解風東京2｜杜如風推介Gen Z愛店一屋打卡位 700蚊浴袍變身G-DRAGON

有「日本旅遊達人」之稱的杜如風（Helen），再度為TVB Plus（82台）主持王牌旅遊節目《東方表行Take Your Time呈獻︰解風東京2》，本周三至周五晚九點半播映。之前《解風東京》創出最高收視5.9點，今次Helen再闖東京，毋忘「食玩買」初心。

Helen今晚推介一間受到Gen Z熱捧的打卡店。

Helen介紹自己的化妝師及男助手。

店內最好賣的購物袋。

該店滿佈打卡位。

Helen笑言穿上浴袍即時變身G-DRAGON。

今晚（9月3日）杜如風（Helen）介紹一間去年底開業的韓國生活品牌店，該店位於原宿竹下通樓高三層，地下一層主打文具、二樓以家品為主、三樓賣的是浴室及睡房用品。Helen表示該店的signature為熊仔及兔仔，極受Gen Z世代歡迎，不過店內的Best Sell是一款生果圖案購物袋，一個盛惠1,790日圓（約95元），抵買實用。當Helen來到三樓即刻被一款浴袍吸引，她說︰「呢件浴袍 14,000日圓（約740港元）都幾貴，G-DRAGON都係鍾意着浴袍，款式都係咁上下嘅嘢。」該店另一吸引處是提供不少打卡位，就算沒有幫襯都要入內拍照參觀一番。

來秋葉原JR車站目的，就是這間開業70年的牛奶店。

Helen先後試了票選頭一、二位的牛奶。

Helen試完水果牛奶後，猛向工作人員推薦。

 下一站Helen帶大家來到秋葉原JR車站，今趟目標是一間開業70年的牛奶專門店，該店售賣來自全日本47個縣的牛奶，就算每日試飲一款，都要試足一星期。Helen率先試店內票選第一位的北海道4.0牛乳，她評價說︰「嘩！真係好濃，好香、好滑、好smooth，平常都係飲3.6。出面最高級餐廳，都係用呢隻奶。」「4.0」代表乳脂含量百分比，數字越大，脂肪含量越高，味道亦越濃。Helen再試第二位的長野信州牛奶，點評為奶香出色。但最令Helen驚喜的是一款白玫瑰水果牛奶，她驚喜說︰「鮮香嘅生果味，真係無得頂。」分甘同味她逐一給身邊的工作人員品嚐，個個都讚不絕口。

網上爆紅爆餡多士店位於世田谷。

Helen試食最好賣的多士時就出事。

巨型蜂巢蜜糖多士磚

令Helen出事的巨型鮮蝦漢堡扒多士磚，餡料豐富。

這一集下來原本相安無事，不過當Helen來到一間網上爆紅爆餡多士店，點了一款巨型鮮蝦漢堡扒多士磚時，要發生的始終躲不過，令面皮出名厚的Helen，都不禁面露尷尬之色。想知道發生何事令Helen出醜，就要留意今晚節目播出。

「日本旅遊達人」之稱的杜如風（Helen）為TVB Plus（82台）主持王牌旅遊節目《東方表行Take Your Time呈獻︰解風東京2》，今晚（9月18日）起播映最後兩集。

Helen推介中央區一間人氣網紅天婦羅丼飯店。

每日限定只賣5碗的雜錦天婦羅丼。

便利店聯乘時裝品牌店。

環保鞋由6件部件砌成。

今晚（18日）杜如風（Helen）繼續食玩買本色，第一站來到中央區推介一間人氣網紅丼飯店，全店只有9個座位，獨沽一味賣半熟天婦羅。其中一款限定雜錦天婦羅丼，有齊黑毛和牛、國產鰻魚、中拖羅及時蔬做材料，每碗4,950日圓（約273港元），每日限賣5碗，售完即止。Helen試食後讚口不絕說︰「做到外熟內生，除了樣樣都係高級食物，仲好運用到食材優點，知道邊啲要生、邊啲要熟。間店用兩個炸爐，配合不同溫度嘅食材。」

之後行程介紹一間便利店聯乘時裝店，出售各樣款式的衣物，最特別是店內的衫會放在雪糕櫃、Cap帽放凍飲櫃。Helen戴上從凍飲櫃取出的Cap帽猛叫舒服，她笑說︰「呢度乜都可以雪。該店同時推動環保，其中一款鞋用廢膠切碎再壓成，特點是該款鞋如砌模型般用6種部件拼成，壞一部份換一部份。接住Helen由市區坐個多小時車，參觀由貨倉改裝成的市集，內裏貨品應有盡有。Helen發現一款打火機套的公仔樣貌，跟鼎爺李家鼎相似度達百份百，搞到她忍不住話︰「咁一定要買個畀鼎爺做手信，仲要只係賣1,100日圓（約58港元）。」

由貨倉群改建而成的市集，貨品應有盡有。

由貨倉群改建而成的市集，貨品應有盡有。

火機套公仔樣貌極似鼎爺。

明晚（19日）來到《解風2》最後一集，可惜Helen仍要「衰收尾」。她被安排到銀座一間高級餐廳，歎一款性價比超強；只售2,400日圓（約132港元）的黑毛和牛午市套餐，她食後大讚︰「油花分布平均，油香撲鼻，仲要係用越光米。」接住導演再讓她試食另一款A5黑毛和牛套餐；共10道菜賣21,000日圓（約1,155港元），由一名諳廣東話的馬來西亞籍店員Jeff接待。Jeff為Helen燒肉時，竟爆出驚人秘密表示︰「我細個有睇你節目……」起先Helen仍不接受事實死撐說︰「你講你啲細路呀。」Jeff一再強調「係我細路仔嗰陣」時，令一向不怕醜的Helen亦瞬間汗顏。

明晚Helen介紹一款性價比極高的和牛套餐。

Jeff自言細細個就睇Helen的節目。

店內有一款10道菜的和牛套餐。