「樂樂」20歲生日成「熊」生大贏家 有車有妻有仔女都不及「呢樣嘢」

恭祝你福壽與天齊，慶賀盈盈樂樂20歲生辰快樂！

海洋公園圖片

海洋公園圖片

8月對於海洋公園大熊貓「盈盈」同「樂樂」來講，絕對是喜事連連！兩熊都於本月迎來20歲生日，而牠們的下一代「家姐」加加和「細佬」德德亦將在8月15日慶祝兩姐弟的一歲生日！8月8日是「樂樂」的20歲生日正日，海洋公園早前就表示，動物護理團隊再度聯同Häagen-Dazs，為牠們送上冰蛋糕作為生日禮物。

邁入20歲的「樂樂」依然keep住童顏，而心境當然亦是「大細路」，作為「熊生大贏家」的牠，有跑車禮物，有護理員哥哥姐姐陪，有雖然無得見面但都珍藏在心中的太太「盈盈」及一對寶貝仔女「家姐」加加和「細佬」德德，熊生真係好幸福圓滿！

Matt奶爸IG圖片

Matt奶爸IG圖片

Matt奶爸IG圖片

Matt奶爸IG圖片

Matt奶爸IG圖片

Matt奶爸IG圖片

不過，對於「樂樂」來講，生日品嘗由護理員同Häagen-Dazs™ 團隊聯手製作的超靚超涼「愛心冰蛋糕」慶生才是正經事！海洋公園在社交平台撰文指，「愛心冰蛋糕」入面仲有「樂樂」同「盈盈」最愛的紫薯、蘿蔔、蘋果同新鮮竹葉，外加一條巨型竹筍！

園方又指，過去幾年「盈盈」都撞正懷孕期，無享用到「愛心冰蛋糕」，今年終於「盈盈」冇俾荷爾蒙變化影響到胃口，終於可以食凍嘢啦！

海洋公園預告8月將迎來多場大熊貓生日派對，各位熊貓迷記得mark低以下時間：

 8/8 樂樂正日 

16/8 盈盈正日

 15/8 家姐「加加」& 細佬「得得」滿1歲正日

IG圖片

IG圖片

IG圖片

IG圖片

IG圖片

活動期間，大家入園即可以在生日卡上簽名，現場欣賞熊貓享受生日大餐 + 環境豐容物，以及捕獲家姐「加加」& 細佬「得得」可愛畫面，約定大家來海洋公園為佢哋唱生日歌啦！

IG圖片

IG圖片

IG圖片

IG圖片

IG圖片

IG圖片

IG圖片

IG圖片

IG圖片

IG圖片

一眾熊貓迷亦紛紛搞笑為「樂樂」送上生日祝福：「推生日蛋糕落山係盈盈同樂樂每年生日嘅指定動作！」、「都話左佢哋唔鍾show年齡」、「一家全部八月之星」、「真係2夫妻，2個都係推跌嗰蛋糕，祝盈盈樂樂呢對童顏父母生日快樂，開心健康」、「樂樂盈盈20歲生日快樂，多謝你地帶來家姐細佬」、「祝呢對夫婦生日大快樂！！人人喜愛， 車見車載，仔女快高長大， 讀書聰明伶俐！」

萬千寵愛的大熊貓龍鳳胎「加加」、「得得」好食好住好玩，最新消息兩姐弟體重已經超過35公斤！而且，告別BB餐，開始食窩窩頭了，讓契爸契媽既感欣慰，又捨不得兩個寶貝大得太快。

家姐細佬體重超過35公斤啦！香港大熊貓官方專頁ig截圖

家姐「加加」同細佬「得得」已經15個月大，由老鼠仔一樣的BB，長大到現在肥嘟嘟，識得「費媽」，識得打架，又識得撒嬌。

家姐細佬接受護理訓練。香港大熊貓官方專頁ig截圖

海洋公園的香港大熊貓官方專頁最新帖文帶來好消息，家姐細佬有不少成就解鎖，例如接受護理訓練，奶媽吹著哨子，加上手指指示，細佬就懂得朝奶媽方向走去，準備飲盆盆奶；又例如奶媽叫「加加」，家姐聽懂自己被點名，就馬上「應機」，聽明白指示自己走去正確的地方。

家姐細佬接受護理訓練。香港大熊貓官方專頁ig截圖

大熊貓家姐細佬開始食窩窩頭了。香港大熊貓官方專頁ig截圖

家姐細佬每日都探索和學習新事物，在奶爸奶媽、契爸契媽眼中，是越來越聰明和勇敢了。「睇到好感動，但ee唔想你地大得咁快」，「係盈盈媽媽，奶爸奶媽教導有方又有愛心細心，所以兩個寶貝無論身型同學習都進步好多」，「升中學了啦，接受正式訓練了！家姐叻叻！細佬開始食窩窩頭呀，唔怪之得有35kg重呢！兩姊弟加油！各位奶爸奶媽辛苦了」，「身形就嚟追得到盈盈啦」，「奶爸奶媽們準備要抱不動兩姐弟了」。

大熊貓家姐「加加」同細佬「得得」已經15個月大。香港大熊貓官方專頁ig截圖

另外，海洋公園宣布多項門票優惠方案。即日起至12月17日，香港居民可購買「一票雙遊」門票，以成人票價538元、小童票價269元，一個價錢可自由選擇兩個日子入園。由即日起至明年1月4日，推出「二人同行」成人優惠套票，兩位成人票價為915元。今年12月1日至明年1月4日期間，購買兩個或以上「全年會籍」，不論成人、學生或小童會籍，均有85折優惠，即成人年票為1173元，學生或小童年票為833元。