做女唔好貼大床？​21歲港女見男友家長「倒茶攞嘢」下廚兼洗碗行為惹議

早前香港打風，有網民發帖分享，當日自己兒子女友冒雨到家中作客，不僅親自下廚，更與兒子一同「招呼」自己，令事主感動直呼「多咗個女」，但沒想到該港女做法卻惹來網民熱議！

原帖主看到兒子與女友一起招呼自己，覺得「真係很開心很幸福」。Threads截圖

兒子21歲女友「真是乖女兒」

有網民指當日打風，兒子的21歲女友到自己家中作客。他讚兒子女友雖然「小小年紀」，但「真是乖女兒」，因為平時外出吃飯都會主動幫uncle「倒茶攞嘢」，而打風日來到「又主動煮東西」給長輩吃。原帖主看到兒子與女友一起招呼自己，覺得「真係很開心很幸福」，因為她感覺像「多咗個女兒」。

有網民發帖分享，打風當日自己兒子女友冒雨到家中作客，不僅親自下廚，更與兒子一同「招呼」自己，令事主感動直呼「多咗個女」。AI生成圖

有網民見帖即勸：做女唔好貼大床

沒想到帖文一出，就有其他網民看不過眼，更即時發帖勸各位港女不必過度討好男方家庭，直言：「你都係人地個女，你爸媽養到你咁大，唔係要你出去做人哋妹仔」，強調保持基本禮貌即可，但未過門前始終是客人身份。

有其他網民看不過眼，更即時發帖勸各位港女不必過度討好男方家庭。Threads截圖

該網民隨後更補充，自細母親就教「做女唔好貼大床」，自己媽媽更因見到家姐主動幫人洗碗而「嬲到癡線」。她認為「做多咗唔會得到人尊重」，並以職場類比，強調無論在人際關係或婚戀中，保持界線更為重要。

網民反應兩極

有網民表示認同，「大家閨秀絕對唔會走入去人家的廚房煮飯，仲要招呼」、「要人孝順自己時就話多個女，講到錢時就識你係邊個啊? 果然是21歲的天真少女 」、「未結婚你以為結婚之後真係一家人；結咗婚之後佢哋一家人仲係一家人，你都仲係外人」。

有網民表示認同，「大家閨秀絕對唔會走入去人家的廚房煮飯，仲要招呼」。AI生成圖

亦有網民認為「做女唔好貼大床」的想法太誇張，「開post串鳩人地係妹仔貼大床，講野咁撚難聽，以為佢做咗啲咩令你咁大反應」、「咁postive嘅野都可以搵到位入 大癲」、「反而覺得呢位Auntie（uncle）幾好 起碼睇到人地付出又識感恩」。

原帖主現身回應

沒想到反擊文引來原帖主回應！原帖主表示，當日打風兩小口不知去哪，才到自己家煮飯仔，飯後是「兩個一齊洗碗」。他「從來唔覺得女仔就必需要做家務做妹仔」，若果自己仔女去另一半屋企做小小事，亦「唔覺得有問題」，認為「情侶相處就應該係咁」。

沒想到反擊文引來原帖主回應！Threads截圖

黃大仙的街坊不知有否留意到區內一個位於沙田坳道巴士站附近的地標？外形是一座直立式長條柱狀物體，近日有網民在社交平台發帖問到「呢枝嘢喺黃大仙出現咗好多年，唔知係唔係扮香」有趣的觀察引起網民關注。

黃大仙區內有一個直立式的柱狀物引起網民關注。網上圖片

柱身印有黑點附有報時熒幕

由相片所見，黃大仙區內有一個直立式的柱狀物，約有6米高，柱身印有黑點作裝飾，而柱的最上方有一個顯示日期及時間的熒幕，似是為街坊報時。

由於黃大仙區內有黃大仙祠，因此令人聯想到香燭。網上圖片

網笑：直立拖板？大型偷電現場？

可能黃大仙區內有黃大仙祠，因此令人聯想到香燭，不過其他網民就搞笑留言，指該地標更似「直立拖板」，「大型偷電現場」：「明明是萬能插」、「呢條柱係俾人叉電㗎」、「有type-c插嘛？」、「但係啲插歪晒」、「邊個高手爬上去插？」、「我細個就覺得好似係咪用Minecraft嗰啲石頭所砌出嚟嘅，上面嗰個顯示屏就係煤炭方塊」，另有網民稱「黃大仙六芒星陣」、「風水嘢 我勸你唔好亂估」。

網民就搞笑留言，指該地標更似「直立拖板」、「大型偷電現場」、「萬能插」。網上圖片

網上圖片

網民大起底其真正用途

有趣的地標遭網民大起底，原來此物是民政事務總署所管轄，是位於黃大仙廣場及沙田坳道之間的區議會地標，根據民政事務總署「地區小型工程計劃」網頁資料，此項目於2010年完成，為一座約6米高附有時鐘及照明的地標。

民政事務總署「地區小型工程計劃」網頁資料。網上圖片