攻你上大學｜《金式森林》演員真．學生相曝光 陳曉華三歲定八十VS陳庭欣女大十八變

由林盛斌率領2025香港小姐亞軍施宇琪及季軍袁文靜主持的全新台慶綜藝《中國建設銀行(亞洲)呈獻：攻你上大學》昨晚（10月27日）一集是台慶劇《金式森林》演員（排名不分先後）：羅子溢、陳曉華、何廣沛、羅天宇、何依婷、陳庭欣、莊子璇、陳浚霆、陳星妤及唐嘉麟玩遊戲。

焦點圖片

10位「同學仔」除齊齊以校服亮相，有藝人還提供了真．學生相予製作組做彩蛋。先說兩位港姐冠軍陳庭欣及陳曉華，二人分別演繹了「女大十八變」及「三歲定八十」；至於同為港姐的莊子璇及陳星妤，則分別以精靈大眼睛及可愛孖辮搶鏡。男藝人方面，羅天宇和羅子溢幾乎零變化，不過由於二人提供的學生相有年齡差，故「年紀較輕」的天宇望落更Cutie。

羅子溢學生相

陳曉華學生相

莊子璇學生相

羅天宇學生相

陳庭欣學生相

陳浚霆學生相

陳星妤學生相

唐嘉麟學生相

說回比賽，經過六條小學問答題，子溢、天宇及唐嘉麟最終被淘汰，其餘7位「同學仔」（排名不分先後）：陳曉華、何廣沛、何依婷、陳庭欣、莊子璇、陳浚霆及陳星妤則順利晉級，並於今晚（28日）一集進行中學及大學答題競賽，而「大學學位」只有4名，代表著中學階段將再淘汰3名「同學仔」。

7位「同學仔」分別是陳曉華、何廣沛、何依婷、陳庭欣、莊子璇、陳浚霆及陳星妤

另值得一提的，是大學競賽部分，「同學仔」除可選擇自行或點名對手作答，還有升級及留級制，保證更加緊張刺激。而今晚賽果絕對出人意表，最終勝出的「同學仔」在小學及中學部分並未有太亮眼的表現，到底誰人後勁如此凌厲？而今晚其中一個得意位，是何廣沛回答大學一年級新聞與傳播題目：「『狗仔隊』這個詞語最初源自那種語言？」時，竟想到要在偶像周杰倫的MV中找答案，想知何廣沛最後能否順利答對，密切留意今晚播出的《攻你上大學》。

何廣沛到底最後答唔答到呢？密切留意今晚播嘅《攻你上大學》。

中學題目，已經搞到大家頭都大埋。

中學題目，已經搞到大家頭都大埋。

中學題目，已經搞到大家頭都大埋。

今集「中學級」好玩題目推介：

70年代美國社會心理學家齊克魯賓，認為「爱情」同「喜歡」，是兩種不同的情感，他關創了愛情量表，去區分甚麼是「愛」、甚麼是「喜歡」根據他的理論，以下哪一項是屬於「喜歡」？

A你好想獨佔對方寂寞的時候

B你認為對方跟自己很相似

C寂寞的時候，你會第一時間想起對方

D你非常關心對方的幸福

今集「中學級」好玩題目推介

今集「中學級」好玩題目推介

今集「大學級」好玩題目推介：

以下哪部劇稱為莎士比亞的四大悲劇之一？

A 仲夏夜之夢

B 第十二夜

C 羅密歐與朱麗葉

D 哈姆雷特

今集問了經典題目「以下哪部劇稱為莎士比亞的四大悲劇之一？」最終只有一位成功作答。

今集問了經典題目「以下哪部劇稱為莎士比亞的四大悲劇之一？」最終只有一位成功作答。

今集問了經典題目「以下哪部劇稱為莎士比亞的四大悲劇之一？」最終只有一位成功作答。

「狗仔隊」這個詞語最初源自那種語言？

A拉丁文

B意大利文

C法文

D英文

TVB節目《中年好聲音4》 現正播放，「獅子王」羅天宇最終於「團隊搶分戰」下半場以87分被淘汰，未能晉級20強。過去忙於拍劇的羅天宇直言自己喜歡唱歌，亦找了5位老師教導他唱歌技巧，即使在比賽中止步，亦會繼續向音樂路發展。

