坐的士不少人會因為是否「兜路」與司機產生爭執，近日網上就瘋傳一段影片，記錄了一宗懷疑的士司機「兜路」事件。一名港男日前從迪士尼的士站乘搭的士前往港珠澳大橋，司機卻繞道駛往原本毋須經過的青衣，最終咪錶顯示車資高達250元，比正常車資貴約一倍。
《愛回家》劇照。示意圖片
據事主指，根據Google地圖顯示，從迪士尼前往港珠澳大橋 ，可直接向左邊方向行駛，而青衣則位於相反方向的右邊。正常車程約15公里，一般的士車費約為130至150元。事主在影片中質問司機：「迪士尼去港珠澳大橋你兜出青衣？唔聲唔聲想收我$250？」
《愛回家》劇照。示意圖片
事主當面指出司機「行錯路」並詢問如何解決，涉事司機起初同意「減返（車費）佢」，但當事主提出支付100元了事時，司機拒絕「搞笑真係，都係百幾（車費）嘅」。事主強調：「100啦，你咁樣兜路，仲嘥我啲時間。」司機則辯稱「過咗龍你睇到」。
事主此時使出「殺手锏」，清晰講出相關法例：「道路交通規則，第374D 章，沒有使用最直接而切 實可行的路線。」司機聞言態度隨即軟化，連聲表示「得喇得喇得喇。過咗龍啫，一百」。
《愛回家》劇照。示意圖片
該名港男其後在帖文中解釋，因難得與媽媽出遊不想掃興，才選擇以100元解決，否則會報警處理。影片曝光掀起網民熱議，大家紛紛讚賞事主冷靜處理手法：「真心師兄好有型！」、「既冷靜，又好清晰，講出重點」、「欣賞你好聲好氣『問候』佢，兜路真係要X」、「原來有智慧有讀書嘅人就係咁帥氣」、「由細到大都唔知背書有咩用，而家終於知」。
近日一張高達逾8萬蚊的天價下午茶賬單掀網絡熱議。有食客分享在新蒲崗一間茶餐廳用膳後，收到一張近九萬元的驚人賬單，經查詢後發現，原來是店員落單時輸入錯誤所致。
新蒲崗茶餐廳現近9萬天價賬單，店員落單誤輸入1533份牛腩飯。資料圖片
食客食下午茶收驚人天價賬單
事主在社交平台Threads發文表示，「吃下午茶……睇見張單，俾佢嚇死，成10萬蚊……問下姐姐，當然係佢哋搞錯啦」。店員得悉後隨即到收銀處查看，最終更正了賬單金額。事主寫道：「最後更正張單，只是126蚊咋」。
新蒲崗茶餐廳現近9萬天價賬單，店員落單誤輸入1533份牛腩飯。資料圖片
2份茶餐高達逾8萬
從上載的照片可見，單據上記錄了兩份茶餐，包括椰香咖喱牛筋腩飯、鐵板黑椒牛柳絲炒麵、凍檸茶及凍鴛鴦。當中椰香咖喱牛筋腩飯的價錢竟高達88914元，令整張賬單總額達88980元。
新蒲崗茶餐廳現近9萬天價賬單，店員落單誤輸入1533份牛腩飯。資料圖片
原來是數量出錯 正確金額僅126蚊
細看賬單，問題在於店員將一份牛筋腩飯的數量，錯誤輸入為1533份。事主其後也正確計算出實際費用：「鐵板牛柳絲炒麵同咖哩牛筋腩飯一樣價錢60蚊x2，凍飲加3蚊x2，總數係120蚊加6蚊=126蚊」。
新蒲崗茶餐廳現近9萬天價賬單，店員落單誤輸入1533份牛腩飯。Threads圖片
離奇事件引來網民爆笑留言
此事在網上引起不少迴響，網民紛紛幽默留言。有人戲言「成隻牛上，都唔使咁多錢」、「鋪金箔食都唔使咁貴」，亦有網民笑指「8萬8一碟飯好意頭吖！」。
對於誇張的份量，網民則稱「食咗千幾個咖哩飯，仲瘋狂過印度人」、「你一個晏晝食咗人哋成年嘅咖喱牛筋腩飯，健力士一定要頒獎畀你」。
