黎展峯新歌變上天文課：「宇宙煙火」難過中六合彩！

娛圈事

黎展峯新歌變上天文課：「宇宙煙火」難過中六合彩！

2025年10月02日 22:00 最後更新：23:51

黎展峯（Andy）推出今年第二首派台作品《宇宙煙火》，歌曲繼續走浪漫路線，跟他今年首支派台作品《在山洞外等你》原班人馬合作，實行要將甜蜜進行到底。

新歌歌名《宇宙煙火》聽落已經勁浪漫，原來真有其事！根據天文學解釋，「宇宙煙火」係指兩顆恆星糾纏碰撞後爆出的能量及強光，是極之罕有的天文現象。試想像銀河系有幾千億顆星球，各自有自己的軌跡，要撞到正機會絕對是難過中六合彩頭獎。

點擊看圖輯

黎展峯推出今年第二首派台作品《宇宙煙火》。

MV圖片

觀看相關影片按連結：https://youtu.be/p7xjVJSSwYY?list=RDp7xjVJSSwYY

Andy跟填詞人Oscar便是看中這點，以這個千年難得一遇的天文現象比喻愛情的珍貴。茫茫人海中遇到對的人，就如兩粒星星在宇宙中相遇一樣，絕對是緣份的安排！唔少粉絲聽完都話：「原來遇到另一半難過搵外星人！」「以後拍拖要同男朋友講，我哋係宇宙煙火級數㗎！」

新歌作曲、編曲及監製均由Cousin Fung操刀，用柔和優美的旋律，帶出一種「唔急唔趕」的浪漫感覺，猶如有人默默在身邊守候般溫柔；填詞方面繼續有Oscar出手，跟Andy一齊brainstorm出以天文現象比喻愛情的概念，同時想藉住人類不能推翻的天文現象帶出希望，「就算個世界幾亂，天文現象都唔會變，人與人之間嘅關係都係一樣。」提醒大家要珍惜身邊所有的牽絆。Andy又謂雖然世界紛亂，但他透過新歌同跟大家說「千億星雲裏尋獲你，千年難得，『如天選正是我們我絕不放』」這份浪漫跟堅持，真的令人感動到喊。

往下看更多文章

黎展峯搵麻雀腳拍新歌MV 玩數字球「省」中老友要害兼孖黃明德全裸衝落海

黎展峯（Andy）推出全新單曲《鬧劇重演》，今次一改以往風格，不玩慘情或沉重路線，反而帶來一陣輕快又chill的感覺。

Andy指今次已經是第四次跟Cousin Fung合作，而這首歌是最難錄的一首，「因為要控制住自己好放鬆咁唱，唔可以太實又唔可以太虛，要攞正中間嗰個位真係好考功夫。」他笑言，以往歌曲「用力唱就啱」，這次反而要學識「歎住唱」，難度極高。

觀看相關影片按連結：https://youtu.be/BL_NHXrrFOY

至於新歌意思，Andy就謂其實很簡單，就是跟朋友相聚那種「嘻嘻哈哈」的感覺，「每次同班friend見面，都會講番以前啲搞笑嘢、𤓓嘢，好似一齣鬧劇咁重演。就算生活幾攰，見到佢哋就即刻開心番。」他更指這首歌就是想記錄這種不用講道理、只是識玩的珍貴時光。

MV方面，Andy親自邀請他的「麻雀腳」黃明德（Dark）、關門、HughCheung及Gi一齊演出，原因很簡單，「因為佢哋本身就好玩得，平時打麻雀嗰種輕鬆氛圍，正正就係MV需要嘅感覺。」不過講到MV最爆笑一幕，一定是Andy踢足球「省」中HughCheung的重要部位，Andy解釋：「嗰時玩緊數字球，咁啱有機會掉過去，心諗HughCheung平時咁玩得，所以當刻個腦就好想咁做。點知導演一睇就用咗，仲話呢啲就係朋友間嘅鬧劇要有嘅畫面，哈哈。」他即時隔空向HughCheung致歉，因為「都feel到佢幾痛」。