政圈撞名，何謂無奇不有。不單止有兩個何啟明以至陳曉峰與陳曉鋒之分，如今就連「Edward Leung」這個英文名，都能令英國廣播公司（BBC）鬧笑話。
事緣於「本土民主前線」前發言人梁天琦（Edward Leung Tin Kei）今日淩晨刑滿出獄。由於梁天琦曾經在立法會補選上提出「光復香港，時代革命」，該口號被2019修例風波的示威者經常引用，而法庭更加在《國安法》首案中裁定口號帶有分裂國家的意味，梁天琦出獄自然是BBC這類國際大台的報道焦點。
BBC相關報道。
至於另一名男主角梁熙（Edward Leung Hei），則在去年立法會港島東地區直選中勝出，是建制派的議會「新丁」。他早年畢業於美國南加州大學，後來又去清華大學讀碩士，並獲清華評為優秀畢業生。
好笑位是BBC用了梁熙的競選海報相，有大大隻字民建聯DAB，如果有人稍稍識中文、或者稍稍識香港，一眼就睇出DAB成員無理由因為反政府而坐監。由一張相，就見到BBC從記者到編輯，根本對香港毫無認識，但係就大寫特寫香港問題。
梁天琦和梁熙根本「大纜都扯唔埋」，難怪有網民斥責BBC不願fact check，直接把梁熙當成梁天琦，鬧出國際笑話。
Ariel
** 博客文章文責自負,不代表本公司立場 **
做議員搶眼球唔容易，昨日立法會議員江玉歡一句「不如禁埋肥叉燒」，又的確搶到眼球，但係講得啱唔啱，又另作別論啦。
事緣政府推禁煙十招，4月在憲報刊登《2025年控煙法例（修訂）條例草案》，實施新一階段控煙措施。醫務衞生局副局長李夏茵昨日（5月13日）去立法會草案委員會為《草案》解話，江玉歡就借機發炮。
江玉歡話，禁煙政策過於激進，牽涉到個人自由問題，更質疑是否對個人有害就要控制，直言「坐成日夠有害啦，係咪唔可以坐成日呢？」她繼續講話，公共衞生成本是維持自由城市其中一項，「你係唔係想連呢個成本都唔畀呢?」她認為當局今次的措施「太盡」，強調「如果我哋真係要控制公共成本，不如禁埋糖、禁肥胖、禁酒、禁食鵝肝、肥叉燒好唔好？」關於當局禁用加味煙、電子煙等，據她所知，除了幾個非洲城市，「國際上還有哪些國際自由商業城市推行像香港的全面控煙措施？」
江玉歡。
嗱嗱嗱，阿歡姐講得太盡，就露咗底啦。
醫務衞生局今晚出稿回應傳媒查詢，醫衞局建議在新一階段控煙措施下禁止加味傳統吸煙產品的理據。醫衞局回應話，煙草公司一直在傳統吸煙產品中添加不同種類的味道，如薄荷、水果和糖果味，掩蓋煙草煙霧的刺喉性，令非吸煙者更容易開始吸煙並保持吸煙習慣。研究顯示，禁止加味傳統煙可以減低青少年使用煙草的機會。
醫衞局在2023年的控煙策略諮詢文件以及其後的相關立法會文件中已清楚指出，全球約50個國家和地區，包括歐盟27個成員國、加拿大和英國已禁止售賣加味煙。中國台灣地區亦於去年公告煙草產品禁止使用指明的味道添加劑。
醫衞局再次強調，禁止加味傳統吸煙產品並非香港獨有，也並非「去得太盡」，反而香港需要透過是次立法工作跟上國際控煙政策。
Ariel解讀一下醫衛局段稿，歡姐話「除了幾個非洲城市，國際上還有哪些國際自由商業城市推行像香港的全面控煙措施？」醫衛局就話歐盟27個成員國、加拿大和英國已禁止售賣加味煙，佢地唔係非洲國家，都係「國際自由商業城市」喎。而且醫衞局在2023年的控煙策略諮詢文件都講過，歡姐如果做吓功課都應該知。所以香港並唔係學非洲城市禁煙「去得太盡」。
其實醫務衞生局副局長李夏茵都講得幾好，佢話在立法會委員會上講，自由的前提是有意志及知情權，上癮後意志會被剝奪，個人自由選擇亦被剝奪，她指吸煙及吸毒有上癮情況，絕不可用自由意志，說可選擇做這些事情。
李夏茵。
高人話，歡姐係律師，一句「不如禁埋肥叉燒」，的確拗得吸睛。但講論點，佢最後只係講出一種「自由至上論」，講到自由城市就一定要付公共衛生(即係健康)成本，呢點就好多人都唔會同意啦。用番歡姐的邏輯，香港係自由城市，就唔應該禁止人隨地吐痰啦，好多遊客都喜歡吐痰，參觀立法會都應該可以隨處吐痰，香港做自由城市，無理由呢少少公共衛生成本都唔使付啫。這種邏輯，一聽就知唔通啦!
