娛圈事
李佳芯（Ali）、蔡思貝、陳庭欣（Toby）及翟威廉等到旺角宣傳《踩過界》及Big Big Channel。但眾演員轉到貨車內玩Live時，有攝製隊人員呼喝傳媒及粉絲不准擔遮，以免影響拍攝，一眾粉絲只好淋雨呆等偶像，幸好Ali及思貝坦言戥傳媒及粉絲慘，會出招冧返。
活動期間滂沱大雨，無線依然堅持在戶外進行，轉到貨車內玩Live時，粉絲只可淋雨呆等偶像。
有攝製隊人員呼喝傳媒及粉絲不准擔遮。
Ali及思貝坦言戥傳媒及粉絲慘，亦擔心他們病倒，惟有稍後與粉絲談天及合照補數。曾在公開演唱時走音的Ali直言會在Big Big Channel再唱歌：「不排除再唱《小幸運》，邊度跌低就邊度起身。」思貝則有意拍賣《踩》劇中的哨牙道具行善，至於會否保留「味道」則由買家決定。
眾人到旺角宣傳《踩過界》及Big Big Channel。
此外，過氣情侶Toby及翟威廉不避嫌唱雙簧，亦不介意到對方的平台客串，Toby更豪言要踩場表演「雀仔按摩」，正當大家嘩然之際，她才更正是帶寵物鸚鵡表演而已。
過氣情侶Toby及翟威廉。
真兇揭盅！
由劉家豪總監製、陳志江監製、岑國榮、孫浩浩擔任編審的《逆天奇案2》，逢周一至周五晚八點半翡翠台播映，主要演員包括陳展鵬、林夏薇、馮盈盈、黃智賢、蔣祖曼、張頴康、劉佩玥、方力申及高鈞賢等。
姜大衞偷走龍頭棍嘅原因，身為佢代表律師嘅蔣祖曼已經估到晒。
姜大衞偷走龍頭棍嘅原因，身為佢代表律師嘅蔣祖曼已經估到晒。
姜大衞偷走龍頭棍係希望一家人可以移民去其他地方，畀乖孫可以喺一個健康快樂嘅環境成長。
昨晚（5日）一集單元「龍頭棍風暴」完滿落幕，偷走龍頭棍的真兇正是賀堅（姜大衞John哥飾）本人，目的原來是為了孫仔！賀堅不欲黑社會背景影響到乖孫的成長，因此設計一場大龍鳳將龍頭棍偷走，欲打退兒子賀永權（林景程飾）爭做龍頭的野心，希望一家人移民外地展開新生活。可惜永權被權欲熏心執意爭做龍頭，與死對頭耀星（翟威廉飾）鬥生鬥死，兩人在貨櫃場打大出手，永權更差點取了耀星的性命，最終森Sir（陳展鵬飾）趕到現場成功阻止悲劇發生。
林景程與翟威廉的打鬥戲雖然只有約1分半鐘，但拍攝過程絕不簡單！官方釋出相關場口花絮片段，翟威廉拿刀揮斬景程時，屋頂其中一塊天花意外落下，並狠狠擊中威廉的額頭，幸好威廉並沒有大礙，休息一會便重新投入拍攝，非常專業。拍攝當日正值33度高溫，穿着長袖的兩人不但要奪命狂奔，還要瘋狂埋身肉搏，兩人賣力演出拍到身水身汗，認真唔簡單。
相關影片可以按以下畫面觀看：
影片連結：
林景程同翟威廉大打出手，仲差啲錯手殺死對方，幸好展鵬及時趕到阻止事情發生。
翟威廉喺呢場打戲不慎被假天花擊中，好彩最終冇事！
雖然拍攝當日天氣好炎熱，但係林景程、翟威廉都係好賣力演出。
劇中主演的感情線亦是《逆天2》的看點之一，昨晚一集劇情適逢是情人節，Nic Sir（黃智賢飾）和Hazel（蔣祖曼飾）翻撻後首度過情人節，溫馨甜蜜滿瀉；與阿Wing（飾）分手的森Sir眼見街裏愛人一對對，自己卻形單隻影自隊雙餸飯，不禁黯然神傷！另邊廂，阿Wing與天才生物學教授唐冠峰（方力申Alex飾）在大學中邂逅，冠峰駕車載穎思一程，期間兩人大談愛情觀，冠峰認為愛情根本不存在：「大腦分泌出愛情感覺，大概會喺一年半到三年之後，呢種感覺就會消失，但係呢段時間足夠畀人類完成兩性結合同生育，愛情只係基因繁殖機制。」阿Wing則不太認同：「我覺得除咗基因繁殖之外，人類之間仲有陪伴同埋承諾，呢啲都包括喺愛情。」冠峰聞言再拋下大量學術術語反駁她，雖然直男指數爆晒標，但阿Wing對冠峰似乎有特別的感覺！
情人節有人開心有人愁，甩拖展鵬自隊雙餸飯。
蔣祖曼同黃智賢就Sweet到震。
飾演天才生物學教授的Alex的角色理性大於感性，事事都以科學理論來解釋，甚至於覺得「愛情」都是假的，Alex將角色的「直男特質」演繹到位。Alex受訪時透露靠幻想代入角色：「角色細細個就被老竇帶去荒島做科研，童年淨係得讀書同做研究，我嘗試用屋企嘅情況套番落角色，如果我老竇淨係同我講運動，搬去一個地方淨係練水，日日都係咁練，我都會感受到呢個痛苦，用呢個感受代入番個角色。」講到劇中要面對大量繞口劖手的專業術語對白，Alex透露獲視后檔林夏薇傳授秘笈：「薇薇教我可以錄低再翻聽，呢個方法啱晒我，因為每日都要揸成個幾鐘頭車，呢個方法好處係去到邊都可以聽，好似聽廣播劇咁，仲有可以聽番覺得演繹得好唔好，如果唔鍾意呢個方法就再錄過，確實幫咗我好多。同埋劇中有好多專業術語同埋英文，所以事前都要做足Research。」
劇中Alex直男指數爆晒標，問到他現實中的愛情觀時，他笑言：「感情方面唔係好識講。我覺得人大咗就會體會到，你覺得自己做得好時，可能人哋會覺得唔好，最緊要係對方覺得你係稱職嘅伴侶先係最緊要。」劇中Alex不時會大顯廚藝，問到現實中有否和女友玩煮飯仔？他笑謂：「大家都好忙冇乜時間煮嘢食，同埋對食嘢嘅要求都好易滿足，煮熟就得。」
方力申喺劇中唔相信世上有愛情，一切都只係化學作用。
小方劇中有唔少繞口對白，全靠薇薇傳授佢背對白大法。
