45歲的「金牌司儀」林盛斌（Bob）除了靠接各大小司儀的工作，亦有不少副業，可謂賺到盆滿缽滿。不過，近日Bob就在社交平台發長文怒斥遭不良商戶惡意改圖賣壯陽藥！
林盛斌
Bob在IG貼出一張他拿壯陽藥的照片，並在圖上大大寫上「FAKE」字樣，「又嚟！？可唔可以唔好咁呀，黐鬼線！我知道可能因為我有四個小朋友，感覺上我嘅性能力好似好勁咁（實際上都係），所以同呢類壯陽產品個形象係好夾嘅，但係我真係好希望你正正經經咁樣搵我去拍廣告，而唔係走去偷我啲相然後Key你哋個產品上去，講真，你哋咁樣做，真係生仔冇屎窟㗎，我相信有唔少無辜嘅人就係咁樣俾你哋呃咗。」
View this post on Instagram
Bob又提醒大家不要受騙，「喺度提醒所有朋友，所有嗰啲乜嘢小鋼炮、海狗丸、鹿鞭丸、壯陽藥、印度神油等等，全部都係呃人嘅，我冇幫過佢哋賣廣告，我亦都冇出過post推介俾任何一個人，所以千祈千祈唔好信，亦都唔好買。市道唔好，好多呢啲死老千出嚟搵食，大家小心。」
林盛斌IG圖片
最後，Bob又趁機為自己𢯎jobs，「我係非常歡迎呢類男士保健產品嘅客戶搵我，出post又好，拍廣告又好，代言人又好，我肯定會好落力咁樣去幫你哋宣傳，咁我就唔使不斷澄清、澄清再澄清。」
林盛斌IG圖片
想不到，相隔兩日，Bob又再次發現自己被改圖賣減肥藥，令他非常氣憤，「我X你個肺，又有！繼嗰啲咩海狗丸、小鋼炮、壯陽藥之後，今次到呢個唔知乜叉嘢減肥消脂片偷我啲相去P圖，仲要自己作埋啲虛構劇情，係咪癲㗎你哋？我唔知道到底係呢個產品嘅製造商去做呢啲嘢，定係佢嘅總代理或者旗下嘅分銷商搞出嚟，總之用埋呢種咁不道德嘅手法去呃人，我相信係會有報應嘅，就算真係俾你賺到錢，嗰啲錢都係俾你自己遲啲攞去醫病㗎咋，唔好咁啦！喺度鄭重澄清，我從來冇食過呢個產品，亦都冇介紹過俾任何一個人，大家千祈唔好信，小心被騙。」面對這些不良商戶的行為，Bob透露已交由律師處理中。
View this post on Instagram
