TVB全新遊戲節目《弊傢伙！》本周日首播 《玫瑰戰爭》8位主演「記憶大對決」瞄準終極Jackpot

TVB全新Game Show《BCT強積金呈獻：弊傢伙！有嘢唔見咗！》，由視帝陳展鵬（煎Pan）主持，潛力新人甄敏芳（Jenny）及林智樂（Felix）擔任「記憶助理」，節目將由11月15日開始，逢周日晚8點翡翠台播映。

陳展鵬做主持勁有新鮮感。

潛力新人甄敏芳（Jenny）及林智樂（Felix）擔任「記憶助理」。

今集參賽8位藝人。

今集參賽8位藝人。

首集亮相《弊傢伙！》的8位嘉賓，是來自台慶劇《玫瑰戰爭》的8位演員，分別是揚言要「整沉對方隻船」的「沉船隊」：陳豪、姚子羚、陳楨怡、林景程，以及聲稱與煎Pan有非一般關係的「躺平隊」：傅嘉莉、黃庭鋒、陳星妤、吳沚默。兩隊藝人分開4個回合進行「記憶對決」，向終極Jackpot進發！

一句講晒，陳豪真係好可愛！

Kelly啲表情話咗畀大家知，呢個遊戲幾咁好玩。

估唔到同星妤鬥可愛嘅，竟然係陳豪。

玩法是節目組將展示一系列不同主題圖片、並抹走每張圖片上的重要標誌／訊息，頭3個回合為60秒「限時賽」，2邊參賽者以梅花間竹形式輪流作答，每題限時10秒，每答中一題均有紅利獎金；其中一方用完60秒後，回合即時終止，另一方剩餘的時間將轉化為「時間紅利」。第4回合是搶答題，率先答中3條問題的一方將有機會逆轉勝！為了增加刺激感，每隊均有3張「S.I.M. Card錦囊」，分別為「SOS」與隊友商量、「Ice」暫停總計時30秒及「MC」由主持提供三選一選擇題。

楨怡一雙長腿勁吸睛，佢嘅表現都好搞笑。

陳豪咩事冇眼睇咁款。

認真玩遊戲嘅星妤，只有喺答中問題時先會放鬆到笑一笑。

展鵬呢個表情正。

庭鋒真係險打。

今日（13日）節目組公布了首集四個回合的題目，分別為「道路標誌」、「TVB劇集海報」、「香港地標」及「香港情懷」。8位參加者中，以「雙陳」陳豪及陳星妤表現最為突出，陳豪「常識王」上身之餘，仲要連環神助攻瘋狂提水，答中題目又手舞足蹈花式慶祝，激罕展現活潑跳脫一面！最近因主持《美食強人》晒「Mo式爛Gag」晒到深入民心的Mo，在《弊傢伙！》中再度技癢，以「我係充滿住情懷」自嘲年紀大，認真幽默。

至於星妤則觀察入微、在「香港地標」題中多次展示秒答絕技，秒殺對手陳楨怡；對於星妤的「快狠準」，煎Pan為之佩服，連環大讚：「好嘢！」、「咁犀利嘅」。值得留意的是，星妤玩遊戲時極度投入認真，不但每次聽題目都緊張到縮晒膊頭，更因太擔心答錯累街坊數度致接收訊息無效，令煎Pan極度無奈，而星妤的連環抱頭「苦惱樣」亦相當可愛。

係咪好想知Kelly同姚子羚睇番當年自己嘅樣有乜反應呢？

係咪好想知Kelly同姚子羚睇番當年自己嘅樣有乜反應呢？

新人Jenny呢大半年工作不斷，人氣急升，備受關注。

另第二回合的「TVB劇集海報」題，則掀起現場參與藝人不少難忘回憶。其中一條題目《當四葉草碰上劍尖時》，海報中其中兩名主角子羚及傅嘉莉都剛好在場，二人因而勾起昔日首度合作回憶，更以對方當時劇中名字互相稱呼大玩「久別重逢」。對於二人當時年紀輕輕便有份影海報，煎Pan大感神奇：「第一套已經有Poster影，犀利呀。」子羚則捉住煎Pan認人：「你唔係唔認得我係咪呀」，場面搞笑。不過由於子羚與Kelly 23年前樣子與現在頗大出入，到底二人見到自己「當年今日」有乜反應？另黃庭鋒因連環高呼自己是從小看子羚的劇長大，終「出事」遭子羚作狀打打。想親身感受現場熱鬧氣氛，就要密切留意周日晚首播的《弊傢伙！》。

