周柏豪正式宣佈，其全新個人音樂見面會《周柏豪THE BLOOMING CHAPTER》將於2026年3月14日白色情人節，首站選在香港啓德體藝館隆重舉行。
周柏豪將於3月14日白色情人節在啓德體藝館舉行《周柏豪THE BLOOMING CHAPTER》見面會。
踏入人生新階段的周柏豪，相隔七年於香港開騷，他直言：「相隔七年，真係有啲耐，屋企人呀朋友咁都問，你幾時巡番香港呀，終於定到啦，終於可以好開心同大家講，今次由香港出發！第一站就係香港！」見面會的海報，除了帥之外，今次是非常有春天氣息，柏豪表示，「對男人來講，我到了四十歲呢個年紀，我估應該展現到唔同的一面比大家，一個新嘅綻放，所以我地海報都係用綻放為題。」
點擊看圖輯
周柏豪將於3月14日白色情人節在啓德體藝館舉行《周柏豪THE BLOOMING CHAPTER》見面會。
周柏豪
第一站香港，柏豪表示，「當然係會有好多新構思，巡迴見面會已經做近兩年，之前都巡左好唔同城市，26年新的一次巡迴，係自己屋企第一站，個騷內容同制作，真係愈搞愈大，因為係香港做騷限制同外面不同，好多嘢可以玩，所以我可以同定歌迷講，今次係同上年個巡迴好唔同，規模與內容不斷豐富升級，完全不會比正規演唱會‘少嘢睇、少歌聽’，甚至在心思、時間和力氣的投入上我覺得重比以前演唱會多。」
周柏豪
這次新一輪巡演，他自言放下1000分的力，全情投入跟導演研究，精心設計左好多新環節。問到他有咩新刺激係香港玩，除衫，插水？吊威也？柏豪笑道， 「係喎，我都見到上次Tyson玩插水，如果我跳落台，大家係肯定接得住我，我唔怕跳㗎…哈哈。吊威也我都想呀，成日都好想試下台前拂去觀眾 席個種感覺㗎！」
周柏豪
柏豪又表示，選址於啓德體藝館，也是他與團隊一起挑選，因為體藝館給他的感覺是非常有活力及繽紛多彩，其前身為啓德機場的歷史背景，也讓他感到格外有趣：「我未係啓德搭過飛機，所以對我嚟講，真係一個好有趣嘅地方。」香港站之後，周柏豪會繼續世界各地新一輪巡演，「我係充滿期待㗎，今次會再去啲新城市，演出之餘，又可以體驗不同文化旅程，讀萬卷書不如行萬里路嘛。」
周柏豪
演出資訊 :
《周柏豪 THE BLOOMING CHAPTER》
日期 : 2026年 3月14日
地點 : 啟德體藝館
闊別香港舞台七年，周柏豪終於兌現了與歌迷的約定，昨晚（3月14日）白色情人節，一眾粉絲期盼已久的《周柏豪 THE BLOOMING CHAPTER》音樂見面會於全新的啟德體藝館盛大舉行。這場被柏豪形容為「由香港出發，返屋企嘅第一站」的演出，全場座無虛席，歌聲笑聲歡呼聲為七年之約揭開完美序幕。柏豪老婆仔女撐場外，好友連詩雅、陳家樂、193（郭嘉駿）、鄭融、布志綸、歐鎮灝、吳啟洋（Phoebus）、馮曦妤Fiona Fong等均有到場支持，共同見證呢個「綻放」的重要時刻。
《周柏豪 THE BLOOMING CHAPTER》音樂見面會於3月14日白色情人節在啟德體藝館盛大舉行。
柏豪昨晚把體藝館化身成一個充滿玩味的巨型遊樂場，施展渾身解數，獻唱近三十首歌曲，從經典作品到最新歌曲，首首都觸動歌迷無限回憶，由頭帶到尾歌迷都不停合唱，兼企起身跳舞，場面墟冚。唱歌之外，柏豪仲同歌迷大玩「估歌仔」同「唱K」等遊戲，互動氣氛溫馨又熱鬧，歡笑聲不絕於耳。
周柏豪
周柏豪
