情到濃時，向暗戀的對像大膽示愛無可厚非，但是如將心意以大字報形式寫在屋邨建築物的外牆上，就毫無公德心可言！有網民日前在社交平台分享，怒批有人在屋邨建築物的外牆上用噴漆寫上表白字句，並寫到「真係辛苦晒清潔阿姨」。
網上圖片
大字周圍畫上不少紅心圖案
由網民在10月5日在threads上載的相片所見，某屋邨建築物的外牆上，被人用噴漆寫上「欠你做我女朋友好不好？」10個大字，當中的「好不好？」還特別用紅筆寫下，其餘字則用黑筆，為營造浪漫氣氛，大字的周圍還很畫上不少紅心圖案。不過樓主見到如此災難性場境，即怒斥「邊個咁黐線喺出面用噴漆同女朋友表白，真係辛苦晒清潔阿姨」。
網上圖片
網民替清潔工人擔心「或清唔走」
示愛者的行為當然亦同樣遭到大批網民圍剿，「啲人真係好冇公德心」，有人則好奇「求地點？」。網民都替清潔工人擔心，指「清潔阿姨都清唔走」、「清潔姐姐：祝你一世單身！」、「清潔唔會做㗎喇，直接油多層油上去算㗎啦 」，有人就提議「當事人洗返啦」。
網頁截圖
網笑：分手嘅話，又會噴漆鬧人？
但亦有網民覺得示愛者的做法令人「好kam....（尷尬）」，並猜測「如果分手嘅話，佢又會唔會噴漆鬧人」，更有人搞笑留言「咪清潔啊姨個男友噴㗎囉」、「最後發現係向清潔姨姨表白」。
網頁截圖
日前社交平台流出一條短片，只見一隻白鴿突然闖入地鐵車廂，剛開始車廂內的乘客還可以冷靜應對若無其事，但當白鴿在車廂內亂竄，有乘客驚慌逃離，而現場亦不斷傳出嘩嘩聲！
一隻白鴿突然闖入地鐵車廂，港鐵職員拿着捕網捉捕。threads影片截圖
白鴿在車廂內亂飛。threads影片截圖
乘客遭「空襲」車廂嘩聲四起
片段中的白鴿一開始只是在車廂內「慢步」，但當醒覺有港鐵職員持着捕捉網接近時，即警愓地在車廂內拍翼亂飛，港鐵職員亦即場向控制室報告「飛咗入去車廂內」。此時白鴿飛撲向其中一名女乘客，乘客即起身避開，行去第二個車廂，其後另一名女乘客亦慘遭「空襲」，令車廂嘩聲四起，女乘客隨即躲避。片段在此結束。
白鴿在車廂內亂飛。threads影片截圖
女乘客不幸被白鴿空襲。threads影片截圖
網驚：飛埋嚟就會好驚
樓主寫到「白鴿搭地鐵唔使比錢呀」，有網民留言回應並上載短片，「今朝早見住佢走入嚟車廂」，片中有隻白鴿車廂內悠閒地踱步。不少網民都指當時的場面頗為嚇人「勁恐怖！」、「嚇死人」、「離遠見到唔係好驚，但飛埋嚟就會好驚」。
有網民留言回應並上載短片，「今朝早見住佢走入嚟車廂」。threads影片截圖
網民笑稱要「捉佢逃票」
但有網民就好奇隻白鴿點入到去？更有人形容這隻鴿「放蕩不羈」，笑稱要「捉佢逃票」。另有人網友搞笑猜測白鴿只是「攰，想唞吓啫」，估計「到站開門自然會走㗎啦」、「其實佢到站會自己落車？」。
有網民留言回應並上載短片，「今朝早見住佢走入嚟車廂」。threads影片截圖
港鐵回應白鴿之後去向
港鐵回覆傳媒查詢時表示，1月3日屯門站職員曾登上屯馬綫列車處理有雀鳥飛進車廂，其後雀鳥飛走並離開車站。
