譚淇淇寫揮春「年年有雞食」

2016年02月09日 13:10 最後更新：13:10

新年傳統習俗會寫揮春，譚淇淇都用毛筆寫揮春，當然不是鐵畫銀鈎那一類，而是新一代卡通化毛筆字。淇淇大筆一揮卡通揮春，第一張作品就是：「年年有雞食」，祝大家日日開開心心過日子。

至於點解要寫食雞，當然因為淇淇係開炸雞店，她立即將揮春貼在店舖內。講到新年願望，淇淇即刻變得好正經，來年的願望是開第三間分店，希望大家都可以食到美食。

在Rap方面，她希望可以出到一隻Mixtape，將以往的作品擺落碟內，又可能籌備下一年新書，希望下個新年，公佈這個消息。

有「翻版陳法拉」之稱的35歲女Rapper譚淇淇（Kiki），日前突然在個人IG上傳一張驚嚇度十足的受傷相，相中見到她一隻眼瘀到變熊貓，下巴則又紅又腫，整塊面傷勢恐怖，大批網民湧入關心留言，更有不少人驚問：「係咪遭受家暴？」

原來譚淇淇因為落樓梯時不小心「仆親」，她指自己整塊面直撼落地，搞到重創。起初以為縫完針就冇事，點知照完X光先知大鑊：「原來左邊面骨折，下巴裂開咗，牙崩咗，要住院做手術。」知道消息之後，譚淇淇即刻崩潰爆喊：「點解要喺我咁忙嘅二月發生呢件事？」

相片可見，譚淇淇左眼周圍瘀青一片，下巴位置明顯紅腫，網民們都紛紛留言慰問：「好陰功」、「睇見都痛」、「快啲好返」、「好恐怖，以為拍緊戲」

譚淇淇寫揮春 「年年有雞食」