由無人識到有角色 趙希洛：我演得最多係...

原來癲婆唔係演得最多！

趙希洛 (本網記者攝）

趙希洛（Candice）憑劇集《金宵大廈》演憶子成狂的何太奪得《萬千星輝頒獎典禮 2019》最佳女配角，當晚哭成淚人，她激動表示：「4歲已經同自己講將來要做演員，係公司成就呢個夢想。」

趙希洛憑《金宵大廈》中演憶子成狂的瘋婦獲得《萬千星輝頒獎典禮2019》最佳女配角獎。

Candice回想初為新人的點滴，「一開始我諗每一位演員都冇諗過自己會有好多機會或者好好運。諗住慢慢磨鍊同做好自己，build up 自信同演員需要嘅東西，因為你永遠都學唔完，作為演員要長期性望住好多嘢、讀好多嘢，令自己小宇宙發揮得更好。我哋都係創作嘅人，我哋創作嘅就係點令角色有生命，有時同編劇會有不同想法，因為第一次做癲婆《實習天使》時，首先沒有接吻嘅動作，同埋無寫一啲情緒變化，係我自己主動想加入去，咁因為我想表達我幾愛一個人，表達到角色的內心。自己角色細唔緊要，你俾life你個character 。」

趙希洛 (本網記者攝）

當晚黃智雯邊哭邊頒獎給好友，Candice非常感動：「佢係我最好嘅朋友，由訓練班一齊捱，捱到今時今日，到佢做咗視后，而我今日可以喺佢手上拎到獎，真係無諗過。雖然大家讀訓練班時，都好希望可以踏上呢個頒獎台上，呢個係我同佢嘅一個承諾，我哋無同其他人講過。當晚真係發生呢件事（得獎），我好震驚、感動、emotional 啦！我好難解釋12年嘅友誼，同埋12年嘅經歷用一時三刻解釋晒，但我哋由無人識、無角色、到有角色、一齊合作，我哋好有緣合作好多次，我哋係幸運嘅，當可以同自己好朋友做戲，再喺2019年一齊去外國進修，一齊去進步。」

當晚黃智雯邊哭邊頒獎給好友，Candice非常感動。(網上圖片)

網上圖片

趙希洛 (本網記者攝）

被問到自己最大的不足是什麼？Candice表示：「其中一樣最唔好係中文差，初初入行連中文對白唔識讀同睇，只認為簡單生字，有幾個朋友和家人幫我翻譯，因為廣東話有9個音，好容易變粗口㗎！」

趙希洛 (本網記者攝）

提起「TVB御用癲婆」稱號，Candice笑指：「其實唔係㗎，我演得最多係秘書，《天天天晴》、《愛回家》、《波士早晨》、《大步走》都係做秘書，咁好明顯我係一個好差嘅秘書，無人記得我，哈哈！其實俾我揀，我鍾意做一啲曳嘅角色，或者唔太正經，可以粗粗魯魯，不顧儀態，咁『何太』都幾好，我可以自己化妝set頭。」被問到現實中自己是怎樣的性格，Candice思考一陣，彈出「黑人問號」，「我最近做專訪發現自己講中文時會細個啲，講英文時會大個啲，可能係對自己說話的信心，我係一個好貪玩、好百厭嘅人 ！」

趙希洛 (本網記者攝）

Make up and Hair：Phoebe Yung
Outfit：aleshia
Earrings：dearbell2ling

近年憑《東張西望》亮眼表現而為觀眾熟悉的鄧凱文（Eris），早前於《新聞女王2》中首度參演劇集，備受關注。近日她接受本網專訪，暢談由參選港姐、入行擔任主持到「踩過界」拍劇的心路歷程，更坦言對來年演藝事業充滿期盼，希望能在工作上有更多突破。

