開心、健康就係最大嘅禮物；頒獎禮就到，若果以獎項作為禮物送畀爸爸，就真係別具意義。」

黎展峯、林芊瑩、張馳豪

黎展峯、林芊瑩、張馳豪