聲秀｜陳潔靈加入評審團做足功課 三大黑馬小花甄敏芳、周智敏、林潔心發力玩蛻變

今年7月首播的《AlipayHK呈獻：聲秀》，轉眼來到準決賽階段、並分上、下兩個回合進行！合共兩集的《聲秀》準決賽，將在本周日（10月19日）及下周日晚上8點翡翠台播映。

成功躋身準決賽舞台的9位學員，在第一個回合面對的挑戰主題為「突破回合」。在「突破回合」，每位學員必須跳出Comfort Zone、選擇自己平時較少呈現的風格或演繹方式演出，第一回合最高分學員可跳過第二回合直接晉級決賽；其餘8位學員則要進行第二回合的「必殺歌」一對一Battle。兩個回合結束後，將有4位學員落入危險區；之後5位評審、製作組特邀的KOL及DJ評審團投票選出心水學員，最終得票最低分的1位學員將離開《聲秀》舞台、無緣決賽，換言之決賽8強將於下周日節目正式誕生。

今集將誕生兩個「魔王級」表演

今集陳潔靈Miss Chan Chan加入評審戰隊，為了做好「評審」這個位置，Miss Chan Chan做足功課；為了更加清晰掌握每位學員的進步，Miss Chan Chan自揭：「人哋煲劇，我煲《聲秀》」，足證相當有心。今集五位評審陣容（排名不分先後）是：陳潔靈、陳奐仁（Hanjin）、郭偉亮（Eric Kwok）、雷有輝（Patrick Lui）及周錫漢（Randy）。

陳潔靈加入成為準決賽評審落足心機：人哋煲劇我煲《聲秀》！

今集演唱歌單如下（排名不分先後）：甄敏芳Jenny《空港》、蕭凱恩Michelle《粉紅色的一生》、胡子貝Matt《老派約會之必要》、周智敏Emily《烈女》；林潔心Bibi《等一個他》、穎喬Ziva《驗傷》、馮熙燮Ryan《伸縮自如的愛》、柯雨霏Ophelia《沙門》、布子殷（布子）《潛龍勿用》。今集將誕生兩個直達「魔王級」表演，兩個表演不但令評審們感嘆自己像看演唱會多過看比賽外，相關演出更為五位評審帶來極大煩惱，到底係乜？敬請密切留意本周日的《聲秀》。

甄敏芳Jenny《空港》

蕭凱恩Michelle《粉紅色的一生》

胡子貝Matt《老派約會之必要》

周智敏Emily《烈女》

林潔心Bibi《等一個他》

穎喬Ziva《驗傷》

馮熙燮Ryan《伸縮自如的愛》

柯雨霏Ophelia《沙門》

布子殷（布子）《潛龍勿用》

今集搶焦位落在三大「黑馬小花」—甄敏芳Jenny、周智敏Emily、林潔心Bibi，三人齊齊破格大玩蛻變。先說蘇永康組的「顏值擔當」Jenny演繹《空港》，以成熟造型登場的她，以高踭鞋配黑絲短襪大晒長腿、修長比例Fit到爆。Jenny演唱完畢後更感性表示：「好奇妙旅程，都唔知今次係咪最後一次企上舞台。」

甄敏芳Jenny《空港》

甄敏芳Jenny《空港》

甄敏芳Jenny《空港》

甄敏芳Jenny《空港》

Jenny成熟造型大晒長腿勁吸睛。

Jenny成熟造型大晒長腿勁吸睛。

Jenny之後更特別多謝阿公：真係好多謝阿公，諗起咁耐以嚟點點滴滴。我覺得我人生未遇過咁好嘅老師。

雷有輝：Jenny 今次真係有突破，但係第一個出，係會有啲怯要俾自己多啲信心，今晚你最冇信心。

尷尬樣是亮點 胡鴻鈞遭起哄即場極速示範「性感自摸」

另一位黑馬是胡鴻鈞組的周智敏Emily，以紅色長髮配透視喱士裙登場的她，一身歌德風格造型已極度驚喜；而向來予人感覺「乖乖女」的她，竟出乎意料玩「自摸」兼大跳性感椅子舞，期間舉手投足及眼神均散發著誘人魅力。事後導師胡鴻鈞就被爆排練時曾親身向 Emily示範如何擺性感甫，並遭起哄即場再示範一次；面對洶湧群情，Hubert豪言：「如果Emily個分高過我預期嘅話就示範。」

周智敏Emily火辣大跳椅子舞《烈女》

周智敏Emily火辣大跳椅子舞《烈女》

周智敏Emily火辣大跳椅子舞《烈女》

周智敏Emily火辣大跳椅子舞《烈女》

豈料結果Emily所得分數真的超越Hubert預期，結果在全場歡呼聲下，Hubert「找數」大玩「極速性感自摸，場面爆笑。Emily的性感演繹，亦獲得評審們高度評價。雷有輝（Patrick Lui）：「呢個真係好大突破啦，勢估唔到Emily可以咁sexy，好有《本能》Sharon Stone嘅感覺」、Miss Chan Chan：「你再大個女啲，你個女人味會再出啲。」周錫漢（Randy）：「絕對係Good try。」

