親解豪門戀告終原因 陳庭欣直認「三觀不合」

現年38歲、2010年港姐冠軍陳庭欣（Toby）早前出席活動時正式宣布，與拍拖長達8年的「彩豐行」老闆楊振源（Benny）已分手約兩至三個月。日前，陳庭欣再接受TVB娛樂新聞台訪問，首度細談回復單身後的心路歷程，強調分手源於彼此深入了解後作出的決定，事件中並不涉及第三者。

陳庭欣日前宣佈與拍拖長達8年的「彩豐行」老闆楊振源（Benny）已分手

陳庭欣接受TVB娛樂新聞台訪問，首度細談回復單身後的心路歷程

陳庭欣近日首度開腔回應與富豪男友分手一事，談到分手主因，她直言關鍵在於「三觀不合」。她解釋，真正走到分開，源於對彼此想法的重新認識：「原來突然間知道咗對方嘅諗法，我以為你咁諗，但實際唔係咁諗。我哋係因了解而不了解而分開，有啲嘢係我不能了解。」她亦再次強調，分手與逼婚無關，澄清外界揣測。

談到分手主因，直言關鍵在於「三觀不合」

再次強調，分手與逼婚無關

當提到身邊朋友對她的關心時，陳庭欣情緒明顯湧上，一度眼紅哽咽，幾乎說不下去。主持人及在場朋友即時出聲安慰，為她打氣，希望她能早日走出低谷。一直處於情緒臨界點的她，雖然聲音顫抖、眼眶泛淚，仍努力撐起一絲笑容，迅速抹去眼角淚水，強顏歡笑回應：「加咩油！都冇嘢！」一幕令人心痛。

當提到身邊朋友對她的關心時，陳庭欣情緒明顯湧上，一度眼紅哽咽

至於外界指她分手後生活有所轉變，甚至放大她日常搭地鐵一事，陳庭欣亦作出回應，強調自己一向生活如常，工作態度從未因感情而改變：「我一向都有搭地鐵，唔會因為今次呢件事而要搭地鐵。要揸車就揸車，過海咪搭地鐵，你知幾塞車。」她坦言有些事情被外界過度解讀：「有啲嘢畀大家放大咗，諗側咗一邊，我依然係我。」

藝人陳庭欣（Toby）日前到新城廣播接受李有毅（Ben）與兒子李國煒（Benson）主持的《Ben同Benson『Chur』到行》錄音訪問，去年宣布與拍拖8年的富商男友楊振源（Benny）分手的Toby，親口承認至今仍未完全走出情傷，更自爆聽歌時會忍不住流淚，明顯對舊情難以釋懷。

陳庭欣（Toby）接受新城廣播《Ben同Benson『Chur』到行》錄音訪問。

Tobt接受李有毅（左）、李國煒（右）訪問。

Toby在節目中大方談及感情生活，毫無迴避：「依家嘅感情生活其實所有人都知，真係好公開，依家係處於單身狀態，我係去年年底分開嘅，到依家都有四、五個月時間。」她坦言分手後的心情並非完全沒有影響：「你話心情會唔會完全100%冇事？係唔會嘅。」

Toby同時選播了《總會有人》這首歌，並分享自己第一次聽到這首歌的經過：「有一次坐朋友架車，佢都唔係故意播畀我聽，佢喺playlist播咗呢首歌，我問佢首歌叫咩名，我覺得呢首歌嘅歌詞好好。」她續說：「可能呢個人唔啱，總會有呢個人出現，未必係早出現，可能係遲出現。」她更自爆：「嗰時我聽住都會流淚，所以好鍾意呢首歌。」

Toby分手五個月仍未走出情傷。

自爆聽《總會有人》淚崩。

談到回復單身後的生活，Toby表示現在多了自己的時間：「有啲人話拍拖時時間少咗，但你收工或者放假，點都會想同另一半過，陪住佢，但依家就唔使喇！」被問到是否覺得輕鬆、自由了？她稱：「都可以話係輕鬆咗、放鬆咗，仲多咗自己諗吓鍾意做乜嘢。」

分手後的Toby重新思考自己真正的喜好，發現原來一直喜歡打拳：「之前我放低咗一段時間，其實我之前有學過。」而最近又愛上新興的運動匹克球，更與關楚耀成為運動拍檔，遠赴北京參加國際賽事，藉以寄情運動和工作治療情傷。

Toby用歌詞寄語自己「總會有人出現 可能遲啲」。

詳細節目內容，請留意5月9日，晚上11時–凌晨1時，新城知訊台《Ben同Benson「Chur」到行》，網址：https://www.metroradio.com.hk/superhome/