張馳豪鬼馬歌詞競猜歌名 IdG Bubbles孖Honey Punch大玩應節遊戲

元宵佳節將至，黃埔天地昨天（2月28日）於時尚坊舉辦《元宵星願園遊會》，邀請了人氣歌手張馳豪、羅啟豪、IdG Bubbles及Honey Punch，與現場觀眾預祝元宵，大玩應節遊戲兼載歌載舞，場面熱鬧喜慶。

張馳豪、羅啟豪、IdG Bubbles及Honey Punch出席《元宵星願園遊會》。

率先出場的IdG Bubbles成員笑言農曆新年期間最開心是可以與家人團年，更即場大玩猜燈謎，與樂迷互動。她們一連唱出《超級愛！》、《每年二月你擁有》及《謝謝您！》三首歌曲，展現青春活力。IdG bubbles透露農曆新年期間相約前往北海道旅行約一星期，至於元宵節，她們期待可以一起食湯圓和猜燈謎。主持黎莉即考驗她們一條燈謎，Anesa極速估中是「黃埔號」，她表示：「我由細到大都係住黃埔。」

隨後她們再接受主持考驗，大爆成員之間的趣事，由「最為食成員」鬥到「最有愛成員」，全體成員不約而同指住家鑾，大爆她最為食，更踢爆她：「佢最鍾意食澱粉質，最鍾意食米線同飯，喺北海道臨走時佢食咗三碗炒飯。」家鑾即一臉尷尬表示：「因為太好食。」引得全場笑聲不斷。

玄學小仙女Tasha為大家占卜運程。

張馳豪

Aska化身「古代文人念詩」請fans猜歌名。

接著出場的Honey Punch亦先後送上《蝶式》、《滑到入心》及《Hug Hug》，身穿熱褲短裙的她們露出小蠻腰，並載歌載舞，引來台下尖叫聲不絕。提到農曆新年，她們開心表示：「我哋去咗澳門參加花車巡遊表演，以前坐喺電視前面睇，依家變咗係表演嗰個。」之後Honey Punch大玩遊戲，成員輪流抽出隊友名字並模仿對方的神態動作，各人都極速估中隊友，大展急才與密契。

兩位實力男歌手羅啟豪與張馳豪亦分別登場，為觀眾獻上醉人情歌。羅啟豪唱出《小鬼主意》、《畫中密碼》及《月球上的藍玫瑰》，期間更邀請兩位幸運觀眾上台猜燈謎，答中者更獲得與偶像即影即有的合照機會，場面溫馨。

IdG Bubbles

Honey Punch

玄學小仙女Tasha用易經塔羅牌為大家占卜運程，她表示張馳豪來年應以事業為重；羅啟豪與IdG bubbles同樣在事業與名利都相當好；Honey Punch成員單身的會脫單，人緣亦非常之好，令眾人相當開心。

壓軸出場的張馳豪，鬼馬地以「古代文人念詩」方式念出自己歌曲的歌詞，邀請粉絲競猜歌名，場面有趣，勝出的歌迷更可以與偶像合照留念。之後張馳豪接連演唱了《紅豆》、《山系戀人》及《一個人的生日歌》，為活動畫上圓滿句號。

張馳豪、羅啟豪、IdG Bubbles及Honey Punch與全場歌迷大合照。

Aska張馳豪推出新歌《一個人的生日歌》，適逢臨迎他生日（3月5日）來「贈自己慶」。為了送上生日驚喜給Aska，團隊邀請到Tania＠Lolly Talk（陳紀澄）擔任女主角拍攝當日先知Tania擔任女主角，Aska說：「真係好surprise！我唔係今日先知，係頭先Tania行過嚟嗰下先知呀！」這個生日驚喜殺Aska一個措手不及，當被問及在MV中要如何互動，Aska：「我哋冇咩互動㗎喎……」身旁的Tania馬上回應：「有㗎！我係演一個成日落嚟嘅客人，知唔知點解呀？係為咗嚟見你呀！」Aska一聽頓時變怕醜仔，非常有趣。

張馳豪（Aska）推出新歌《一個人的生日歌》。

贈自己慶？

Tania驚喜現身，二人聊天破冰時發現，原來兩位都是「I人」，Tania說：「我都係第一次參與拍攝人哋嘅MV，所以心情都有啲緊張，嚟到見到成個環境好有feel，同埋見到Aska真人都有啲緊張，咁就可以帶住呢份緊張演埋佢，咁就可以playful啲。」然後又提到二人都對廚藝有研究，Aska喜歡手沖咖啡，而Tania求學時曾到酒店甜品部實習，懂得造蛋糕及咖啡拉花。

Tania@Lolly Talk驚喜現身做女主角。

Tania

二人都有上戲劇堂，今次MV拍攝正好學以致用，提到即興互動部份Tania搶閘講：「頭先最後一個scene，劇情講我係滿心歡喜去搵佢，點知佢生日提早收鋪拒絕我，然後佢同我講『我唔想再見到你呀』（咁咪好hurt？）係呀！我爭啲眼有淚光！但係咁就好好地令我好自然做到嗰種感覺。（難怪你哋頭先好似門口講分手咁啦）」

談及新歌《一個人的生日歌》Tania聽完覺得歌曲比較傷感，講述Aska獨個慶祝生日，他反問Aska以往是否也是一個人話生日，Aska分享說：「近年都係㗎，因為人大咗唔似細個咁好期待呢日降臨，想平平淡淡地過，生日願望都變成大家身體健康平安就好。有時覺得一個人過生日，或者工作中度過都幾開心吖，反而一大班人慶祝好似仲有壓力。」Tania也有分享加入Lolly Talk後近三年的生日都是在工作中度過，有工作人員一同慶祝氣氛也很好。

Aska變怕醜仔點知一句hurt爆對方！