大灣區男神周柏豪自爆每月開支六位數 豪斥三千萬買樓贈妻

現年41歲的「大灣區男神」周柏豪（Pakho），近年全面轉戰內地發展，事業更上一層樓，先後亮相《披荊斬棘》、《大灣仔的夜》等王牌綜藝節目，曝光率與吸金力齊齊急升。不過，隨着身價水漲船高，他所肩負的家庭責任與經濟壓力亦同步增加。

周柏豪於內地人氣急升

周柏豪早前接受訪問時，坦言自己是家中的經濟支柱，需要同時照顧多個家庭成員：「要支撐幾頭家，每個月開支都要六位數。」雖然負擔不輕，但他語氣平靜，直言一切都是心甘情願，家人正正是他拼命工作的最大動力，盡顯顧家好男人一面。

坦言自己是家中的經濟支柱，需要同時照顧多個家庭成員

提到家庭，周柏豪向來都是圈中公認的「愛妻號」。早於2018年，他被揭以約3,300萬元購入清水灣豪宅，並將物業登記在太太Stephanie名下，直言是送給老婆的心意，更曾笑言把「全副身家」交給太太，希望對方婚後可以安心照顧家庭，做個無憂無慮的「少奶奶」。

螢幕前風光無限，回到家中，周柏豪卻是事事親力親為的爸爸。早前41歲生日當天，他自爆凌晨兩點仍在直播工作，清晨六點卻已起床送子女上校車。他表示：「答應過自己，無論幾夜收工，上課日一定要送佢哋返學，唔可以令佢哋失望。」甚至會親自到街市買餸、下廚煮飯，父愛滿滿。

最近帶囡囡睇Blackpink

父愛滿滿

為了家庭生計，周柏豪工作同樣毫不鬆懈。去年底錄影《披荊斬棘的哥哥5》期間，他不幸被兒子傳染感冒，喉嚨狀況欠佳，卻仍堅持拍攝。他更曾上載使用呼吸道濕潤儀器的照片，透露已緊急服用抗生素及類固醇養聲，並寫道：「可以做的都做了，希望來得及！」令不少粉絲大感心痛。

周柏豪正式宣佈，其全新個人音樂見面會《周柏豪THE BLOOMING CHAPTER》將於2026年3月14日白色情人節，首站選在香港啓德體藝館隆重舉行。

周柏豪將於3月14日白色情人節在啓德體藝館舉行《周柏豪THE BLOOMING CHAPTER》見面會。

踏入人生新階段的周柏豪，相隔七年於香港開騷，他直言：「相隔七年，真係有啲耐，屋企人呀朋友咁都問，你幾時巡番香港呀，終於定到啦，終於可以好開心同大家講，今次由香港出發！第一站就係香港！」見面會的海報，除了帥之外，今次是非常有春天氣息，柏豪表示，「對男人來講，我到了四十歲呢個年紀，我估應該展現到唔同的一面比大家，一個新嘅綻放，所以我地海報都係用綻放為題。」

周柏豪

第一站香港，柏豪表示，「當然係會有好多新構思，巡迴見面會已經做近兩年，之前都巡左好唔同城市，26年新的一次巡迴，係自己屋企第一站，個騷內容同制作，真係愈搞愈大，因為係香港做騷限制同外面不同，好多嘢可以玩，所以我可以同定歌迷講，今次係同上年個巡迴好唔同，規模與內容不斷豐富升級，完全不會比正規演唱會‘少嘢睇、少歌聽’，甚至在心思、時間和力氣的投入上我覺得重比以前演唱會多。」

周柏豪

這次新一輪巡演，他自言放下1000分的力，全情投入跟導演研究，精心設計左好多新環節。問到他有咩新刺激係香港玩，除衫，插水？吊威也？柏豪笑道， 「係喎，我都見到上次Tyson玩插水，如果我跳落台，大家係肯定接得住我，我唔怕跳㗎…哈哈。吊威也我都想呀，成日都好想試下台前拂去觀眾 席個種感覺㗎！」

周柏豪

柏豪又表示，選址於啓德體藝館，也是他與團隊一起挑選，因為體藝館給他的感覺是非常有活力及繽紛多彩，其前身為啓德機場的歷史背景，也讓他感到格外有趣：「我未係啓德搭過飛機，所以對我嚟講，真係一個好有趣嘅地方。」香港站之後，周柏豪會繼續世界各地新一輪巡演，「我係充滿期待㗎，今次會再去啲新城市，演出之餘，又可以體驗不同文化旅程，讀萬卷書不如行萬里路嘛。」

周柏豪

演出資訊 :

《周柏豪 THE BLOOMING CHAPTER》
日期 : 2026年 3月14日
地點 : 啟德體藝館