沈震軒Music Live自彈自唱冧fans 搵素人拍片感動到眼濕濕

剛推出新歌《最幸運的平凡人》的沈震軒（Sammy）昨日（6月1日）於奧海城舉行Music Live，唱足六首歌大騷琴技，仲首播素人版《車廂擺渡人》短片，將「平凡小確幸」進行到底！

沈震軒舉行Music Live。

Music Live上，Sammy除了唱出新歌《最幸運的平凡人》，又以鋼琴自彈自唱《講多變真》、《越難越愛》、《約誓》、《修煉愛情》、及由他作曲的舊作《我很好》。笑言自己「都係英皇新秀出嚟」的Sammy表示之前於公司的Pop up Store做busking，重拾歌手身份，「大家都知道英皇係一間音樂好強嘅公司，好慶幸有機會可以再有新歌出現，第一首重新出發嘅歌曲，當然係想寫返啲關於自己好貼心感覺嘅嘢。」

Sammy唱足六首歌。

又大騷琴技。

自彈自唱《講多變真》、《越難越愛》、《約誓》、《修煉愛情》及《我很好》。

講到早前自編自導自演的《車廂擺渡人》短劇，Sammy原來亦有招募素人拍攝。今次Music Live首播素人版本，主角更專登到場支持，Sammy更特意走到台下與素人主角一同觀看短片，期間Sammy感動到眼濕濕，Sammy解釋：「想透過平凡人嘅小故事，呈現生活中嘅溫暖時刻。」

Sammy與素人主角一同觀看短片。

Sammy感動到眼濕濕

並表示想透過平凡人嘅小故事，呈現生活中的溫暖時刻。

「東張女神」梁敏巧（Maggie）日前為沈震軒執導的網劇《LIGHTMAC呈獻：不死愛美麗》擔任女主角，即時引起網上熱烈討論，特別是她的「林亞珍」造型，實在意想不到原來她相當有喜劇細胞。今日（2月27日）沈震軒正式發布網劇的下集，驚喜的是原來特別邀請到Maggie在《女神配對計劃》的對象劉啟進（Matt）客串演出，同樣是飾演專業人士，不過今次就由律師，變身成醫美「聖手」劉醫生，親自出手為Maggie分析同診斷皮膚狀況，演得非常投入。

「東張女神」梁敏巧（Maggie）近日為沈震軒執導的網劇《不死愛美麗》擔任女主角，其「林亞珍」造型驚喜爆紅，獲讚極具喜劇細胞。

沈震軒今日（27日）發布下集，神秘嘉賓終於曝光，原來是邀請了Maggie在《女神配對計劃》的追求者Matt客串演出。

當以為劇情將是醫生同顧客發展感情線，沒想到結局來個大反轉，Maggie在「劉醫生」打造之下成為索爆「女神」，最後竟然跟醫美太子爺陳衍丞（Kenneth）飾演的「不死人」司徒厲拉埋天窗。拍攝當日，Matt現場目擊二人手拖手一幕，因遷就鏡頭而NG好幾次時，更忍不住「拳頭」硬了，直接翻白眼表示：「我冇眼睇！」呷醋呷到出晒面，當導演一嗌Cut機，Kenneth即時「補飛」說：「唔好意思呀，兄弟！戲嚟㗎咋，唔好嬲啦！我會好好補償你呀，第時你同Maggie一齊拍住拖嚟LIGHTMAC做Treatment啦，全部入我數！」Matt表示今次短劇雖然凌晨時分要捱眼瞓拍攝，不過可以一過戲癮，都玩得非常開心，希望再繼續拍攝第二輯、第三輯，令他跟Maggie可以寓工作於「拍拖」，十分高興。

沈震軒自編自導自演。

Maggie在Matt打造之下成為索爆「女神」！

最後Maggie竟然跟醫美太子爺陳衍丞（Kenneth）飾演的「不死人」拉埋天窗？

在拍攝當日，Matt目擊二人手拖手一幕，忍不住「拳頭」硬了！

今次網劇非常成功，自編自導自演的沈震軒笑言：「今次劇集玩得好開心，不過我呢個『不死人』就仲係單身，見到網上反應咁好，我都好想有下集，到底加唔加番條感情線畀自己好呢？」

左起：梁敏巧（Maggie）、劉啟進（Matt）、沈震軒、陳衍丞（Kenneth）