由騰訊視頻及TVB聯合出品、鍾澍佳（佳導）總監製、任海曜監製、方世強總編劇的台慶劇《保誠保險呈獻：玫瑰戰爭》，逢周一至五晚八點半翡翠台播映，主要演員包括：楊茜堯、陳豪、林夏薇、馬國明、陳展鵬、姚子羚、傅嘉莉、陳自瑤、鄺潔楹等。

Yoyo塊面係真係紅晒，並唔係化妝嚟。

Yoyo塊面係真係紅晒，並唔係化妝嚟。

昨晚（11月12日）第四集《玫瑰》「妒恨交織」，劇情主要講述關子盈（陳自瑤飾）與菲雅（傅嘉莉飾）之間的恩怨情仇。暗戀德龍（馬國明飾）多時的菲雅，得悉德龍秘密與子盈蜜運後，竟藉拍攝掌摑戲公報私仇，連環狂摑子盈！菲雅更耍手段陷害子盈捲入小三醜聞！雖然子盈因而身敗名裂，但天誠老闆雲生（陳豪飾）仍處處維護，惹來暗戀雲生的經理人鳳儀（姚子羚飾）妒忌，暗中收買安安（鄺潔楹飾）向子盈落藥，子盈慘遭迷姦…

兩位演員嘅眼神都做得好好。

兩位演員嘅眼神都做得好好。

呢幕反擊扭打都好衝擊。

呢幕反擊扭打都好衝擊。

昨晚傅嘉莉Kelly連摑陳自瑤Yoyo十大巴，及Yoyo事後反摑Kelly、Kelly扯頭髮還擊一幕，播出後旋即成為劇集名場面之一；除因Kelly及Yoyo出手夠晒狠辣，二人劇中的挑機兇狠嘴面亦引爆熱議。被打至啪啪聲的Yoyo，獲網民搞笑賜封「兜巴瑤」：「Yoyo好似接咗部打戲咁」、「Yoyo這段戲看著就很痛」、「兩位的演技都很好」、「看起來好真」、「這台女人戲好精彩」、「打人的壓力看來更大。」場口講述菲雅拍攝戲中戲時，為了可借勢反覆喪摑子盈，出手時不是Timing出錯、就是打的位置不對；最過份的，是菲雅在人前還要扮晒無辜，令子盈相當唔忿氣，才演變至之後的反擊及扭打場面。

雖然鏡頭前兩位女角都是狠角色，但其實拍攝現場氣氛融洽，未埋位前，Kelly、Yoyo與劇組有商有量研究動作走位，Kelly拍畢掌摑戲後，亦有主動慰問Yoyo。為了多角度呈現掌摑戲增加真實感，每次至少有三部攝影機對準兩位主角，三位重裝備攝影師還要瘋狂走位配合，台前幕後付出不少血汗。

其實喺拍攝現場，兩位演員係有商有量、有講有笑嘅，之所以拍出嚟咁逼真，係因為大家都百分百投入拍攝。

其實喺拍攝現場，兩位演員係有商有量、有講有笑嘅，之所以拍出嚟咁逼真，係因為大家都百分百投入拍攝。

好鍾意傅嘉莉呢個樣，好奸險。

Yoyo受訪時透露「每一巴都是真打」，並指由於對手Kelly很專業，故她前後只是被摑了十多巴掌便順利完成拍攝：「其實真係冇計過打咗幾多巴，但就巴巴都係真打，因為想有真實嘅感覺，借位會變咗好假，所以我非常同意真打。拍之前我仲同Kelly講『你唔使驚，你狠狠地摑落嚟啦！』」對於有網民發現Yoyo面頰紅了一大片，Yoyo透露不是化妝：「塊面嘅紅全部都係真，冇化妝，但冇問題啦，最緊要拍出嚟真實。」

