Skip to Content Facebook Feature Image

記者想逼高永文講催淚彈「禍害」 高反客為主: 暴徒先掟腐蝕液及燒人

博客文章

博客文章

博客文章

記者想逼高永文講催淚彈「禍害」 高反客為主: 暴徒先掟腐蝕液及燒人

2019年11月18日 19:26 最後更新:12月10日 18:22

網上流傳流傳一段影片,前食物及衛生局局長高永文在慈雲山助選,與街坊握手時,有記者上前問他:「現時成街都是催淚彈,成個香港都係,我哋應該點樣處理?政府會點樣保障人民嘅健康?」

高永文嘗試開始回答,但記者不斷自說自話繼續講問題,高永文唔跟佢哋遊花園,話「你先講完,你講完之後,到我可以講的時候,你就叫我講啦!」

過了一會,高永文終於可以回答:「警察是有他的職務,用最低的武力去保持社會治安,但面對汽油彈、腐蝕液體,又阻住市民返工生活,呢種情況唔可以繼續。我知道年青人心裏面有一團火,我行醫咗30幾年,我學習咗一樣野,就算你自己認為嗰樣嘢好啱。」記者打斷話題,插嘴說:「我想你以你嘅專業去解答人民嘅健康問題,點樣去處理?而唔係講汽油彈嘅問題。」

高永文反問記者,邊個用暴力先?(網上截圖)

高永文反問記者,邊個用暴力先?(網上截圖)

高永文即說:「如果你講汽油彈同腐蝕液體,你知唔知道對人體嘅傷害係幾咁嚴重?」記者又插嘴:「宜家係講催淚彈嘅問題。」

高續説:「我哋宜家有執法人員,被腐蝕液體傷害,受到二三級燒傷,佢哋將來面對嘅係一個好艱苦嘅生活,我做醫生完全知道,汽油彈燒到一個人危殆呀,其實每一樣暴力都對身體有影響,你有無問吓邊個人用暴力先?」

高永文一路強調暴徒先用暴力,以腐蝕液體傷害警察,以燃燒彈燒人,完全無跌入對方設定的議題中,估計記者想借高醫生之口,講出催淚彈的害處,這一招完全無法生效,最後記者亦無奈結束訪問。

從政者,包括官員都要認真睇吓高醫生的應對啦,要有主心骨,知道問題的根源,不要糾纏對家設定的議題,跟住人家的邏輯走,永遠走不出困局中。




小鯊

** 博客文章文責自負,不代表本公司立場 **

往下看更多文章

從兩個角度睇 港大校長應該珍惜溝通

2024年06月11日 17:47 最後更新:17:58

港大校長張翔和校委會鬧得不可開交,校委會發公開函件,講到港大管治問題之後,張翔又馬上出聲明回應。校長這樣同校委會對著幹的情況,認真罕有。小鯊就和政界、高教界人士傾過,講到呢場港大風波,有兩個觀點值得分享。

第一,董事長與CEO。港大校委會主席王沛詩和校長張翔的關係,其實堪比私人機構的董事長和CEO的關係。董事長是董事會負責人,負責公司最高決策;CEO是公司行政首腦,負責日常管理。一般而言,CEO會自主運作,但遇到重大問題,都應該同董事會特別是董事長有商有量,得到董事會同意先至去馬。如果有私人機構的CEO,好似張翔咁樣,同董事長對著幹,相信早已經俾人炒咗魷魚。現在政府拉攏雙方溝通,港大校長張翔應該珍惜溝通協調的機會,不要繼續一意孤行。

哈佛大學校長蓋伊。

哈佛大學校長蓋伊。

第二,外國校長為大局的退讓。有熟悉高校界運作模式人士就提到外國的例子,話作為大學校長,好多時都要面對各種類型的問題,有啲問題解決唔到,左右做人難,堅持做落去嘅話,可能會影響校園聲譽,好多校長會選擇犧牲自己,成全大學。其中一個例子就係哈佛大學校長蓋伊,佢係哈佛歷史上第一位非裔、第二位女性校長,到今年初的時候,上任不到半年,就因為學校內的支持巴勒斯坦示威,受到美國議員狙擊。佢曾經上過美國國會的聽證會作證,被議員圍插;更受到猶太裔的企業家追擊,威脅要停止對哈佛大學的捐款。最後蓋伊選擇犧牲自己、成全大學,喺今年1月初辭職。雖然好多人將佢的辭職同所謂論文抄襲風波扯上關係,其實嗰啲指控本身並無根據,但蓋伊唔想學校陷入困境,就選擇離職。

提到呢個例子,只係想點出,大學校長應該顧全校譽,唔一定要堅持己見,覺得自己啱晒。

呢一次港大風波中,各方人等都出黎做和事佬,但港大校長張翔就越講越激動,最後發佈的聲明更直指校委會「歇斯底里」。好似呢啲激動言辭,不斷同大學校委會對著幹,對大學又有乜好處呢?

你 或 有 興 趣 的 文 章