全晚其中一個最高潮，是好友鄭融驚喜現身！鄭融本來只是來看騷支持，低調坐於觀眾席，素顏兼且冇化妝，但被柏豪一眼認出並邀合唱時，鄭融二話不說除低口罩企起身，以最真摯嘅素顏樣貌面對觀眾，更搞笑自爆：「我箍緊牙㗎！」柏豪：「箍牙你都唱贏好多人啦！你絕對係同我一齊成長嘅朋友，同一個經理人公司，由《一事無成》開始，我哋去過好多商場、做過好多event，真係好多回憶....」鄭融聽到後亦非常感觸，回憶起當年青澀歲月：「你記唔記得，我哋兩個坐喺TVB錄影廠等埋位，然後你攞咗個MP3出嚟，嗰陣仲係MP3年代……真係好想攬下你！好啦，我哋一齊見證呢個歷史時刻啦，唱啦！」隨即兩人即興合唱經典合唱歌《一事無成》，引發全場「回憶殺」，真摯嘅友誼加上埋集體回憶好歌，讓全全場歌迷不停歡呼，開心到飛起！
鄭融驚喜現身。
二人合唱《一事無成》。
昨晚唱到歌曲《同行》時，柏豪幾度深呼吸強忍感動眼淚，哽咽地向全場觀眾表白：「好多同事估我今晚幾時喊，我真係好多謝大家咁支持我。我話咗唔喊，今晚點都要忍住！」呢份對舞台嘅珍視同對歌迷嘅感激，令全場動容。
周柏豪
Show後，柏豪亦特別感謝家人無私支持。他透露開騷前兩星期，屋企面臨一場「小風暴」：「仔女病、老婆病，老婆當機立斷趕我出家門，叫我即刻租酒店搬走，免得我染病影響演出。」他坦言當時搬離屋企心情好唔捨得同難過：「作為爸爸，要因為工作丟低家人，真係好唔好受。每日同老婆同仔女視像電話問候。」幸好最終順利完成演出，冇辜負屋企人嘅犧牲。
周柏豪
講起一對寶貝仔女，柏豪即時父愛泛濫，透露囡囡對自己嘅愛簡直係「一千分」。佢搞笑話：「排練嗰陣仔女都有嚟睇，玩緊唱K環節冇人舉手，我個女竟然舉手話佢可以唱，於是我哋就俾佢咪，同我合唱咗幾句《一事無成》！」佢又笑指囡囡對佢嘅痴纏程度，搞到老婆有時都覺得過份。
周柏豪
問到囡囡鍾意BLACKPINK定係鍾意爸爸多啲？柏豪自信滿滿咁話：「梗係鍾意我多啲啦！佢對我嘅愛係一千分㗎！所以我有時會諗，第日大個咗佢唔再咁愛我，我唔知接唔接受到。我依家可以講定，第日佢男朋友要聽住：『我個女係公主，佢真係要對佢公主咁先得㗎，哈哈！』」公然向未來女婿宣示主權，引得全場大笑。
周柏豪
Encore環節，柏豪唱出新歌《純粹想哭》時，螢光幕出現實力派演員黃文標的身影，原來他有份參與MV演出。Show後問到柏豪，佢坦承知道標哥最近身體麻麻，初步評估患有柏金遜症。柏豪話：「拍攝時對方非常專業，雖然察覺到佢身體有啲唔舒服，但完全冇影響工作。我非常感謝標哥參予MV演出，知道好多朋友都因為佢嘅演出特別去睇我呢個MV。」
實力派演員黃文標有份參與MV演出。
是次雖然名為見面會，但無論係歌曲編排、同樂隊大玩Rock嘅狂野，定係自彈自唱嘅深情，都展現出超越一般演唱會嘅水準,整個製作非常認真，柏豪全晚換咗五個造型，當佢以背心造型登場，大騷結實嘅麒麟臂時，即時引來全場女歌迷嘩嘩大叫，紛紛高呼「除衫！」柏豪即抵死笑言：「嘩！台下面突然見到好多個女同學、家長朋友，平日佢哋見我唔係咁㗎，係咪覺得我變咗第二個人？哈哈。我平日係七人車司機，成日車埋同學仔放學，好正經㗎！今日佢哋可能覺得：『點解個司機哥哥變咗咁古怪？』都係唔好除啦......」
周柏豪
周柏豪
周柏豪
周柏豪
香港站之後，柏豪表示會開始新一輪巡迴，問到他何時再舉行真正的個人演唱會，他表示自己當然希望可以再返紅館，明年是他入行二十週年，但是否能得到檔期，世界會不會有其他變化，並不是他可以預計，他只會每日努力朝著這個目標進發，希望可以明年可於香港跟歌迷一起慶祝廿十週年這個願望。
全場大合照
