方媛晒中學證件照 外貌超清純相隔廿年零走樣

由細靚到大！

郭富城太太方媛身為天王嫂可以話係唔憂做，平時專心照顧兩個囡囡同老公。但本身網紅出身的她，仍然用心經營社交平台，雖然出Po冇以前咁密，不過經常能引起網民討論。日前方媛在抖音上載影片，原來她近日影咗輯靚相，個髮型設計跟她小時候的造型有幾分相似，仲專登將兩張相剪成一條短片Po上抖音。

方媛平時都會分享靚相。

方媛於抖音分享昔日證件相。

方媛相中的近照當然靚啦，但她的舊照都非常可愛，估計是攝於中學時期，應該係張證件相呀！舊照中的她似乎冇乜精神，唔知係咪當年讀書好辛苦呢？但都睇到她自小就是美人胚子，眼大大、鼻高、面尖，標準靚女樣噃！同老公城城都係靚仔靚女，兩個囡囡大咗應該都係女神嚟！

相中嘅方媛好細個，應該仲係中學生。

父母都係靚仔靚女，將來兩個囡囡實好靚！

方媛拎中學相對比近照 晒鼻高面尖標準靚女樣

天王郭富城太太方媛（Moka）一向非常保護女兒們，從未曝光過她們的正面，去年10月「三寶」郭詠心出世時，再為人父的郭富城曾罕有公開B女眼仔睩睩的得意相，但之後就沒有正面照公開過。近日，方媛在社交平台分享「帶娃日常」時就意外曝光三寶的側面。

郭富城太太方媛一向非常保護女兒們。

從未曝光過她們的正面。

郭富城去年於三女出世當日曾罕有公開B女眼仔睩睩的得意相。

之後就沒有再公開過三寶的正面照。

影片中可見，兩母女齊齊以家居裝上鏡，方媛躺在床上抱着愛女，並輕吻女兒的後尾枕，大晒母女情！而快6個月大的三寶雖然未有望鏡頭，但見到她頭髮烏黑濃密，皮膚白皙，而且五官精緻，側臉圓潤可愛，加上啜着手指望向前方的樣子，網民都紛紛留言大讚萌爆，又表示：「全家都是高顏值」、「他們家這3個長大了都會是漂亮的姑娘，爸媽的顏值太頂了」、「這麼小的寶寶鼻樑就這麼高，基因太強了！」亦有網民好奇：「三胎可以露臉了，之前兩個寶寶眼睛還遮得」，有人即代為解答：「因為太小了馬上又變樣了」。

方媛在社交平台分享「帶娃日常」。

意外曝光三寶的側面。

三寶好可愛！