《聲秀》學員夾Band備戰畢業騷 蘇永康吳浩康教路「專業歌手」舞台哲學

胡子貝、陸卓謙（Jeffery）及甄敏芳（Jenny）近日為《this is OUR STAGE》聲秀畢業演唱會緊密排練，三人於Band房合練獲導師蘇永康（阿公）及吳浩康（Deep）親臨指導。Deep強調演唱會要求比比賽更嚴謹，學員需以「專業歌手」身份與觀眾交流；阿公則寄語他們珍惜八個月來的友誼與歷練，在舞台上凸顯互相扶持的意義。

陸卓謙、胡子貝、甄敏芳夾band預備「《this is OUR STAGE》聲秀畢業演唱會」。

胡子貝

甄敏芳（Jenny）

《this is OUR STAGE》聲秀畢業演唱會

Jenny問及職業歌手心態轉變，阿公指出需以更大場館規格投射聲音；Jeffery關注耳機監聽問題，Deep提醒台上切忌面露不滿；子貝詢及比賽與演唱會演繹分別，獲導師提醒需控制臨場情緒，避免因氣氛過度用力。演唱會將於本周日在麥花臣場館舉行，十六強學員將以歌聲向導師致敬。

陸卓謙（Jeffery）

導師蘇永康、吳浩康耐心教導三位學員如何做好「畢業的意義」。

左起：胡子貝、蘇永康、甄敏芳、吳浩康、陸卓謙

季軍Matt胡子貝推出首支派台歌《情完節》，歌曲在2月15日推出，故名思義就是在情人節分手，之後一天就是「情完節」。要如此深情演繹歌曲，會否勾起自己的回憶？他又是否如此浪漫記下分手的日子？子貝說：「我反而唔會特登記得分手嘅日子，因為感情過去咗就要灑脫啲，唔好活在過去。不過我想相信都會引起好多人共鳴，因為每個人分手都會有一個『情完節』。」

胡子貝推出首支派台歌《情完節》

Matt 相信首歌都會引起好多人共鳴

子貝是《聲秀》的第三位幸運兒，比賽後三個月就推出個人單曲，他很感激有這個機會：「好快就有得出歌，心情好激動！之前喺《聲秀》畢業演唱會都有唱過，不過錄音室版本比當時唱Live有唔同嘅演繹，希望係一個新嘅起點俾大家重新認識我。」

他指錄音室版本比當時唱Live有唔同嘅演繹

《情完節》MV子貝找來好友Ophelia柯雨霏做女主角，而Ophelia變「奸霏」做渣女去傷子貝的心，她笑言：「估唔到第一次拍MV做女主角就要做渣女，我最初喺子貝面前扮乖乖女，但實質係一個玩家，玩弄子貝嘅感情。」子貝自爆以前都試過「做兵」，他說：「頭先Ophelia講咗句『你係一個好人』令我諗返起以前做兵嘅回憶。」

MV找來好友Ophelia柯雨霏做女主角

Ophelia變「奸霏」做渣女去傷子貝的心

MV之中二人有不少甜蜜親密的畫面，二人老友鬼鬼，Ophelia說：「我同子貝本身都friend，呢啲場面會易處理啲，肢體接觸會冇咁尷尬，有一幕鼻貼鼻睇落好sweet，其實大家喺度講緊無聊嘢互相嘲笑緊。」子貝則說：「其實會尷尬呀！對望嘅時候望幾秒就笑場喇。」

MV之中二人有不少甜蜜親密的畫面

兩位同為新人，當被問到拍攝MV有甚麼深刻片段？他們異口同聲說是最後一場分手戲，子貝說：「呢場戲要好激動，導演要我逼到300%嘅情緒大聲嗌出嚟，拍到好肉緊！」Ophelia說：「呢場我哋兩個都鬧到眼濕濕，大家都好投入好唔開心。」她續說：「呢一場拍咗好多次，每次都要諗唔同嘢鬧佢，有一次我鬧到唔知鬧咩好，反正都唔收音，我就問導演『我走得未呀！』成隊crew都笑咗，好彩子貝冇笑，最後順利完成拍攝。」

男女主角異口同聲最深刻的場面是最後一場分手戲