佘詩曼打麻雀慘輸「4位數」 「雀友」Edan肥仔阿Dee匿洗手間準備生日驚喜

視后佘詩曼（阿佘）向來人緣極好，相識滿天下，與金像影后吳君如、MIRROR成員Edan（呂爵安）及ERROR成員肥仔（梁業）更是圈中著名的「雀友」，不時相約決戰「四方城」！近日，眾人又齊聚展開激烈的麻雀大戰！

佘詩曼

佘詩曼不時與吳君如、MIRROR及ERROR成員相約打麻雀。

不過好似成日輸......

佘詩曼在IG晒出與吳君如、Edan、肥仔、阿Dee（何啟華）及楊偲泳的合照，並幽默寫道：「見到呢個組合，應該知我哋又開戰喇～」她更自爆被佘媽媽取笑是去「進貢」給肥仔，「我同媽咪FaceTime，佢問我：『你今日去邊呀？』我話同肥仔佢哋打牌囉。媽咪話：『嘩，又去進貢俾肥仔呀！』我信心滿滿咁答佢：『放心，我feel到今日會贏！』阿媽話：『有信心都係好嘅。但係你邊夠人打吖。』（一盤冷水淋過嚟！嗰團火都熄熄哋…）」

 這場「視后VS頂流」的麻雀局激戰到凌晨三點，翌日佘媽媽關心戰果時，佘詩曼無奈承認自己「輸到PK」，「前所未有輸咁多（$xxxx）！跟住佢就話：『吖～嗰個肥仔點解咁勁嘅呢？唉，你唔好再同佢打喇！』我話：『唔緊要啦，當交吓學費囉，名師出高徒吖嘛！』」

佘詩曼IG圖片

雖然輸錢，但佘詩曼都收穫了滿滿的感動，將於5月28日踏入51歲生日的她透露打牌打到一半時，Edan、肥仔和阿Dee突然集體藉口說去洗手間，而且「消失」了很久，「突然間聽到君如哈哈聲大笑，原來準備咗兩個蛋糕！雖然我輸咗金錢，但係贏咗友誼，多謝大家！」

ViuTV全新團綜《MIRROR ACE》於10月12日起，逢星期一至五晚上10時30分播出。《MIRROR ACE》透過不同任務、遊戲、挑戰，呈現MIRROR 12位成員於綜藝、舞台及團隊合作等範疇的 ACE定位；同時透過團隊 “One and All” 精神，讓觀眾見證12子如何成為舞台上最具實力及影響力的香港ACE男團。

橙隊：AK, Frankie, Jer

紫隊：Stanley, Anson Lo, Jeremy

黃隊：Lokman, Tiger, Alton

藍隊：Ian, 姜濤, Edan

周一晚（12日）播出的首集，節目組安排MIRROR走進小學校園，在限時20分鐘內盡力捕獲小朋友手上的「心」，12子要搞盡腦汁，用盡千方百計去俘虜小學生的「心」，讓小朋友們成為MIRROR的粉絲。

首集節目組安排MIRROR走進小學校園，在限時20分鐘內盡力捕獲小朋友手上的「心」

呂爵安（Edan）對藍隊隊友陳卓賢（Ian）和姜濤很有信心，指小朋友會很喜歡他們，Edan補充︰「同埋我對自己都好有信心，知唔知點解？因為啲小朋友好多都有睇《膠戰》。」隊友Ian和姜濤的確不負聚望，搞盡腦汁取得小朋友歡心，Ian陪小朋友數20個足球員名字，更表演跳舞和清唱《正式開始》，溫柔大方俘虜了不少小朋友的「心」。而姜濤則出動美食誘惑，向小朋友高呼︰「或者有人主動肯畀心我嘅，每人lunch time一個漢堡包食！」

隨後，數十名小朋友抵擋不住漢堡包的誘惑，一直緊緊跟隨姜濤步伐，姜濤搖身一變成為了小學生首領︰「我叫姜濤！我地依度係濤Team！有無人想join我地team嘅！知唔知join我地team會有啲咩野？漢堡包right？」小朋友圍著姜濤吶喊叫好，場面非常搞笑。楊樂文（Lokman）眼見濤Team人多勢眾︰「好疊馬喎！果然係銅鑼灣揸fit人啊！」

除此之外，為了俘虜小學生的「心」，其他MIRROR成員都各出奇招，鬥快跑步、射籃球、一字馬、側手翻、掌上壓、拱橋樣樣做齊，累透了的陳瑞輝（Frankie）形容︰「依家啲小朋友唔同我以前，真係非常之非常之需要心機同耐性去征服佢。」