為「家姐細佬」周歲生日提前造勢 網友：8.15列法定假期先得！

夏日炎炎，海洋公園的熊貓熱潮一浪接一浪！這邊廂「安安」同「可可」的生日會剛剛散場，轉頭就輪到家姐「加加」同細佬「得得」的生日月即將閃亮登場！

家姐「加加」：呢幾日好多契爸契媽陪安安哥哥同可可姐姐過生日！海洋公園IG圖片

兩姐弟生日未至已率先開始製造興奮氣氛，海洋公園星期日在社交平台公開家姐「加加」同細佬「得得」的撒嬌預警，海洋公園小編笑問一眾熊貓粉絲：「細佬「得得」發射嘅可愛眼神攻勢，各位契爸契媽收到嗎？」

細佬「得得」：原來生日係咁好玩！唔到到時有無甘多人陪我哋呢？海洋公園IG圖片

細佬發射可愛眼神攻勢。海洋公園IG圖片

細佬「得得」：我唔理！到時我同家姐1歲生日要見到大家啊！海洋公園IG圖片

熊貓迷們等足一年終於將迎來兩姐弟的周歲生日，紛紛留言表達對這項城中盛事的期待：「開足一個月生日party」、「家姐、細佬既生日，應該直接定為法定假期」、「契媽契爸反而想問下，你地兩個生日果日係米同我地玩足七日，每日八個鐘？話哂第一年生日會喎」、「約定你地喇^_^希望家姐細佬後援會都有活動啦」、「我擔心8月15嗰日大家要8點就已經喺門口排隊」、「已經請定假啦」

「家姐」加加：約實你哋啊！海洋公園IG圖片

「家姐」加加：真係約實你哋啊！海洋公園IG圖片

Matt奶爸：有熊努力練緊輕功！Matt奶爸IG圖片

萬千寵愛的大熊貓龍鳳胎「加加」、「得得」好食好住好玩，最新消息兩姐弟體重已經超過35公斤！而且，告別BB餐，開始食窩窩頭了，讓契爸契媽既感欣慰，又捨不得兩個寶貝大得太快。

家姐細佬體重超過35公斤啦！香港大熊貓官方專頁ig截圖

家姐「加加」同細佬「得得」已經15個月大，由老鼠仔一樣的BB，長大到現在肥嘟嘟，識得「費媽」，識得打架，又識得撒嬌。

家姐細佬接受護理訓練。香港大熊貓官方專頁ig截圖

海洋公園的香港大熊貓官方專頁最新帖文帶來好消息，家姐細佬有不少成就解鎖，例如接受護理訓練，奶媽吹著哨子，加上手指指示，細佬就懂得朝奶媽方向走去，準備飲盆盆奶；又例如奶媽叫「加加」，家姐聽懂自己被點名，就馬上「應機」，聽明白指示自己走去正確的地方。

家姐細佬接受護理訓練。香港大熊貓官方專頁ig截圖

大熊貓家姐細佬開始食窩窩頭了。香港大熊貓官方專頁ig截圖

家姐細佬每日都探索和學習新事物，在奶爸奶媽、契爸契媽眼中，是越來越聰明和勇敢了。「睇到好感動，但ee唔想你地大得咁快」，「係盈盈媽媽，奶爸奶媽教導有方又有愛心細心，所以兩個寶貝無論身型同學習都進步好多」，「升中學了啦，接受正式訓練了！家姐叻叻！細佬開始食窩窩頭呀，唔怪之得有35kg重呢！兩姊弟加油！各位奶爸奶媽辛苦了」，「身形就嚟追得到盈盈啦」，「奶爸奶媽們準備要抱不動兩姐弟了」。

大熊貓家姐「加加」同細佬「得得」已經15個月大。香港大熊貓官方專頁ig截圖

另外，海洋公園宣布多項門票優惠方案。即日起至12月17日，香港居民可購買「一票雙遊」門票，以成人票價538元、小童票價269元，一個價錢可自由選擇兩個日子入園。由即日起至明年1月4日，推出「二人同行」成人優惠套票，兩位成人票價為915元。今年12月1日至明年1月4日期間，購買兩個或以上「全年會籍」，不論成人、學生或小童會籍，均有85折優惠，即成人年票為1173元，學生或小童年票為833元。