香港的夏天愈來愈熱，炎日下差不多家家戶戶都開恒部冷氣機，日前就有一張相在社交平台流傳，疑是某公屋的外牆，相中所見某單位窗外正晾曬被鋪，但細看之下，部冷氣機似乎有「古怪」，不少網民都爆笑留言！
細看之下，相中部冷氣機似乎有「古怪」，不少網民都爆笑留言！threads 圖片
冷氣機出風口向外而非向屋內！
點擊看圖輯
細看之下，相中部冷氣機似乎有「古怪」，不少網民都爆笑留言！threads 圖片
網上圖片
網上圖片
示意圖片
樓主以「屋主間屋一開冷氣，就直達第16層火山地獄。定係一個美麗誤會」為題在threads 發帖文，起初有網民仍未睇到相中「耐人尋味」之處，留言「其實唔係好明咩事」，但望真D後隨即爆笑留言「哦，Ｘ，調轉咗嚟裝，真係考Ｘ我啲眼力」。原來相中的冷氣機竟然被倒轉來安裝，出風口向外，而非向着屋內！
網上圖片
網笑：扮有裝冷氣機，好睇啲
網民都被相中的冷氣機逗樂了, 紛紛留言「暖爐嚟㗎」、「扮有裝冷氣機，好睇啲」、「Remote（搖控器）開唔開到」、「凍呀，又嫌屋企太靜唧，裝都裝了」。
網上圖片
新款呀！兩邊出風口你識唔識呀
而其他人更借題發揮搞笑地話「裝飾嚟 」、「古惑的風」、「古惑的冷氣機、「俾雀用嘅冷氣」、「新款機種，測試中」、「新款呀兩邊出風口你識唔識呀」、「表面佢係一個冷氣，其實佢係一個鬚刨」、「外表係一部冷氣機，其實只係一個儲物櫃」、「特工屋企，電器俾你估到仲得了，好明顯係風扇」、「咪以為佢係冷氣機，其實佢係一個武器庫；咪以為掛嗰啲係被鋪，其實係一啲滑翔傘。」
示意圖片
網民理性理解：可能洗緊冷氣機
而有部份網民以理性解度去理解張相「拍門問吓」、「可能洗緊冷氣機」、「洗完機，師傅仔裝錯咗」。甚至有網民搞笑地形容有關住戶「好大愛」留言「減慢地球暖化」、「四字成語: 捨己為人」
「益街坊嘅嘢你識條鐵」、「佢想減慢全球暖化啫」、「條街熱過屋企、大愛服務市民」、「大愛，唔怪得今日無噚日咁熱啦」、「怕街坊太熱，幫手吹啲冷氣俾大家」、「我有一個夢，就係要令世界氣溫下降」、「呢啲係大愛嘅一種表現，根本就想給世界一點涼。」等等。
