非常檢控觀｜張馳豪戴圓粗框眼鏡演「問題直男」見習檢控官 傻氣＋高大帥氣外型成功入屋

全新劇集《非常檢控觀》昨晚（1月22日）一集除了大晒「喊功」、「迷茫」及「自言自語」之巔的陳曉華（Hera），飾演見習檢控官趙子幀的張馳豪Aska同樣吸盡好評。憑藉先天185cm身高、44吋超長腿、健碩身形三大優厚條件的Aska，穿起西裝出場時氣宇軒昂，迷倒不少女Fans。除了外形吸引，Aska的角色亦相當Cutie，憨直傻氣之餘，又問題天天都多，有時氣氛終結、有時突破盲腸、有時代觀眾發聲，是劇中「緩和氣氛擔當」之餘，亦是一等一「忠厚直男」！

Aska身形先天條件夠優厚。

Aska身形先天條件夠優厚。

Aska身形先天條件夠優厚。

Aska身形先天條件夠優厚。

Aska身形先天條件夠優厚。

設計托眼鏡小動作增傻氣

Aska這次演出如此出色，監製林志華及劇組絕對功不可沒！為了令Aska角色望落更「直男」＋「書卷氣」，監製千挑萬選為他配了一副黑色圓粗框眼鏡，加上Aska的清澈、純真及無辜眼神，絕對相得益彰！Aska接受官方訪問時透露有為角色設計小動作：「主要係托眼鏡，可能我哋討論緊一啲事情時，我對嗰樣嘢有一啲特別嘅感覺／感受，我可能就會托一托眼鏡令自己（指角色）安心番。」

Aska啲傻氣100分。

啲反應超可愛。

啲反應超可愛。

啲反應超可愛。

啲反應超可愛。

啲反應超可愛。

出場嗰吓又夠晒一表人才。

出場嗰吓又夠晒一表人才。

出場嗰吓又夠晒一表人才。

Aska又笑言為了演好趙子幀，有參考周潤發在電影《英雄本色》中「小馬哥」那種Playfulness再加以收斂，並笑言自己真實性格也是佻皮中帶收斂：「我本身都係一個傻傻哋，又保留咗少少童真（傻笑）嘅人，但因為我嘅成長或者我嘅職業，我將呢樣嘢收咗好多。同埋我自己對所有嘢都係好好奇，對所有嘢嘅反應都係好直接，所以我覺得同趙子幀係有啲相似嘅。」

劇照

劇照

劇照

被大量專業名詞廣東話對白考起

談到角色不時要應付大量資料性對白，Aska坦言廣東話對白對他確是「一大難題」：「因為有好多專業嘅名詞／物件...都練咗好多次好多次，有時喺拍攝過程中都有時會因為急咗，啲字就唔係講得好清楚，又或者變咗第二啲字，引起咗一啲笑料咁。」

Aska同吳偉豪馬德鐘鬥長腿呢條短片勁爆笑。

Aska同吳偉豪馬德鐘鬥長腿呢條短片勁爆笑。

由林志華監製、黎倩儀編審的全新劇集《非常檢控觀》，逢周一至五晚八點半翡翠台播映。劇集主要演員有馬德鐘、吳偉豪、賴慰玲、陳煒、陳曉華、游嘉欣、蔣家旻、張馳豪、李成昌、程可為等。

昨晚（1月23日）一集，「現代陳世美」Sammy（何廣沛飾）狐狸尾巴完全露出，「滅罪鐵三角」包希仁（馬德鐘飾）、公孫珀（賴慰玲飾）、展熊飛（吳偉豪飾）除發現Sammy有私下收受死去忠粉張詩雅（吳嘉儀飾）送贈的名貴禮物外，亦查出死者生前曾到過Sammy房間。另邊廂，「鐵三角」與秦湘言（陳曉華飾）幾經辛苦終尋回失蹤多時的晶晶（周珈慜飾），不過卻有急性中毒、情緒低落及惶恐等不良情況，幾經調查，終在晶晶的掛飾中發現Sammy連環虐待晶晶視頻，除瘋狂PUA晶晶令她自覺是壞孩子外，還強灌晶晶食安眼藥及當她如人球般處置，喪盡天良…

