佘詩曼與契女們相聚食飯傾計唱K 感歎：原來快樂真係咁簡單！

50歲視后佘詩曼出名喜愛小朋友，曾自爆有十多名契仔契女，其中一位在外國留學的靚靚契女每次放假返港，她都會抽空陪契女食飯！近日，佘詩曼就因為突然好掛住一班契女，於是馬上約她們食飯！

佘詩曼出名喜愛小朋友。

契仔契女滿天下。

佘詩曼在IG晒出與一班契女飯敘的照片，並留言：「琴日瞓醒覺，突然間好掛住佢哋，Ad Hoc約咗呢餐飯，我哋去咗食壽司。攤完件炸芝士之後，因為都有一段時間冇見喇，想catch up返，我問咗佢哋三個問題，舊年最開心嘅事係咩？最唔開心係咩？最想進步嘅係咩？佢哋嘅年齡由10至到18歲，個個都回答得好可愛又真誠。」

佘詩曼IG圖片

佘詩曼IG圖片

佘詩曼IG圖片

與一班可愛的契女相聚，令佘詩曼不禁感歎：「原來快樂真係咁簡單，食完飯由百德新街行落去city’super買嘢飲，跟住去耀華街買糖水，再喺屋企玩遊戲同唱K（佢哋第一首係唱Love Story，係咪正），呢五個鐘過得好快樂。下次再約～」

佘詩曼IG圖片

視后佘詩曼憑劇集《新聞女王2》再度掀起追劇熱潮，人氣與吸金力雙雙攀上新高，可謂「錢」途無限。忙完一連串工作後，她把握難得假期，低調陪同媽媽飛往曼谷度假，享受親子時光，期間更被粉絲在商場Food Court偶遇，素顏狀態隨即成為網民熱話。

佘詩曼憑劇集《新聞女王2》再拎視后

《新聞女王2》再度掀起追劇熱潮

日前有網民在社交平台分享短片，表示在曼谷某商場巧遇佘詩曼。片中可見她打扮樸素隨意，完全素顏示人，皮膚依然緊緻透亮，狀態極佳。期間她更主動起身為身旁的媽媽及朋友拿飲品，舉止自然親切，盡顯零架子的一面，令現場粉絲大為驚喜。

在曼谷某商場巧遇佘詩曼

期間她更主動起身為身旁的媽媽及朋友拿飲品

舉止自然親切

影片曝光後，網民紛紛留言大讚她凍齡有術兼孝順：「好靚，望落似30幾歲！」、「完全唔似50歲！」、「素顏仲靚過化妝！」、「帶媽咪去旅行，好孝順！」、「說放假就即飛，行動力超強！」不少人更認為她無論外貌還是氣質，都依然保持少女般狀態，難怪能穩坐一線女星之位多年。

佘詩曼向來孝順