杜如風與黃又南「再見亦是朋友」，日前二人齊去購物，男方除了貼身服侍，眼神還好溫柔，疑似舊情復熾。
黃又南、杜如風（資料圖片）
黃又南曾於2007年與被封為「世界級港女」的杜如風拍拖，但不夠一年就和平分手，亦因為「和平」，所以二人可以Keep住做朋友。杜如風之前則被指硬搶好姊妹男友 ，又南出席活動時強撐Ex笑住話：「都話我哋結咗婚，認咗頭好耐啦！」一招四両撥千斤成功轉移話題！
點擊看圖輯
黃又南、杜如風（資料圖片）
正在忙Shine演唱會的又南（左）曾經為父還700萬債捱到入醫院，甚至在首映禮暈低。
杜如風開期間限定店，又南現身撐場。（資料圖片）
喺LOG-ON揀嘢其間，又南Always對住杜如風咁樣笑。
杜如風有Fans主動求合照，又南醒目幫手揸機。
杜如風要買外套，又南幫手揀又畀吓意見咁樣。
拎住支提神飲品嘅又南，同杜如風傾住偈等Sales攞衫，睇吓畫面幾咁又甜又盛。
發現記者後，又南即時靜晒玩電話。
杜如風買咗嘢，又南主動幫佢拎戰利品。
正在忙Shine演唱會的又南（左）曾經為父還700萬債捱到入醫院，甚至在首映禮暈低。
去年中，杜如風在中環開期間限定店時，又南都有現身開幕日撐場，還說︰「嚟影張新相啦，次次都出嗰張，人哋會好悶，我一直好支持佢嘅品牌。」講緋聞嚟曲線宣傳，識玩呀！
杜如風開期間限定店，又南現身撐場。（資料圖片）
日前晚上，忙綵排Shine明年在紅館舉行出道15周年演唱會，又要練大隻的又南買出提神飲品邊飲邊陪杜如風購物，期間店員認得眼前的資深旅遊節目主持人，主動求合照，又南好識做即刻幫店員合手機影相，之後又陪女方去選得意擺設，全程有講有笑。
喺LOG-ON揀嘢其間，又南Always對住杜如風咁樣笑。
杜如風有Fans主動求合照，又南醒目幫手揸機。
然後，二人轉去買衫，杜如風目標選外套，又南一直陪住又幫手揀和給意見，全程無知過男裝。在等候售貨員取貨期間，杜如風與又南坐住等，男方飲住提神飲品和女方傾偈，女方就有別以往癲癲得得的性格，安靜的聽又南說話，而且男方眼神好溫柔，二人相處甜蜜度絕對不止好朋友這麼簡單！
杜如風要買外套，又南幫手揀又畀吓意見咁樣。
拎住支提神飲品嘅又南，同杜如風傾住偈等Sales攞衫，睇吓畫面幾咁又甜又盛。
其後，二人發現記者，杜如風便行開試衫，試完即刻去付款，而又南則玩電話避鏡頭方法。離開時，又南幫杜如風拿紙袋，還主動行近記者身邊報料，「我陪Helen嚟行街之嘛。」近期興「在對的時間，遇到對的人」，難道真的舊情復熾！？
發現記者後，又南即時靜晒玩電話。
杜如風買咗嘢，又南主動幫佢拎戰利品。
