沈震軒中山突擊重現《喜愛夜蒲2》經典場面 關楚耀大叫：我老婆喺度呀！

沈震軒（Sammy）日前到中山為關楚耀（Kelvin）演唱會擔任嘉賓，唔講唔知，原來二人已經認識十三年！演唱會上，二人即場「重現」當年電影《喜愛夜蒲2》的經典場面，搞到全場觀眾尖叫！

沈震軒到中山為關楚耀演唱會擔任嘉賓。

事源Kelvin在演唱電影片尾曲《Wonderland》的中段時，Sammy突然現身舞台一齊合唱！唱完後，Kelvin即刻興奮大叫：「喂！點呀！USB（沈震軒於《喜愛夜蒲2》中外號））吓嘛，哈哈！」Sammy問道：「一見到阿關呢，我又即刻返到去《喜愛夜蒲2》！我想問吓現場有幾多人係睇過《喜愛夜蒲2》㗎？」全場觀眾即大聲歡叫，Sammy搞笑話：「你哋曝露咗你哋嘅年齡啦，哈哈！」隨後，Kelvin突然「感慨」，「講起《喜愛夜蒲》呢，真係好耐冇蒲啦⋯⋯」Sammy接着說：「我就唔知你，但其實我就好開心嘅……」關楚耀突然醒目截停：「你小心啲，我老婆喺度！」搞到台下觀眾笑爆！之後大會熒幕應景地播出《喜愛夜蒲2》片段，絕對是回憶殺！

二人「重現」當年電影《喜愛夜蒲2》的經典場面。

沈震軒

完Show後，Sammy表示二人真的因為拍《喜愛夜蒲2》而認識，問到之前有沒有音樂上合作，Sammy坦言：「除咗拍戲，之前我記得好似有同阿關唱過一次K，但同台音樂表演真係第一次！」提到揀選八十至二千年代歌曲作Medley，Sammy指因為都是圍繞他們Generation的金曲，大部份都是他們喜歡的歌曲。

Sammy表示與Kelvin真的因為拍《喜愛夜蒲2》而認識。

Sammy更自爆有個想法，想延續這個回憶殺，「好想同阿關再jam落去，衍生一個大啲嘅故仔！因為阿關都有好多自己嘅歌，我好想將佢嘅歌、我嘅歌，再加埋敏之或者另一位女歌手，做一個小小嘅都市愛情故仔，串連音樂加戲劇，好似冇人做過呢樣嘢，所以而家都構思緊。」fans們可以期待這個破天荒合作啦。

沈震軒

沈震軒

香港人的人情味，總在最需要的時候閃閃發光。上月大埔宏福苑發生火災後，社區各界紛紛伸出援手，人間有愛，娛樂圈中幾位暖男歌手決定以最直接的方式送上關懷——用歌聲傳遞溫暖，為受影響居民同社區送上祝福，唱出正能量。

吳業坤、胡鴻鈞、關楚耀及胡諾言將於12月27日聯手舉辦「星聲送暖 • 愛心音樂分享會」。

吳業坤、胡鴻鈞、關楚耀及胡諾言四位歌手，將於12月27日聯手舉辦一場特別的「星聲送暖 • 愛心音樂分享會」。這場音樂會並非普通表演，而是一個充滿愛心的行動。四位歌手希望以最真摯的歌聲，為受火災影響的街坊及社區，搭建一座音樂橋樑，凝聚善意，一起為這個冬日注入一股實在的暖流。

吳業坤

胡鴻鈞

關楚耀

胡諾言

音樂分享會於下午2點半開始，於香港嘉里酒店舉行，演出達兩小時，門票定價為380港元，現已公開發售。是次活動的所有收益，在扣除必要成本後，將會全數撥捐「大埔宏福苑援助基金」及其他受惠機構，真正將樂迷及社區的支持，化為送到災民手上的一點心意、一線光明。

「星聲送暖 • 愛心音樂分享會」

四位參與歌手表示，「好希望透過呢次機會，用自己擅長嘅音樂為社區出力、回饋社會。一份門票，唔單止可以聽到好歌，更係將祝福同援助直接送到有需要嘅人手中。」這個冬天，讓我們用愛心跟音樂，為受創的社區打氣，將溫暖及祝福，化作最實際的支持。

「星聲送暖 • 愛心音樂分享會」