玄戰｜陳懿德表現出色有大將之風「主持界新血」甄敏芳首做直播獲讚叻女

娛圈事

玄戰｜陳懿德表現出色有大將之風「主持界新血」甄敏芳首做直播獲讚叻女

2026年09月04日 16:00 最後更新：16:07

玄學競賽節目《玄戰》昨晚（9月3日）及今晚（9月3日）播出的是一連兩晚的「黑先知晉級戰」，更是節目播出以來首度以直播形式進行，算是TVB十點半綜藝檔一大突破！昨晚節目整體相當流暢，兩位女主持陳懿德（德德）及甄敏芳（Jenny）在網上吸獲不少好評！

當中整晚表現淡定、說話流暢兼穩定控場的德德，更獲網民連環點讚：「德德做Live好勁，啲字幕一路去，時間啱啱好講晒成段，再一齊講句Slogan啱啱好完」、「德德真係後起之秀」、「德德穩陣就不嬲都係，好有大將之風」、「要讚陳懿德，控場控得好好，現場直播講嘢清晰」、「Jenny個樣雖然睇落好緊張，但講嘢整體上都好淡定，第一次直播主持有咁嘅表現已經好好，好叻叻」、「直播中咬字極清楚，冇字幕都聽到哂佢講咩，時間捕捉又準確，節目其實好緊湊但係佢拿捏得非常好，完全另眼相看，真係要讚。」

點擊看圖輯

兩位女主持在網上吸獲不少好評！

TVB截圖

陳懿德

Jenny在直播素顏上陣。

更多相片

兩位女主持在網上吸獲不少好評！

TVB截圖

陳懿德

Jenny在直播素顏上陣。

昨晚德德除了主持功架一流，樣貌和身形亦同樣一流，身穿透視黑色長褲的她，一雙若隱若現的美腿十分吸睛，難怪有網民留言：「德德瘦咗之後真係好靚！」問到德德最近是否清減不少，她受訪時直認在3個月內減了16-18磅，現時體重更與選美時差不多，可謂相當弗！問到德德為何突然決心減肥，她笑言是受港姐師妹感動及啟發：「我今年要做港姐吖嘛，當我見到啲師妹個個都咁有熱誠同咁有決心做到最好，我即刻諗番起當年嘅自己都係一股衝勁咁，加上外形其實都係作為藝人好應該保持嘅一樣嘢，所以我就立定決心減肥喇。」

至於初試啼聲做主持，即要應付直播的Jenny，昨晚表現亦相當不俗，難怪獲網民大讚叻女。昨晚，Jenny的最大亮點，是「肉緊扁嘴表情包」相當Cutie，加上早前為《玄戰》直播的素顏眼鏡Look亦相當清純，難怪粉絲數目在短期內攀升不少、潛力無限。