Locksmiths開鎖佬成就解鎖！邀黃又南開咪合唱新歌

樂隊Locksmiths開鎖佬近日推出新歌《二十婚》，為宣傳新歌，Locksmiths進行一連串的Collab企劃，今次企劃竟然找來近年少有參與音樂項目的藝人黃又南合作，難怪班開鎖佬興奮到飛起！

Locksmiths開鎖佬近日邀請到黃又南合作！

今次合作契機要追溯到2004年，Shine的音樂作品《簡單而隆重》正正是今次《二十婚》填詞人少爺占的靈感來源。開鎖佬成員自爆，「今次專登用《二十婚》對應番《簡單而隆重》嘅浪漫感覺，希望同樂迷一齊重温青春回憶。」

提到如何打動又南出山，開鎖佬即時變身小fans，「我哋有成員係睇晒又南前輩啲電影㗎！」再加上原來經理人跟又南經理人份屬好友，才成功打動又南。開鎖佬又說：「事前都俾咗我哋首歌《二十婚》同歌曲背後嘅故事又南前輩聽，加上又南前輩都好照顧同鼓勵新人，所以好快就成事。」

影片截圖

影片截圖

自從開鎖佬每次推出新歌都玩Collab已成招牌動作，這次連又南都成功「解鎖」，不少網民乘機群起留言「幾時到關智斌？」開鎖佬笑着回應：「Kenny師兄絕對係喺我哋嘅合作bucket list入面，我哋每一次新歌嘅collab都會想搵一啲同新歌主題接近嘅歌去cover，例如上一首嘅旅行系列，以至去到今次《二十婚》嘅愛情系列。希望嚟緊再出歌都會可以邀請到Kenny師兄同我哋一齊玩同合唱佢嘅經典歌！」

影片截圖

影片截圖

昨日（10月31日）是萬聖節，又是歌手洪助昇（Aiden）年度整蠱大日子！繼去年Aiden扮貞子嚇到樂隊Locksmiths開鎖佬的Keyboard手Eric腳軟癱在地，今年Aiden「食過返尋味」，再度鎖定Locksmiths做目標，今次以粵劇造型上陣，六呎的身高穿上紅色戲服，再戴上1.5米長假髮，未出場已經夠晒驚嚇。

Aiden今年萬聖節又玩大整蠱！

影片截圖

影片截圖

今次突襲計劃精心部署，除了主音大雄倖免於難，事前早被招攬一同策劃，其餘四子全部成為被嚇對象。殊不知首個目標Bass手Harry一入Band房就眼利發現門口旁邊的攝影機，搞到Aiden出師不利，埋伏計劃即刻穿煲。第二個登場的Keyboard手Eric就沒那麼好彩，一推門Aiden即刻由暗處衝出！Eric嚇到擘大口狂叫，成個人彈起，之後先死死氣笑着說：「又到Halloween啦！Oh My God！而家10月21咋嘛，駛唔駛咁急啫？」反應搞笑！

主音大雄事前早被招攬一同策劃。

Bass手Harry

Bass手Harry

Keyboard手Eric

Keyboard手Eric

輪到鼓手Tom，他邊行邊在袋中找東西，完全沒為意轉角位站着一個六呎高的「大佬倌」，直到幾乎撞埋身才發現兼即刻大叫：「嚇死我呀！」而最後登場的結他手阿東雖然機警，一開門便已覺得「唔對路」，更醒目開着手機燈四圍照，但最終都敵不過Aiden從後殺出，照樣被嚇到跳起！

鼓手Tom

結他手阿東

今年Aiden的萬聖節突襲再度成功，Locksmiths Band房慘叫聲此起彼落，看來這個年度嚇鬼傳統，將會繼續玩落去。

整蠱大成功！