港鐵女被尾隨偷拍求助 車廂內男士無動於衷 幸熱心女乘客挺身而出

有港女在社交平台分享一次乘搭港鐵的驚險遭遇，她稱一上車就被一名陌生男人舉機偷怕，之後更明目張膽跟蹤她，即使她大叫「你行開啦，我唔識你㗎」但都不能嚇退對方，沿途亦沒男乘客出手相助，最後幸得一名女子挺身而出，陪同她向月台職員求助，她才成功脫險。事後女子發文尋人「好想搵返呢個女仔多謝佢」。

示意圖。

大叫「你行開啊」男子卻繼續追拍

女事主在threads發文，指日前到朋友家拜年，回程時坐港鐵由鑽石山返中環，去到油麻地站時，有一名男子上車，並與事主一頭一尾坐在排櫈上。女事主稱那名男子一上車就自言自語並拿着手機周圍影，而女事主由玻璃反射見到男子正用手機對着她。女事主感到驚慌並離開座位且避開他，但男子卻猖狂地尾隨，並用手機對向她。女事主出聲「你行開啦，我唔識你㗎，影我做乜嘢啊」豈料男子繼續追住她拍，並沒有退縮的意思。

示意圖。AI生成圖片

無奈車廂好多男人但無個願出聲

女事主表示當時好驚及好無奈，並稱「前面兩排凳係有好多男人喺度，但係冇一個人出聲，或者嘗試幫忙。」直到去到金鐘站，事主無奈大叫「有冇搞錯，成班男人冇人幫手」 時，一名女子上前詢問她情況，在得知兩人並不認識後，陪同事主在金鐘下車，並向月台職員求助，而此前那名男子仍死跟其後，直到見到職員才離開。

示意圖。AI生成圖片

女子陪同事主乘車到中環才離開

樓主在帖文中表示女子最終陪她乘車到中環才離開，讚她「好好人」並稱「感謝您拯救咗我，我嗰一刻真係好無助，真係驚到喊」。又解釋當時她因趕着回家，只是簡單道謝便離開，現希望尋人，「好想搵返呢個女仔多謝佢」。

示意圖。AI生成圖片

網友：只有女人先知女人困境

帖文引來網民好大迴響，有網民指責事發時車廂內的男乘客表現冷漠「好多時地鐵都係girls save girls」、「只有女人先知女人困境，下次見到有啲女士面色唔對路都幫下手」、「深夜多黐線佬鹹濕佬，記得有單隔籬個美女著短褲，都要俾坐最側個鹹濕佬影長腿，我扮無嘢加用環保袋阻角度，跟住個鹹濕佬無癮落車轉車」，亦有人留言鼓勵女士若遇偷拍，真的不要啞忍，「即刻按車長通話個掣，職員會（喺）下一個站等佢」。

分手需要更大的勇氣，往往勝過繼續相戀。一名31歲港女在社交平台Threads吐露心聲，她與男友相戀長達8年，已進入談婚論嫁階段，卻因對方長期吝嗇態度而無法忍受。男友月薪約4萬元，卻從未為女方付出過，她僅期望生日能收到一份心意禮物，甚至「拎張紙畫幅畫」都足夠，但男友從未實現。

交往8年從未為她花過一分一毫

樓主指，男友月入約4萬元，卻堅持「永遠出街食飯都AA制，今餐你畀完，下餐一定要係我畀」，「1蚊都冇使過喺我身上」，讓女方感受到完全缺乏被珍惜的溫暖。

交往8年從未為她花過一分一毫。資料圖片

連簡單畫作都做不到

樓主並非追求奢華物質，只盼男友在生日時「拎張紙畫幅畫」送她，已足以令她開心，「我講到出口，你都冇做到」，卻始終落空。

求婚靜靜在家一問都唔肯

求婚靜靜在家一問都唔肯

她多次表明只需「2個人靜靜地坐喺屋企問我願唔願意嫁畀你」，無需公開儀式或戒指，男友卻以「唔需要」、「大家有共識結婚，求婚嘥氣」為由拒絕。

父母心痛女兒被欺負

男友對禮金態度強硬，「1蚊都唔需要畀，𠵱家唔係拎咗你阿爸阿媽啲咩」，樓主轉告父母後，父母憤慨「自己個女點解要被呢啲人蝦」，認為對方不值得託付終身。

父母心痛女兒被欺負。資料圖片

網友力撐分手：31歲重新開始並不晚

樓主「喊咗無數次」、「曾經都呃自己，呢啲嘢根本都唔重要」，但目睹友人幸福婚禮後自問是否值得如此待遇，她直言「冇信心同勇氣再繼續行落去」，痛下決心分手，「真係好痛，好驚自己行唔到出嚟」。網友紛紛安慰，視此為擺脫不值得之人，迎向更好未來的轉機。

網友力撐分手，31歲重新開始並不晚。資料圖片

有福之女不入無福之門

大量網友迅速回應支持，「有福之女不入無福之門」、「結婚前諗清楚一律當喜事啦，結咗婚只會仲差，到時要離婚仲煩」、「分得好，支持你，佢根本唔係愛你，只係習慣你存在」、「我覺得對方是真的不愛你，已經宣之於口」、「任何要AA嘅男人都要即飛」、「31歲好年輕之嘛」、「真心恭喜你」、「男人搵4萬蚊，連生日畫張紙都話唔需要，呢種唔係慳，係情感殘疾」。