《萬千星輝賀台慶》「東張女神盃」11.19開戰 梁敏巧獲網民睇好力撐攞冠軍

TVB 59周年《萬千星輝賀台慶》將於11月19日（下周四）舉行。為隆重其事，今年台慶破天荒大搞「東張女神盃」，並於昨日公布六位「東張女神」參賽名單（排名不分先後）：陳庭欣（Toby）、何沛珈（Roxanne）、梁敏巧（Maggie）、李旻芳（Lucy）、甘詠寧（Phoebe）、黎寬怡（貓仔Kitty），將以往在節目中不惜一切追尋真相的狂奔場面搬上台慶賽道，由全港觀眾見證下同場決戰400米，在真‧跑道上展現「東張精神」。

六位「東張女神」進行抽籤。

女神們進行賽前過磅。

女神們進行賽前過磅。

Kitty二頭肌好搶Fo。

賽道分配為：1號賽道Lucy（左起）、2號賽道Toby、3號賽道Roxanne、4號賽道Phoebe、5號賽道Kitty、6號賽道Maggie。

賽道分配為：1號賽道Lucy（左起）、2號賽道Toby、3號賽道Roxanne、4號賽道Phoebe、5號賽道Kitty、6號賽道Maggie。

賽道分配為：1號賽道Lucy（左起）、2號賽道Toby、3號賽道Roxanne、4號賽道Phoebe、5號賽道Kitty、6號賽道Maggie。

Leo 即場化身「魔鬼教練」，特訓六位「東張女神」。

Leo 即場化身「魔鬼教練」，特訓六位「東張女神」。

Leo 即場化身「魔鬼教練」，特訓六位「東張女神」。

Leo 即場化身「魔鬼教練」，特訓六位「東張女神」。

昨日（11月11日），「東張女神盃」在觀塘HEXAGON DYNAMIC ASIA健身工作室舉行記者會，由工作室老闆「大隻仔」關曜儁（Leo）擔任主持。六位「東張女神」齊以運動Look亮相，貼身運動上衣搭配短褲，大騷健康美線條及青春活力，十分吸睛。為公平起見，六位「跑女」即場過磅及抽出專屬賽道，其中「貓仔」擺出跑步Pose時，結實二頭肌十分搶Fo。經過一輪抽籤，賽道分配最終為：1號賽道Lucy、2號賽道Toby、3號賽道Roxanne、4號賽道Phoebe、5號賽道Kitty、6號賽道Maggie。

Roxanne

Roxanne

Lucy

Lucy

Toby

Toby

Kitty

Kitty

Phoebe

Phoebe

身為健身教練的Leo還即場化身「魔鬼教練」，以彈力帶為6位「東張跑女」進行賽前訓練。6位「東張跑女」其後接受《東張西望》訪問分享備戰心情，Maggie表示：「好期待，好興奮，我唯一嘅希望，係可以喺播映時間之內完成，唔好到廣告嘅時候我都仲未跑完。」至於Toby則指跑步難不到Roxanne與Phoebe：「因為佢哋兩個有跑開。」Roxanne笑言由於今次觀眾估出勝出者或是包尾都有獎，所以完全沒有壓力。Phoebe則賣口乖指自己平時邊睇《東張》邊跑跑步機，並笑言由於比賽當日不能睇住《東張》跑，故結局難料。

Leo

Leo

「東張女神盃」大家記得投票喇！

而自正式公布6大跑女名單後，網上旋即掀起熱討，網民齊齊競猜心水，暫以曾因追訪獸父跑出熱話的梁敏巧呼聲最高：「睇跑腿旻芳、敏巧同貓仔（Kitty）最有得FIGHT」、「支持貓仔（Kitty）」、「睇好梁敏巧可以攞冠軍」、「梁敏巧的確係大熱門人選」。

「東張女神盃」競猜遊戲由昨日（11日）起，觀眾可到www.tvb.com網頁進行有獎競猜，成功猜對「第一名」及「最後一名」東張跑女，即有機會贏取豐富獎品，截止競猜時間為台慶當晚節目期間，敬請踴躍參加。

由「金牌媒人」林盛斌（Bob）主持的TVB戀愛真人騷《Funki Finance呈獻：女神配對計劃2》，逢周日晚八點半翡翠台播映。

睇吓Yvette同Amber感情幾好！

Yvette真誠公開道歉反省，換阿Bob及所有人掌聲鼓勵。

Yvette同Kyle嘅互動勁歡喜冤家。

Kyle睇嚟後續應該會對Yvette採取行動喎。

《女神2》自播出後話題不斷，由配對選擇到女神品格都成為網絡熱話，為了解開網民及觀眾迷思，主持林盛斌Bob、7位女神連同節目總策劃、監製及一眾求愛勇者，日前雲集myTV SUPER直播室進行「答問大會」，就近日連串爭議進行真情剖白！

談到最新一集，最大爭議劇情莫過於原本偏向俞可程Kanis的方智弘Oscar，突然轉投何沛珈Roxanne，遭批評渣男！面對坊間爭議，Oscar坦言有少許不開心，但仍應阿Bob要求，大方公開選擇時的心路歷程：「我覺得我係需要了解一個人深咗，先可以做一個決定」、「呢個（轉選擇）係我跟從自己內心，我知道好多人一開頭對我揀Kanis好支持，我都收到好多DM叫我千祈唔好轉人，但我覺得最終我都係要忠於自己意願，咁先係真正嘅我。」

