林盛斌表演極速鯨吞船麵 自言有意開泰國船麵店獲網民大力支持

46歲的「金牌司儀」林盛斌（Bob）除了接各大小司儀的工作，亦有不少副業，可謂賺到盆滿缽滿！近日他就在社交平台表示想在香港開間好食的泰國船麵，隨即引來不少圈中好友和網民大力支持！

林盛斌

林盛斌在IG晒出極速鯨吞泰國船麵的影片，並留言：「我係認真想喺香港開一間好好食嘅泰國船麵，所以早排去泰國跑廟、拜神、拜師傅，喺坐車期間，差唔多肚餓要食啲嘢嘅時候，就求其經過搵一間街邊檔衝入去食碗麵，試吓人哋嘅手勢，傾吓合作嗰啲。講明先，呢一碗，係比起一般嘅船麵大碗嘅，新鮮滾熱辣啱啱煮好，出晒煙，唔係攤凍晒嗰啲，所以，33秒，呢個成績我覺得都唔錯嘅。同埋呢一檔都幾好食，千祈唔好問我喺邊度，我哋真係路過見到就坐低，舖頭名都冇嘅，睇吓傾唔傾得掂個事頭婆賣個配方俾我哋先！」

影片截圖

影片截圖

影片截圖

影片截圖

影片截圖

影片截圖

影片截圖

影片截圖

林盛斌的帖文一出，隨即引來不少圈中好友和網民大力支持，紛紛表示期待，黃翠如更表示：「好呀，唔該開啊，我好鍾意食船麵㗎！」林盛斌回覆道：「不如你同你老公入股啦。」亦有不少人大讚他食麵的樣子好「吸引」，「睇你食嘢真係好過癮」、「睇住你食麵個樣，我巳經覺得好肚餓」、「正！喜歡食麵，喜歡看Bob哥食麵」，JW亦表示：「你真係每一次食麵都食得好滋味！」

黃翠如

「金牌司儀」林盛斌（Bob）於《萬千星輝頒獎典2025》勇奪「最佳男主持」，但因為太激動，用力過猛意外令獎座即場「解體」，成為全晚最蝦碌一刻！而當Bob台上興奮時，Bob嫂黃乙頤（Pearl）與仔女及其他親友在家亦一樣興奮！

巴士的報記者攝

Bob用力過猛意外令獎座即場「解體」。

最佳男、女主持有（巴士的報記者攝）

Bob嫂在IG分享與仔女及親友見證Bob得獎一刻的影片，可見眾人一聽到Bob得獎時，即興奮到齊齊跳起尖叫大嗌，大女霏霏攬住妹妹爆喊，細仔Jaye更加係七情上面，但感動一刻隨即被Bob整爛獎一幕打破，眾人破涕為笑！Bob嫂又感慨道：「2009年，大家姐一歲，林生由大氣電波進入電視機，2026年，佢有四位小朋友，最細嘅八歲，17年，起過、痛過、怨過、落過，就是沒有後悔過！失意的時候看過程，得意的時候看結果，人生每一步都是成長，直至成功，每一步都算數！」

影片截圖

影片截圖

影片截圖

影片截圖

影片截圖

影片截圖

影片截圖

影片截圖

影片截圖

影片截圖