徐文浩直搗電視城最多靈體之地 王虹茵嚇到手震

《搵鬼去電視城》最終回！

由C君（鄭詩君）擔任Creative Director的無綫J2，上年11月開始「新時段，新態度」，於晚上黃金時段推出一連串不同風格綜藝節目，務求更貼近年青人市場。逢周一晚11點播出的實驗式靈探節目《搵鬼去電視城》，由一班後生仔女，包括王虹茵、胡敏芝、黃翠瑩、劉倬昕、徐文浩及布樂文輪流擔任「探靈勇者」，與「靈異顧問」徐加晴及Jessica Yau齊齊深入傳聞中電視城「猛鬼之地」。

王虹茵首先出動。

王虹茵拎住靈探機四圍探測。

去到呢個角落，靈探機即時爆晒錶，王虹茵亦嚇至掩晒嘴。

真係爆晒㗎，仲要爆咗好長一段時間。

今晚將會播出最後一集，今集探靈地點是電視城停車場，「探靈勇者」分別為王虹茵（Sharlene）及徐文浩（Fred）。首先出發的Sharlene拿着靈探機在停車場四處探測，期間靈探機突然瘋狂「爆錶」，且一直未能回復「平靜」，Sharlene見狀嚇到雙手狂震：「好驚呀！拍咗咁耐呢個節目，我都係第一次見到靈探機咁，我懷疑周圍有好多（靈體）！」而第二位出發的徐文浩走入極少人使用的後樓梯，他沿着不規則三角形設計的樓梯探索，最後誤闖神秘地方，Fred在節目中表示四周環境猶如醫院殮房一般，聽落令人心寒！Fred忍不住說：「呢度真係好奇怪，唔知咩地方嚟？」

王虹茵懷疑自己畀好多靈體包圍。

第二位出發嘅係徐文浩。

呢度嘅樓梯設計有啲古怪！

去咗邊度呢？

最後Fred去到停車場最陰森的一層，手上的靈探機亦即時有反應，他說：「加晴話呢度係最多靈體嘅地方，有幾十隻喺呢一層！」Fred又透露拍攝這一集前，曾與製作組前來睇景，但當天發生詭異事件，Fred更嚇到逃跑，而今集將會公開當日的恐怖片段！想知道當日究竟發生甚麼事？敬請留意今晚（24日）J2播出的《搵鬼去電視城》。

話呢度感覺好似醫院嘅殮房。

間房鎖住咗，從外面玻璃窗望入去，內裏感覺詭異！

徐文浩驚驚豬。

呢度就係停車場最多鬼嘅地方。

之前睇景時，兩位探靈勇者已經遇到詭異事件，好驚呀！

著名堪輿學家李丞責及麥玲玲師傅每集坐陣！

全新風水賀年節目《位元堂安宮牛黃丸呈獻：2024風生水起》明晚（29日）首播，首周播映日期及時間為周一（29日）至周三（31日）晚10點半翡翠台。《風生水起》主持陣容鼎盛，除了有開心果及好運代表薛家燕外，還有「東張女神」陳懿德、許文軒及徐文浩，還有著名堪輿學家李丞責及麥玲玲師傅每集坐陣，分別負責走遍香港九龍新界、解構各區風水格局，指點觀眾「龍年行運秘笈」的「區區行大運」，及為藝人嘉賓加強運勢的「龍年開運搵師傅」環節。

《位元堂安宮牛黃丸呈獻：2024風生水起》主持陣容，左起：徐文浩、李丞責、薛家燕、麥玲玲、陳懿德、許文軒

呢個組合，一睇都知會好嘈，家燕姐除外。

家燕姐成日都好好笑容，自然更容易吸好運。

麥玲玲師傅負責「龍年開運搵師傅」環節，每集都有唔同藝人求佢指點迷津。

李丞責師傅負責「區區行大運」，只要睇住佢，每區嘅風水都盡在你哋掌握之中。

本周李丞責師傅將先後走訪元朗、北區、北角及港島南區，找麥玲玲師傅指點迷津的藝人嘉賓則有林盛斌伉儷、何依婷、吳幸美及朱咪咪。明晚首播的第一集，李丞責師傅除了會part住元朗大地主安德尊等，在元朗區大派揮春向街坊送祝福外，還會走訪元朗不同店舖為大小老闆提供龍年生意暢旺貼士。此外，李丞責師傅又會教大家如何深入北區「尋龍」，增強龍年財運，並在「龍王廟」即場傳授龍年拜神妙法，除了會講出今年拜神的兩大好日外，還會教大家拜神必備物件，更只需準備一件就夠。

開心合照

呢三位年青主持得影相嘅時候係比較正路少少，喺節目入面佢哋三個都無厘正經，成日掛住鬥嘴搞笑。

「區區行大運」除咗可以學嘢，仲可以充份感受過年熱鬧氣氛。

李丞責師傅點解要特登去到北區尋龍呢？

「龍年開運搵師傅」，就連主持啲衫都好開運。

阿Bob「四下巴」面相惹圍攻？
至於首集藝人嘉賓林盛斌，與老婆黃乙頤竟攜帶「驗孕棒」向玲玲師傅開門見山追問龍年添丁可能性，嚇得家燕姐不懂如何反應，場面爆笑。談到想龍年添丁原因，阿Bob直言：「五個先好，五福臨門吖嘛！」玲玲師傅聞言亦快人快語指阿Bob由於耳仔「雙珠朝口」，是典型「多仔公」面相；加上老婆面相亦極度旺夫兼有子女運，故二人要龍年添丁絕對如虎添翼。搞笑的是，當玲玲師傅講到下巴面相時，大家竟不約而同圍攻阿Bob的「四下巴」，場面惹笑。到底甚麼是「雙珠朝口」？甚麼面相是旺夫兼子女孝順呢？玲玲師傅還會分享小八卦—為何龍年特別多人追B之謎，萬勿錯過。

家燕姐畀支驗孕棒嚇親，笑咗。

林盛斌伉儷。

睇吓恨再度添丁嘅阿Bob幾咁肉緊。

到底咩係「雙珠朝口」？

黃乙頤又邊方面嘅面相睇到佢旺夫？

龍年家居正財偏財位大公開
除了李丞責及玲玲師傅主持的兩大重頭環節，還有另外三名堪輿學家負責的單元，有元海的「元來家家有天機」、唐碧霞的「龍年帶富碧人來」及黃楚淇的「新春『關』心你」。當中較為有趣的，是黃楚淇的「『關』心你」除會介紹關公及拜關公要訣外，還推介了龍年三大開運外賣，當中一款更是大人細路都喜歡！而碧霞師傅本集則會推介全香港最適合買彩券的投注站，並會開心Share龍年12生肖的開運數字，萬勿錯過。元海師傅則會開心share家居天機，除了教大家找出龍年家居正財位及如何以蔬菜催旺正財位外，還會指出家居偏財位，內容豐富又有趣。

阿Bob下巴成為被圍攻目標。

睇吓大家開心到。

去投注站投注其實都有好多貼士要事先知道架。

到底咩外賣可以開運咁勁？係咪好想知先。