娛樂圈今年喜事重重，不時有結婚懷孕喜訊傳出，繼周柏豪秘婚後，49歲的蘇永康（阿公）和時裝高層愛妻馮翠珊（Anita）亦有好消息。據悉，蘇太已秘密佗B約五個月，更一索得男，預產期為下年4月。日前下午，將為人父的阿公就相約拉姑（狄波拉）取湊仔經。準爸爸接受電話訪問時，透露太太佗B好輕鬆，現階段在學做二十四孝爸爸。
蘇永康就快老來得子，愛妻號的他更呵護大肚妻。
蘇永康於2014年12月再婚，結束8年愛情長跑，迎娶當年任職Alexander McQueen亞太區總經理38歲的馮翠珊。日前下午，準爸爸蘇永康被發現細心照顧大肚老婆現身中環太子大廈。原來阿公約了拉姑和鬍鬚Kong兩夫婦下午茶順道取育兒經。
點擊看圖輯
蘇永康就快老來得子，愛妻號的他更呵護大肚妻。
拉姑和鬍鬚Kong兩夫婦
歎茶時，拉姑手舞足蹈傳授湊仔經。
蘇太佗B約5個月，一直無嘔吐不適，輕鬆懷孕。
大肚凸凸的Anita仍堅持以鬆身衫配魚尾長裙、披上黑皮褸平底鞋，珠光寶氣再加個50萬的Hermes Birkin鱷魚皮手袋，貴氣十足。
蘇永康和任賢齊、梁漢文及黃家強組成的「男人幫」，阿公話要向小齊和家強兩位模範老竇請教湊仔心得。
早前，蘇永康夫婦(中)約好友歐陽震華兩公婆（左），以及胡杏兒夫婦（右），飯聚分享喜悅。
拉姑和鬍鬚Kong兩夫婦
席間只見拉姑不斷說，而準父母則一直點頭和應。其間，大肚婆要如廁，阿公亦陪同，見有兩級樓梯，即出手扶實老，呵護得緊。笑談兩小時，拉姑便陪蘇太行去等電梯，其間聽到蘇太大呻：「真係好辛苦呀！其後，夫婦轉戰置地廣場睇衫。阿公陪老婆到McQueen巡舖，順道試新貨。大半小時後，阿公怕老婆累，便與太太去取車，回家休息。
歎茶時，拉姑手舞足蹈傳授湊仔經。
蘇太佗B約5個月，一直無嘔吐不適，輕鬆懷孕。
大肚凸凸的Anita仍堅持以鬆身衫配魚尾長裙、披上黑皮褸平底鞋，珠光寶氣再加個50萬的Hermes Birkin鱷魚皮手袋，貴氣十足。
記者致電蘇永康，問他太太佗B是否意外？他開心透露「係有計劃嘅。初頭老婆啱啱有咗，我哋兩個連屋企人都無講，始終太太屬高齡產婦，要小心啲，到之後公開得，身邊朋友個個好口密，真係好感激佢哋。依家見到班老友，如果做咗父母嘅，都會問吓啲BB經。好似拉姑咁，指路明燈嘛！(會否減產陪妻？)唔會啦！反而要努力搵奶粉錢，嚟緊去馬來西亞做嘢，老婆都係女強人，成日話要飛，之前佢無去巴黎時裝周，都要飛轉韓國公幹。(係咪佗仔？)哈哈，唔講住，保持神秘感。」最後，阿公還大爆太太貪靚，不時上網買孕婦衫。
蘇永康和任賢齊、梁漢文及黃家強組成的「男人幫」，阿公話要向小齊和家強兩位模範老竇請教湊仔心得。
早前，蘇永康夫婦(中)約好友歐陽震華兩公婆（左），以及胡杏兒夫婦（右），飯聚分享喜悅。
