佘詩曼見周潤發秒變小粉絲 興奮晒首張自拍兼分享與偶像難忘回憶

視后佘詩曼今個農曆新年除了除家人外遊，人緣極佳的她亦忙出四出拜年，昨日（2月23日）大年初七「人日」，她就與周潤發、苗僑偉、戚美珍、黃宗澤、吳卓羲，以及久未露面的白茵一同團拜。

佘詩曼與周潤發、苗僑偉、戚美珍、黃宗澤、吳卓羲，以及久未露面的白茵一同團拜。

佘詩曼在IG晒出與發哥的自拍照和大合照，興奮道：「人生第一張同發哥嘅Selfie！！」可見二人都笑得十分開懷！佘詩曼又分享與發哥的難忘回憶，「記得第一次喺舊清水灣片廠嘅飯堂，食食吓飯突然間見到發哥行入嚟，我興奮到成個人彈咗起身，又怕羞喎，但係又忍唔住細細聲叫咗一聲：『發哥呀！』」

佘詩曼續說：「又記得有一次，接到藝員部高層個電話，叫我第二日去訓練班上堂，我仲拗晒頭話：『吓，上堂？我要開工喎！』我仲記得佢話：『去啦，夾晒你啲時間㗎喇。』我心諗…無啦啦上乜鬼堂呀…攰到死…第二日死死地氣，因為未上過訓練班，仲行錯晒路。入到課室，梗係全部人都唔識啦，勁尷尬，求其搵咗個位坐低。張凳都未坐暖，我又『彈』喇！因為原來嗰堂係發哥親自教學！Ben Chan知道我偶像係發哥，所以專登叫埋我去聽嘅～（明醒我）嗰陣大概係2000年，我好記得，發哥話知道我係邊個，因為佢睇咗『十月初五的月光』，嗰刻雖然我外表表現得好平靜（話晒喺好多訓練班同學仔面前），但係其實我內心已經放晒煙花！」

佘詩曼IG圖片

佘詩曼IG圖片

最後，佘詩曼表示：「作為小粉絲嘅我，雖然未有機會合作，但係合影都勁浪漫，超溫馨！」不少網民都為佘詩曼終於能與發哥合照感到高興！

佘詩曼IG圖片

50歲視后佘詩曼出名喜愛小朋友，曾自爆有十多名契仔契女，今個農曆新年除了除家人外遊、四出拜年外，當然不少了與一班契仔契女相聚，近日她就兩位契女慶生！

佘詩曼出名喜愛小朋友。

上月即慶約契女們食飯。

新年前與家人外遊。

新年期間四出拜年。

佘詩曼在IG晒出合照，可見她攬着兩位契女開心合照，而兩位契女亦已長得亭亭玉立，難怪佘詩曼都相當感觸，「由手抱嘅BB女，到終於學識叫契媽，睇吓佢哋～而家出街已經識化妝搽唇膏，大個女喇，想你哋學多啲、睇多啲、試多啲，但同時又好想你哋永遠保留住嗰份純真。Anyway, 生日快樂，我的大契女、細契女。」不少網民都為兩位契女送上生日祝福，又大讚佘詩曼保養得宜，完全不像她們契媽，反而像「契家姐」。

佘詩曼IG圖片

佘詩曼IG圖片