現時好多食肆都推行顧客自行用手機掃二維碼(QR Code)落單，雖然看似好方便，但坊間亦不少反對聲音。日前有網民到一間連鎖餐廳嘆下午茶，雖然他對食物的質素滿意，但卻在社交平台發文埋怨「下午茶都加一，仲要自己落單」，引來網民熱議。
樓主大讚白咖喱豬扒係好正，但不滿要加一
樓主點的是下午茶價錢為58元的白咖喱香茅豬扮飯，再加上加一服務費，總消費額是63.8元。而樓主在提出抗議時，都先讚一讚餐廳的食物質素，大大隻字寫到「白咖喱豬扒係好正，豬扒鬆軟香脆」，但下一句就埋怨「下午茶都加一，仲要自己落單」？
網民力撐：自己落單要加一唔幫襯
帖文引來不少網民表態「除非非食不可，自己落單要加一唔幫襯」、「真心唔明，好多食肆自己落單，自己埋單都無加一，尼(呢)間點解要收加一，其實都係茶記，不如$直接加10％簡單D(啲)」、「食物價錢直接貴10%都冇咁谷氣」。
示意圖。設計圖片
留言多呻對加一服務費的不滿
不少留言都認同事主，紛紛表達對加一服務費的不滿，「而家自助落單，有啲連倒水都自助，但加一照收」、「自己落單但要收加一，真心唔值」、「加一又叫服務費，請問你服務咗我啲咩？拎個餐比我呀？」、有網民甚至覺得應取消加一服務費這制度「取消加一！會更加吸引！」
示意圖。設計圖片
有食客認同白咖喱豬扮飯：依個堅好食
不過也有網民認為事主分享的白咖哩豬扒飯確實滋味，「其實我都幾鍾意食」、「個厚切猪(豬)仲正呀」、「依個堅好食。」
網上截圖