至於負責打人的Kelly，亦坦言拍攝時「梗係大壓力」：「因為好驚會摑到Yoyo，咁我都有嘅經驗，所以嗰場戲盡量唔戴任何首飾,，指甲就盡量整短啲，同埋盡量就位。好似所有full shot，我全部都係借位嘅，甚至乎望落我好似好大力打埋去，但其實去到Yoyo塊面呢，我都係撥落去推佢塊面。但當真係close up時，因為會睇到Yoyo塊面嘅肌肉，所以就要真打，呢場戲大家都辛苦了。」Kelly續指真打亦有真打的技巧：「即係唔會用死力，唔會用個手掌心去打、唔會冚到耳仔、唔會指甲刮到佢塊面。我哋都係奉行住寧願硬食一次，都唔好打幾次。」、「但因為咁樣打Yoyo我都好心痛，但冇辦法，都多謝Yoyo信任我呢個對手，令出到嚟效果好好，我都好開心。」

要由昏昏沉沉狀態，一下子跳去極高能嘅崩潰狀態，真係好難，但係Yoyo都完美咁一take完成。

要由昏昏沉沉狀態，一下子跳去極高能嘅崩潰狀態，真係好難，但係Yoyo都完美咁一take完成。

要由昏昏沉沉狀態，一下子跳去極高能嘅崩潰狀態，真係好難，但係Yoyo都完美咁一take完成。

要由昏昏沉沉狀態，一下子跳去極高能嘅崩潰狀態，真係好難，但係Yoyo都完美咁一take完成。

要由昏昏沉沉狀態，一下子跳去極高能嘅崩潰狀態，真係好難，但係Yoyo都完美咁一take完成。

要由昏昏沉沉狀態，一下子跳去極高能嘅崩潰狀態，真係好難，但係Yoyo都完美咁一take完成。

佳導：以為佢哋真係唔啱
談到場口，總監製佳導笑言一度誤會二人有私怨：「我初初睇片，以為陳自瑤同傅嘉莉真係唔啱、或者有咩私怨，因為吓吓都打到好真，但又唔敢問佢哋。後尾我睇番花絮，又見到佢哋笑晒口完全冇嘢，所以我覺得佢哋呢段戲真係演得好好，呃晒。」

另當子盈懷疑自己被迷姦後，致電經理人鳳儀大興問罪之師一幕同樣震撼，由於鳳儀全程極惡意地故作不知情，受盡各種打擊及刺激的子盈終極崩潰，瘋狂爆喊之餘，並聲嘶力竭地連環瘋狂尖叫：「點解要係我呀，點解係我呀！」最後激動到極的子盈怒掟電話宣洩滿腔怒憤，如泉湧的眼淚相當惹人同情！網民：「陳自瑤角色令人心痛，演技更上一層樓」、「經理人是壞人，個個都話幫，但其實個個都唔幫。」

談到場口拍攝，Yoyo透露由於當日是由被落藥場口直落拍攝，要一下子由低能量的昏沉狀態、跳去高能量的崩潰狀態著實高難度，加上拍攝時間緊逼，未能有足夠時間培養情緒，故Yoyo埋位前一度信心不足，但最後竟在「試當真」情況下一Take順利完成拍攝，令Yoyo及劇組大為驚喜，工作人員更一致拍掌讚好：「拍之前我真係冇信心，因為我覺得自己個狀態未Ready，仲係之前嘅昏沉狀態，驚自己演得唔好。但因為導演話冇時間喇，你試當真啦，咁我就覺得『好啦，盡做啦』。其實埋位之前幾秒，我都仲未有太大感覺，但好神奇嘅係一roll機嗌Action，我跟住劇情開始望吓四周圍又望吓自己，我就突然進入咗嗰個極崩潰嘅狀態，我自己都好Surprise，可以幾秒之內進入到狀態，都要多謝劇本同劇組。」