黎展峯搵麻雀腳拍新歌MV 玩數字球「省」中老友要害兼孖黃明德全裸衝落海

黎展峯（Andy）推出全新單曲《鬧劇重演》，今次一改以往風格，不玩慘情或沉重路線，反而帶來一陣輕快又chill的感覺。

Andy推出全新單曲《鬧劇重演》。

Andy指今次已經是第四次跟Cousin Fung合作，而這首歌是最難錄的一首，「因為要控制住自己好放鬆咁唱，唔可以太實又唔可以太虛，要攞正中間嗰個位真係好考功夫。」他笑言，以往歌曲「用力唱就啱」，這次反而要學識「歎住唱」，難度極高。

觀看相關影片按連結：https://youtu.be/BL_NHXrrFOY

至於新歌意思，Andy就謂其實很簡單，就是跟朋友相聚那種「嘻嘻哈哈」的感覺，「每次同班friend見面，都會講番以前啲搞笑嘢、𤓓嘢，好似一齣鬧劇咁重演。就算生活幾攰，見到佢哋就即刻開心番。」他更指這首歌就是想記錄這種不用講道理、只是識玩的珍貴時光。

MV圖片

MV圖片

MV方面，Andy親自邀請他的「麻雀腳」黃明德（Dark）、關門、HughCheung及Gi一齊演出，原因很簡單，「因為佢哋本身就好玩得，平時打麻雀嗰種輕鬆氛圍，正正就係MV需要嘅感覺。」不過講到MV最爆笑一幕，一定是Andy踢足球「省」中HughCheung的重要部位，Andy解釋：「嗰時玩緊數字球，咁啱有機會掉過去，心諗HughCheung平時咁玩得，所以當刻個腦就好想咁做。點知導演一睇就用咗，仲話呢啲就係朋友間嘅鬧劇要有嘅畫面，哈哈。」他即時隔空向HughCheung致歉，因為「都feel到佢幾痛」。

MV圖片

MV圖片

MV圖片

MV圖片

而MV尾段更有驚喜，Andy跟Dark除褲落水，雖然有着肉色打底褲，但Andy坦言尷尬，「唔知點解諗起青春，腦海就浮現呢個畫面，同班friend玩到癲就會剝清光衝落海。」不過令他最尷尬原來並非裸露，而是身材比不上Dark，「因為佢之前做gym做得好勁，冇佢咁fit，輸咗好多，所以好尷尬。」

MV圖片

MV圖片

MV圖片

一連四場的長壽音樂劇傳奇《我們的青春日誌》於8月6日在葵興爆炸戲棚劇場正式上演，歌手黎展峯（Andy）獲英皇集團主席楊受成博士「欽點」出演，擔正做男主角之一Alex。首次挑戰音樂劇，Andy坦言壓力大到爆之餘，更謂完show後見到全場觀眾嚇親！

《我們的青春日誌》

《我們的青春日誌》

黎展峯加盟《我們的青春日誌》

黎展峯擔正演Alex

黎展峯擔正演Alex

黎展峯擔正演Alex

黎展峯擔正演Alex

Andy出演音樂劇，背後原來有段故。音樂劇導演Tom於完show後謝幕時親自解畫，話說在港台頒獎禮機緣下，聽到Andy唱Live的歌聲，覺得非常不錯。之後在另一個機緣下，Tom膽粗粗直接向楊博士開口，結果楊博士二話不說，親自「欽點」Andy擔任《我們的青春日誌》男主角。Andy得知真相後即刻嚇一跳，搞笑地說：「諗返上年出歌嘅時候，搵咗老闆拍一條宣傳片，希望可以得到佢嘅一句『巴閉』，而家得知呢個欽點嘅故事，真係仲『巴閉』過老闆親口講！」

完成首場演出後，Andy直言有種如釋重負的感覺

完成首場演出後，Andy直言有種如釋重負的感覺

完成首場演出後，Andy直言有種如釋重負的感覺

Andy直言最深刻是謝幕一刻

Andy直言最深刻是謝幕一刻

Andy直言最深刻是謝幕一刻

Andy直言最深刻是謝幕一刻

完成首場演出後，Andy直言有種如釋重負的感覺，他解釋：「我係一個要好準備晒所有嘢先有安全感嘅人，第一次做音樂劇，真係俾咗好大壓力自己。」他特別感謝台前幕後每一位手足，尤其是微細部份的幫忙。講到最大挑戰，Andy笑指一定是跳舞，「我跳舞嘅經驗真係好少，再加上我覺得自己手長腳長，唔會跳得好好睇，所以就冇咩信心。不過最好彩係今次做Alex呢個角色比較內斂，所以跳得比較細，都貼近嘅。2026兩次跳舞都好深刻，一次啟德跳舞，第二次音樂劇又係跳舞，睇嚟我真係要認真深造一吓！」

至於首晚有否蝦碌？Andy直言最深刻反而是謝幕一刻，「On show嗰陣望出去係漆黑一片，完全見唔到觀眾。到完場一開燈，原來台下咁多觀眾，都有少少嚇親，個樣應該即刻再『Alex啲』。」他謂全程聽到每幕都有歡呼聲及掌聲，非常感動，希望之後場次繼續Good Show，報答入場支持的每一位觀眾。