佢畀監製踢爆好易畀陳星妤搞到Hang機。

Oscar勇敢剖白轉選擇背後心路歷程。

Kanis

Roxanne獲大家打氣支持。

對於Oscar的選擇，Bob及監製Manho均開腔力撐Oscar，阿Bob更力挺Oscar絕非渣男，Bob：「了解咗覺得唔係嗰個vibe，想轉（選擇）就係渣男？咁我諗地球上好多男人都係渣男嚟喎」、「大家唔好以為（佢哋）感情好深厚，大型水上樂園、五角枱（嘅拍攝）都係一日半日嘅事」、「絕對唔可以用渣男形容呢個男孩子，喺我嘅認知，希望大家可以理性同埋口下留情去留言」，並希望觀眾不要覺得有人爭或有人轉選擇就是壞人。Manho：「有時佢哋見一日我哋剪成兩集，變相觀眾視覺會覺得係幾個星期，但其實可能佢哋只係見過兩、三次。」

Bob與Manho續指新一季《女神》描述的感情關係，比第一季更複雜，不適宜作比較，並鼓勵大家當全新的戀綜收看，Bob：「今輯由頭到尾都大兜亂，都係強調女仔可揀男仔、男仔亦都可以揀女仔，節目一開始機制就係咁，想大家知道原來可以更大膽、更勇敢去追求自己想要嘅Mr/Mrs Right，講真男未婚、女未嫁，大家都仲有機會選擇，而當中一定會有情緒落差」、「知大家肉緊嘅…但我覺得唔需要去到人身攻擊或者惡意批評，大家唔需要咁勞氣」Manho：「今季確實一開始就唔想咁單一，所以感情走向一定複雜啲」、「希望觀眾食花生之餘都多啲理解同包容，故事好多時候都冇節目呈現出嚟咁簡單。」並透露後續將有更多「原來係咁」及「意想不到嘅發展」。

另陳星妤Yvette與陳若思Amber，亦就阿Bob要求當中抱抱、以行動粉碎不和傳聞。Yvette亦再次為自己玩水上遊戲時過份投入致歉及反思：「我真係冇心整到Amber，但亦真係有啲位係大意咗同疏忽咗」、「我聽取咗大家聲音後，知道有好多嘢要反思、有時投入之餘都有好多嘢要顧及」、「我把關力度同方式係錯，下次要做番更好如果再有類似情況。」

阿Bob

阿Mark挺女神言論好Man。

Mandy同東東隔空互動好甜蜜。

Hepta keep住7年都盡買雞蛋仔畀女友食好堅。

有冇發現邊個戴親Bob爺副眼鏡都顏值提升，之前有林福明Tony。

阿Bob點名讚陳星妤做得好：好堅，我哋為佢鼓掌
就此，身為資深水上遊戲主持的阿Bob，坦言拍攝遊戲節目確實容易手腳當災，他自己亦有無數受傷經驗：「因為始終有拉扯，其實啲男仔都有扭親同撞到個頭」、「我拍咗咁多節目，我淨係自己個人受傷（都多），嘴角呀、鼻呀都有流過血…以前玩超級無敵呼拉圈，每次玩完我定對手都一定見紅或者撞瘀」、「同埋第一組出嚟，其實當時大家都未知道點樣就力」，並以第一目擊者身份，保證現場絕對沒有任何蓄意的惡意：「我覺得兩個都做得非常好！」又大讚Yvette作為隱藏女神表現很好：「突然之間殺出嚟，到底應該咩Approach？唔盡力去表現，根本冇意義，到盡力表現，又會畀人話『係咪發姣呀』、『使唔使咁進取呀』，都真係好難。你（指Yvette）面對呢兩、三個禮拜嘅輿論，我覺得你表現好大方，回應做得非常好，Yvette我覺得你好堅，我哋為佢鼓掌！」Manho亦直指隱藏女神十分難拿捏定位：「超怡都係（難），非常感謝佢哋。」

另同時就「收兵」是非作出回應的Yvette，席間大方玩自嘲稱呼李爾晨Kyle為「兵王」，Kyle「接招」時除強調自己沒有做過任何「兵之行為」，還突然「愛的宣言」指過去11年有Yvette相伴好幸福，贏來全場歡呼聲。Kyle：「其實我覺得有Yvette喺身邊係一件好幸福嘅事，因為大家有啲咩事，都會搵對方傾訴，我覺得未必個個人都有（可以真心傾訴嘅對象），我有陳星妤。」

席間，Bob怪Kyle在Yvette專屬題時沒有衝出去「表現自己」，又追問Kyle想Yvette與自己還是Oswald配對，Kyle回應時竟再度意外來了個「深情告白」：「我聽完Yvette講（有Feel）嗰吓其實好衝擊，咁我嗰刻衝出去就代表表態喇咯，呢個決定太重要，我唔可以立亂衝出去，唔通你講完之後我話「Yes，Yvette I love you！唔可以咁。」Manho聞言即篤爆Kyle當日聽完Yvette告白後Hang足半日機，並笑言：「你依家咁問佢，佢又要Hang Hang機架喇。」並預告：「呢個謎節目會解開。」