慜慜好好戲。

呢個樣好防備。

下一秒又即刻做到驚樣。

見到廣沛呢兩格表情想打佢。

見到廣沛呢兩格表情想打佢。

估唔到廣沛可以咁兇狠。

何廣沛一秒兇狠變奸險演技獲認證
昨晚無論慜慜或是沛沛的演出均相當精彩。廣沛雖然首演渣男，但無論陰森、兇痕或是無情表情均相當到位，其中兩幕他勒令經理人翟威廉幫他向慜慜強灌安眠藥＋及目露兇光指責慜慜時，無論是激動至雙眼凸起的咬牙切齒嘴面、或是充滿殺氣的眼神／陰險奸笑均相當Impressive，尤其當中一幕上一秒極兇狠問完阿女點解要出現、下一秒眼神一轉即過渡至奸險＋偽溫柔氹細路Tone，更獲網民激讚「演技大躍進」。對於廣沛的演技躍進式渣爆演出，網民一致好評兼睇得肉緊，笑言廣沛賤格指數直逼《新聞女王2》黃宗澤之餘，又謂若返回古代，必須鍘頭處決：「賤過Bosco」「同冇得殺佢頭，唔係想當年佢一定要問吊」、「面目極猙獰，好掂呀！好戲」、「His Acting Improved So Much」、「演得好無良」、「一秒變臉嗰吓好睇」、「佢演依個角色好有說服力，雖然已經三十幾，但仲係似廿幾歲，做一個唔認仔（女）嘅偶像完全Fit晒」、「細路女演技好，男主角又靚仔」、「劇情太精彩了，好睇，有內容」。

至於慜慜雖然年紀尚小，但不但駕馭到惶恐及患得患失的複雜情緒，而且喊戲亦是一等一！其實有留意無綫劇集的觀眾，對慜慜一定不會陌生，演出經驗豐富的她，是家燕媽媽藝術中心畢業生，自少已學習表演藝術，曾先後參演《金宵大廈2》 、《白色強人2》、《你好，我的大夫》及《奪命提示》等，當中《你好》的面癱病人及《奪命》的兒童院院童更是贏盡關注！

慜慜喊功真係堅。

呢幕拍得好逼真，慜慜話最感謝幕後為咗顧及佢嘅安全同舒適度，寧願嘥時間拍多幾Take做好效果，都唔想整親佢，好有愛呀！

呢幕拍得好逼真，慜慜話最感謝幕後為咗顧及佢嘅安全同舒適度，寧願嘥時間拍多幾Take做好效果，都唔想整親佢，好有愛呀！

雖然爸爸咁衰，但晶晶都係維護佢。

但當佢知道佢爸爸當初對自己好，都只係睇錢份上時，佢即時崩潰爆喊，好慘。

廣沛奸得嚟但好型。

貓哭老鼠嘅樣又係令人好激氣。

慜慜揭何廣沛三大暖男必殺技
慜慜之前受訪時曾透露，與廣沛之前合作拍攝《回歸光影頌：曙光》及，《你好，我的大夫》，廣沛對他很溫柔；今次二人演父女，而由於慜慜看劇本時已知道廣沛是「衰老竇」，故一在片場遇見廣沛即「投訴」！慜慜接受官方訪問時說：「我一見到廣沛哥哥就大叫：『你做乜要咁對我，我係你個女嚟㗎！』當時廣沛哥哥就話：『我夠係你阿爸，你又做乜要阻住我？』劇組哥哥同姐姐聽到個個都笑到肚痛。我仲問廣沛哥哥點解比《你好，我的大夫》瘦咗咁多，佢話因為要扮Oppa，要瘦d先會似，佢真係好專業呢！」

談到被灌安眠藥一幕，慜慜感激幕後工作人員貼心照顧，為了保障她的舒適度及安全性，情願拍多幾Take鏡頭遷就做效果；慜慜又笑言「安眠藥」其實全是糖果，所以拍時感覺良好。談到在劇中咁喊得，慜慜笑言是真的被廣沛嚇到喊：「其實我本身唔太容易流眼淚，但當時見到廣沛哥哥咁兇狠，所以都忍唔住嚇到流眼淚，因為現實中未試過有人對我咁惡。拍完呢場戲，廣沛哥哥有請我食雪糕氹番我開心。」慜慜更「護航」指廣沛哥哥私下是百分百暖男：「佢講嘢好溫柔，而且成日會喺等候拍攝時同我玩；亦因為咁，當佢兇狠時我就更易入戲。」

慜慜演出經驗豐富。

之前喺《你好，我的大夫》入面，廣沛對慜慜好溫柔。

之前喺《你好，我的大夫》入面，廣沛對慜慜好溫柔。

齋睇相，都Feel到慜慜同沛沛感情有幾好。