攻你上大學｜應屆港姐季軍袁文靜「載譽歸來」晒Rap功三大港姐冠軍陳庭欣陳曉華莊子璇齊贏頭威

娛圈事

攻你上大學｜應屆港姐季軍袁文靜「載譽歸來」晒Rap功三大港姐冠軍陳庭欣陳曉華莊子璇齊贏頭威

2025年10月26日 14:00 最後更新：14:57

無綫電視慶祝58周年台慶，隆重推出連串台慶節目，全新台慶綜藝《中國建設銀行(亞洲)呈獻：攻你上大學》，將由明晚（10月27日）起、逢星期一至五晚上10點半於翡翠台播映，節目一共10集。節目由林盛斌率領2025香港小姐亞軍施宇琪及季軍袁文靜擔任主持，廣邀「城」中藝人一晚玩盡小學、中學、大學三個學術級別的學術常識題，答中終極題目成功畢業者，可贏得獎學金；另成功攻上大學的參與藝人，亦隨時有機會晉身11月19日台慶夜遊戲環節，角逐台慶鉅獎。

10位參賽藝人齊著校服亮相

點擊看圖輯

三位主持：（左起）施宇琪、林盛斌、袁文靜，阿Bob頂四方帽，正喎。

各藝人Solo相

第一、二集嘅班相

想見識袁文靜Rap功？睇節目喇真係要。

袁文靜係首集MVP！

媒人Bob好跩咁攞咗天宇緋聞嚟開玩笑，但係天宇嘅表情，會唔會太冧？

你以為曉華話自己係一姐？佢其實話參賽目標係答啱一條問題，有冇咁冇大志？

小學一年級嘅題目，已經搞到大家頭都大埋。

陳浚霆仲要因為亂讀個部首，獲封「陳浚J」。

陳曉華咩事搞到子溢頭都大埋？

陳庭欣就係呢個位運用排除法。

有一條題目係得陳星妤一個答錯。

又有一條題目係得陳浚J一個答啱。

羅子溢數口好差賴眼朦。

想見識何廣沛嘅邏輯推理能力，都係一定要睇節目。

三大港姐冠軍，到底可唔可以贏到最後呢？

更多相片

三位主持：（左起）施宇琪、林盛斌、袁文靜，阿Bob頂四方帽，正喎。

各藝人Solo相

第一、二集嘅班相

想見識袁文靜Rap功？睇節目喇真係要。

袁文靜係首集MVP！

媒人Bob好跩咁攞咗天宇緋聞嚟開玩笑，但係天宇嘅表情，會唔會太冧？

你以為曉華話自己係一姐？佢其實話參賽目標係答啱一條問題，有冇咁冇大志？

小學一年級嘅題目，已經搞到大家頭都大埋。

陳浚霆仲要因為亂讀個部首，獲封「陳浚J」。

陳曉華咩事搞到子溢頭都大埋？

陳庭欣就係呢個位運用排除法。

有一條題目係得陳星妤一個答錯。

又有一條題目係得陳浚J一個答啱。

羅子溢數口好差賴眼朦。

想見識何廣沛嘅邏輯推理能力，都係一定要睇節目。

三大港姐冠軍，到底可唔可以贏到最後呢？

首集《攻你上大學》挑戰隊伍為台慶劇《金式森林》演員（排名不分先後）：羅子溢、陳曉華、何廣沛、羅天宇、何依婷、陳庭欣、莊子璇、陳浚霆、陳星妤及唐嘉麟，10位「同學仔」齊齊以校服亮相。雖然是學術常識問答比賽，但遊戲過程花生指數相當高，首先之前參選港姐時、已因半鹹不淡廣東話贏盡焦點的袁文靜，在節目中將再度大晒廣東話Rap功宣布賽制，更獲阿Bob封為「地球上最勁嘅Rapper」，並Comment：「勁到不得了！」

阿Bob戲弄羅天宇：唔好溝咁多女啦，好冇？！

文靜Rap爆全場後，笑問原創者唐嘉麟「聽唔聽得明」，唐嘉麟即反應甚快回應謂：「聽得明，因為我寫架嘛！」並大拋押韻熱血Bite：「我哋有信心唔係吹水，因為我哋係《金式森林》隊。」另因袁文靜的廣東話依然是有限公司，她在節目中不斷為藝人改「花名」，分別是「何廣屁」、「羅子二」等；另外轉數快的她，當聽到戴了眼鏡的子溢、表示因看不清楚題目答錯時，即反應甚快反問子溢：「咁你副眼鏡呢？」堪稱全晚「氣氛＋搞笑擔當」。

另一大花生位，是阿Bob賽前突然訓示羅天宇：「唔好溝咁多女啦，好冇？！」陳庭欣聞言即和應：「啲真嘢唔好攞出嚟講。」之後Bob大玩諧音兼大擺ok手勢謂：「依家嗰個係得（德）呀！一定得呀！」而天宇亦即甜笑擺出「害羞ok手勢」回應，粉紅氣泡滿滿。

小學階段將淘汰3位參賽藝人

第一集的內容包括了小學及部分中學的答題部分，令人驚艷的是，第一題的「小學一年級中文題」、已考起方氏一家，題目：「方氏商業王國嘅『方』字係咩部首？」，陳浚霆更因為讀錯其中一個答案部首的發音而被封「陳浚J」。比賽初段，三大領先的參賽者竟巧合地是三位前港姐冠軍陳庭欣、陳曉華及莊子璇，令阿Bob不禁讚嘆果然「美貌與智慧」並重！