羅天宇

《中年好聲音4》

《中年好聲音4》

《中年好聲音4》

《中年好聲音4》

羅天宇覺得：「今次嘅《中年好聲音4》係一個雞精班，喺好短時間之內去令自己進步嘅一個過程。因為我好記得我一開頭面試嘅時候覺得自己實在太緊張，即係個心跳係達到我諗 140 咁樣，咁但係去到每一集我都覺得自己係有進步嘅，跟住除咗唱歌之外，除咗唱歌搵咗幾個唔同嘅老師幫手之外，我自己譬如喺控制呢個緊張嘅情況，緊張嘅心跳、呼吸，另外就係可能企喺臺上面嘅台風或者望嘅位置，好多嘢好多嘢學，真係喺唱歌路上嘅一個精英班。」

他也不捨得「獅子王」的身份，「我好記得一開頭都用咗啲時間去適應個面罩唱歌，但當冇咗嘅時候呢就真係好唔捨得，冇咗先發覺原來戴住面罩係咁好嘅，就好似你閉埋眼唱歌，完全乜都唔使理 好 focus 好 focus 咁樣去表現自己平時練習嘅嘢，跟住就唔需要顧好多人點樣去，可能評審我哋都唔係好望到，就可以閉埋眼咁樣好專注去唱。同埋呢個身份呢好得意，我唱歌即係出咗街之後，基本上好多人都認得我把聲啦，街上好多人都會叫我獅子王加油，所以我就覺得呢隻獅子好親切。」

《中4》對羅天宇來說有如一場戰爭，「只有得一次機會，控制好自己嘅心態同埋心理質素好重要。拍劇係好專注投入個角色，好熟讀劇本，就算嗰一Take唔得，有機會畀你即時去改進、進步，但係《中年好聲音》係嗰吓得就得，唔得就走，所以係一個好殘酷嘅戰場。」他續說：「我哋仲會用錄影嘅時間每日去練習，因為知道得一次機會，搵咗五個老師，會問佢哋唔同嘅意見，咁樣去準備嗰一次嘅打仗。同埋唱歌對我嚟講就比較陌生，再加上如果比賽嚟講就更加陌生，今次就真係可以真正咁樣體驗到，其實一個戰場、一個比賽究竟係點呢？當你身邊嘅嘅可以話係敵人，好似其他參賽者都咁強嘅時候，點樣去準備自己、裝備自己呢？」

熱愛音樂的他一直有努力爭取機會，「每一次拍嘅劇集我都有問監製或者問公司會唔會可以參與下片尾曲、插曲，好幸運地都有一、兩首，但無奈嘅係我哋公司唱得嘅人好多，所以機會就好難爭取，所以我希望參加完中年好聲音之後，監製們或者公司呢都會睇得出，原來羅天宇都可以唱到歌，都可以入到錄音室。如果可以繼續喺唱歌路上有自己嘅歌曲，當然係好希望可以同演戲一齊雙線發展。」

雖然最終被淘汰，他亦沒有放棄追逐音樂夢，「一直都係有搵老師，因為我有咗之前喺比賽裏面嘅經驗，我知道自己嘅不足喺邊度，所以而家就好清晰落嘅苦工要擺喺咩位置，專注喺邊度。同埋我啲老師都有睇到我嘅演出，佢哋都知道應該用咩方法去訓練，或者喺唱歌路上繼續進步。希望將來可以有屬於自己嘅歌曲，亦都可以唱下劇集體主題曲、片尾曲、插曲。」