今天情人節，好多人為準備禮物大傷腦筋。早前宣佈封盤的「男神」劉鳴煒在Facebook貼自家製蛋糕冧金融之花女友。「男神」教路，只要有心思，親手炮製精心晚餐都一樣冧死另一半。

鳴煒話，情人節煮西餐較啱feel，不過意粉就好似太行貨，所以打算煮粟米湯，唔係罐頭粟米湯，係買新鮮粟米親自切粟米粒去煮；另外整個pizza，仲要係親手搓薄餅皮至有誠意。不過佢話只係初步構思，大賣關子唔肯講整乜甜品喎。

兩人去年已被傳媒拍到一齊逛商場，但劉鳴煒一直保持低調，直至近日再有報道指劉鳴煒不但為女友「大屋搬細屋」，更為女友下廚。新女友Estella樣貌清秀，被封為摩根大通客戶投資組合經理的金融界之花，與男神劉鳴煒都十分匹配。