導師胡鴻鈞排練時示範教Emily性感

Hubert現場更揚言：「如果Emily佢個分高過我預期嘅話就示範。」

結果真超過預期分，令全場歡呼，Hubert都遵守承諾找數即場示範自摸勁爆笑。

雷有輝大讚：呢個真係好大突破啦，勢估唔到Emily可以咁sexy，好有《本能》Sharon Stone咁。

Miss Chan Chan：你再大個女啲，你個女人味會再出啲。

周錫漢：絕對係Good try，唱係啱啱好。

至於劉浩龍（師兄）組的林潔心Bibi，則首次挑戰跳唱《等一個他》，甜美活力全開；為跳出Comfort Zone，師兄指Bibi排練頻密程度直達瘋狂：「你喺21歲做咗一件好瘋狂嘅事，佢呢十日係冇娛樂過，日日自己一個人匿喺排舞室十個鐘，一個唐三藏咁搭地鐵買飯都拎住支Mic Stand…成日夜晚Message喊晒話唔知做緊啲乜，跟住我個答案都只不過係：『係咁架啦』。所以你無論咩分數，你喺我心目中都係100分；你攞呢個態度、以後無論做乜，都會比其他人優秀。」

林潔心Bibi《等一個他》

林潔心Bibi《等一個他》

林潔心Bibi《等一個他》

林潔心Bibi《等一個他》

導師劉浩龍感嘆Bibi的努力。

評審們對Bibi的突破同樣讚不絕口，雷有輝：「今次嘅突破比起其他學員係最自然、最做到嗰件事。」Miss Chan Chan：「日日拿住支咪我好多年前已經做緊呢樣嘢，我鍾意佢撳住個咪嘅感覺、好自然，你係有突破到一個關口嘅，我恭喜你。」

雷有輝更再大爆金句：台上三分鐘、台下畀師兄係咁摏。

Miss Chan Chan：你係咁多個之中，你係有突破到一個關口，我係恭喜你。

一連三日（2月13至15日）由天人集團、Production 360於北角東渡輪碼頭舉行的《維港伴我啟航音樂派對》，在歌聲與海風中圓滿完成，是次活動結合音樂、市集與維港夜景，為觀眾帶來一場視覺與聽覺兼備的浪漫饗宴。一眾參與的新晉歌手在活動中獲得粉絲的熱烈支持，現場尖叫聲不絕，而且擺放了大量應援，代表了粉絲們對自己支持的偶像的一番心思。歌手們收到滿滿的鼓勵，為2026的發展開啟了一個美好的開端，同時也打了一支強心針。

第一晚（2月13日），打頭陣的配搭為何晉樂（Rock）和周智敏（Emily），Rock正忙着拍攝「愛回家」，很久沒有跟粉絲在現場見面，今次能夠跟很多媽媽粉在新年前共聚，Rock說：「我身為男士收到很多花，終於感受到作為女孩子的幸福，令我大感意外，也很感激粉絲們的愛錫，好期待能有自己的個人音樂會。」

何晉樂

Emily表示今次很開心參與這個音樂派對，「真係好感恩被邀請，對我嚟講係第一次小型concert，仲可以同我師兄阿Rock 一齊演出，真係一個里程碑，覺得自己好似成就解鎖咁，好值得紀念！第一次喺碼頭望住個維港景唱歌真係好有feel，風吹住同望住個海，好浪漫。」Emily續說新一年希望自己可以成為一個更好的歌手，「我想唱得再好啲，再穩啲，再有感染力啲，唱多啲唔同嘅歌俾大家聽。同埋唔單止唱歌，跳舞都要跳得好睇啲。農曆新年假期會溫書準備mid-terms，當然食完年糕之後，都要努力減返啲啦。」

周智敏

周智敏、何晉樂

第二晚（2月14日）的配搭是劉芷君（Aster） 加上徐惠晴（Vanessa），Aster穿上一身pink lady短裙裝扮，露出白滑長腿，少女味甚濃，現場男粉絲頻頻送上小禮物，她一口氣唱出多首中英文金曲，她說：「觀眾嘅反應好熱烈，氣氛好正，好似迷你演唱會咁。今次係第一次喺碼頭唱歌，吹住海風、望住夜景唱歌，嗰種感覺好特別，都覺得自己好幸運可以喺咁靚嘅地方唱歌俾大家聽，所以非常之多謝大會邀請我嚟表演。」

劉芷君

Vannessa則表示好開心情人節當晚可以對住海景同粉絲們Chill住過，「對上一次嚟北角碼頭唱歌係參加聲秀前嘅其它比賽，估唔到今次再嚟係用歌手嘅身份參與演出。今晚唔單止唱咗好多冧歌，仲挑戰咗跳唱。見到粉絲們嘅熱情同投入，令我越來越識得享受舞台，同埋更加放膽去唱。新一年嘅目標係希望可以參與多啲唔同既活動等多啲人認識我，亦會珍惜每次嘅表演機會，去報答每一位粉絲對我嘅支持。」

劉芷君、文雅芝、徐惠晴

第三晚（2月15日）的配搭是「聲秀」冠軍馮熙燮（Ryan）和季軍胡子貝（Matt），二人在台上施展超強唱功，粉絲們報以熱烈和連綿不斷的掌聲。Ryan表示：「第一次自己編排整份歌單，順利完成表演，仲得到粉絲的應援，覺得真係好幸運。希望香港未來有更多場地可以讓歌手表演，2026年目標係努力瘦身，鍛鍊聲線，繼續進步。」

馮熙燮

馮熙燮

馮熙燮與粉絲

第一次在公開場合表演派台歌《情完節》的Matt對於有一首完全屬於自己的歌曲感覺十分奇妙，身為顏值擔當的他現場吸引大量女粉絲捧場，Matt說 ：「微涼海風加上維港夜景，觀眾反應熱烈，真係好興奮！新年會回家探親，未來希望嘗試更多不同類型嘅作品。」今次活動吸引大批樂迷到場支持，VIP觀眾更獲贈新春福袋，現場氣氛溫馨熱鬧，大會感謝每一位演出者、工作人員與觀眾，讓我們一同在維港啟航，迎接新一年。

胡子貝

胡子貝與粉絲