陳敏之偕囝圍參加親子跑 撐伍詠薇勇敢分享曾患抑鬱：唔係要避開嘅話題

中國銀行（香港）港珠澳大橋（香港段）半馬拉松今早（11月15日）於港珠澳大橋香港連接路舉行，胡定欣、陳山聰、張馳豪、黃庭鋒、曾錦燊參與中銀港珠澳半馬2公里榮譽盃；而陳敏之及其兒子雷子樂則出席支持「親子MAX Fun一起跑」活動。

陳山聰、陳敏之與兒子雷子樂、胡定欣

曾錦燊、張馳豪、樂易玲、黃庭鋒

陳敏之表示有意參加2公里榮譽盃，但因仔仔年齡關係，所以只能參與「親子MAX Fun一起跑」活動，不過會考慮明年拉埋老公一齊跑。提及伍詠薇日前在其網台節目自揭曾患抑鬱症，陳敏之表示：「其實抑鬱病好多都市人都會有，我自己都有過，即係我媽咪差唔多兩三年前離開咗我，其實我嗰段時間都有抑鬱，我都唔覺得係一個要避開嘅話題，反而係要share我點樣而家好返。」

陳敏之與兒子

陳敏之透露當時有與伍姑娘丈夫練海棠保持聯絡，亦有在背後默默關心對方，唯當時自己亦經歷太多事情，有點分身不暇。她說：「嗰時我媽媽走咗，我又要照顧小朋友，真心講，我連自己都搞唔掂。你問我係咪唔夠關心佢？可能係，但當時我自己都好需要人關心，我相信如果係真正嘅屋企人，應該唔會介意。」陳敏之認為情緒病並不是一個忌諱的話題，伍姑娘如今能公開談論，足見已痊癒，望大家不用擔心。

陳山聰、胡定欣、陳敏之與兒子雷子樂

胡定欣今早成了陳山聰「背後的女人」，她本身打算邊跑邊打卡，結果上橋後發現「天都未光」，幸得山聰帶領，順利完成賽事。山聰聞言後笑指：「我仲有幫佢影相！其實今日成績係滿意，同埋天氣嚟講係舒服，上年有去上海跑過半馬，日本又去過，我覺得定欣都可以試試。」

胡定欣

提及伍詠薇早前自揭曾患抑鬱症，陳山聰透露一直有關心對方：「咁一定有關心佢，咁如果係患情緒病的話，可能佢又唔識點同人去講；咁而家佢願意分享，即係冇事，近排我同佢做嘢，佢都好開朗、好開心，變返以前大家識嘅伍姑娘。」

陳山聰

同場出戰2K的還有黃庭鋒、曾錦燊，以及勇奪亞軍的張馳豪（Aska）。黃庭鋒笑言賽前在社交網貼出凌晨3點的鬧鐘截圖，結果鬧鐘未響已被熱心網民瘋狂叫醒，令他哭笑不得。黃庭鋒坦言近期忙於為無綫台慶綵排，根本無暇練跑，又劇透今年台慶序幕將有80人（40男40女）大型共舞環節：「好多人，如果你自己一個跳得唔好就好顯眼，所以大家都好努力練舞。」曾錦燊亦笑言，因不少《東張西望》女主持忙於練舞及練跑，自己要瘋狂「頂更」兼開工，故同樣零訓練上陣。

黃庭鋒

曾錦燊

張馳豪勇奪2K榮譽盃亞軍，除了歸功於近期為Hyrox賽事操練體能外，笑言全靠一個「生理原因」。他說：「因為終點先有廁所，一路跑一路諗住快啲去廁所！」結果成功衝線奪得亞軍

張馳豪

HOY近日節目接連報捷， 由伍詠薇、李凱賢主持節目《九運會客室2》獲取佳績，網上取得極高點擊，11月2日HOY YouTube頻道原片直出的最新一集邀請胡定欣擔任嘉賓，談及當年榮登視后的情況：「2015年真係冇諗過有……因為套戲好爆，但係我拍呢套戲嘅時候， 係我人生最最冇信心嘅狀態完成。咁我嘅對手田蕊妮係一個好好嘅演員，佢做得好好。」

李凱賢、伍詠薇、胡定欣、玄學家唐碧霞

玄學家唐碧霞、胡定欣

節目中，伍詠薇大讚胡定欣自我要求甚高，定欣表示拍攝時感到緊張，認為不會將角色演得好：「 得到咗呢個獎，我係我當然好多謝公司畀我機會，但係我唔認同我自己嘅能力同個獎係有關係。」直到2016年憑《城寨英雄》再奪視后，定欣初嚐肯定滋味：「係個角色改變我，我冇試過演一個咁樣嘅角色，呢個角色放下身段冇晒矜持。」

、

伍詠薇

節目更會提及胡定欣當年由參加歌唱比賽到輾轉入電視台，並成為兩屆視后的經歷。效力20年後離巢作獨立發展後又何去何從？她又透露如何在極少人知情下結婚的經歷。

李凱賢、胡定欣

觀看相關影片按連結：https://youtu.be/6PQ9LGIUuIc