為圓母親心願，鄧凱文（Eris）毅然參選港姐，踏上從未想像過的舞台。（本網記者攝）

自揭曾是120磅的「肥妹仔」，她憑驚人意志進行地獄式減肥。（本網記者攝）

參選港姐的最大動力來自母親，家人的支持始終是她最堅實的後盾。（本網記者攝）

現年26歲的鄧凱文於英國諾定咸大學畢業後，曾做活動統籌，兩年前報名《2023年度香港小姐競選》。

大熱打入10強。

但可惜最後落選！

為圓母願參選港姐　自揭曾是「肥妹仔」瘋狂減肥致身體變差
鄧凱文坦言當初參選香港小姐，全因媽媽大力鼓勵：「我媽咪覺得我好鍾意講嘢，又有表演慾，細個成日攞住毛巾扮選美，所以好鼓勵我去試。」她自揭參選前本是「肥妹仔」，為以最佳狀態示人，曾進行地獄式減肥：「每日只食一塊雞胸，幾個月內由120磅減到101磅。」甚至因此導致身體變差、免疫力下降，如今對海鮮產生敏感。她直言當時從未穿過三點式泳衣，對身材極無自信，但為達成家人心願，最終勇敢踏上選美舞台。

其後鄧凱文正式加入TVB開始主持《東張西望》。（本網記者攝）

加盟《東張西望》從零學起，鄧凱文感謝同事前輩的耐心指導。（本網記者攝）

她坦言主持不易：「要做好多功課，問問題都要好仔細。」（本網記者攝）

向來擁有火辣身材的她成為網民焦點。

獲封無綫「新咪神」！

鄧凱文透過採訪大型節目如《中年好聲音》不斷磨練，主持功力日益進步。

由幕後走入幕前　加盟《東張西望》由零學起
選美結束後，鄧凱文未有立刻決定簽約TVB，一度擔心收入不穩。其後獲《東張西望》主持機會，認為既可發揮所長，亦能穩定發展，遂決定加入。她坦言初期對主持工作一竅不通：「以為好容易，原來要做好多功課，問問題都要好仔細。」她感謝同事及前輩耐心指導，亦透採訪節目《中年好聲音》等大型製作不斷磨練，自覺在反應與控場方面進步不少，逐漸建立起觀眾緣。

鄧凱文最近首度「踩過界」拍劇。（本網記者攝）

在《新聞女王2》中飾演單元角色，實現兒時夢想。（本網記者攝）

劇中需參與「船P」場面，對她而言是一大突破。（本網記者攝）

《新聞女王2》電視截圖

《新聞女王2》電視截圖

曾對穿泳衣極無安全感的她，笑言終於克服心理關口：「覺得健康性感都OK。」

首度拍劇進軍《新聞女王2》　克服「泳衣恐懼」敞開心扉
談到首次參與劇集拍攝，在《新聞女王2》中飾演單元角色，鄧凱文直言「好興奮」：「細個好鍾意煲劇，冇諗過有一日自己都可以出現喺劇集裡面。」她透露劇中需參與「船P」場面，並須穿著泳衣亮相，笑言終於突破心理關口：「以前點都唔著泳衣，覺得冇安全感，而家覺得健康性感都OK。」她又大讚同劇演員如黃宗澤（Bosco）友善細心，並期待未來有更多拍劇機會。

她期望在演戲上有更多發揮：「希望角色對白多啲，由兩集變四集就好啦！」（本網記者攝）

回顧過去一年，她表示在主持方面有所成長，緊張感大減。（本網記者攝）

除了主持與演戲，鄧凱文亦希望增進歌唱等技能，向多元化發展。（本網記者攝）

她表示會繼續努力，以實際行動爭取觀眾的認同與支持。（本網記者攝）

年度總結望來年更進一步　目標提名「飛躍進步女藝人」
回顧今年表現，鄧凱文謙稱雖未獲提名「飛躍進步女藝人」，但自覺在主持方面有所成長，緊張感大減，處理訪問亦更得心應手。展望來年，她期望能嘗試更多元化工作，例如增進演戲與歌唱技能，並在劇集中爭取更多發揮機會：「希望下年可以上榜（提名飛躍進步女藝人），角色對白多啲，由兩集變四集就好啦！」她笑言會繼續努力，以實際行動爭取觀眾認同。

鄧凱文展望來年，目標明確：「希望提名飛躍進步女藝人！」（本網記者攝）

化妝：barbiehuimakeup@IG；場地：Madame Fu-Grand Cafe Chinois