Patrick Sir囝囝一歲生日一家三口帶埋愛犬影全家福

2022年04月14日 16:26 最後更新：16:27

好溫馨呀！

林溥來（Patrick Sir）同老婆關宛珊（Kimmy）嘅寶貝囝囝林若嘉（Preemo）昨日（13日）滿一歲啦！兩老婆帶住壽星BB同狗狗DON DON一齊拍攝家庭相留念。

點擊看圖輯

林溥來（Patrick Sir）舊年4月同老婆關宛珊（Kimmy）迎來兒子林若嘉（Preemo）。

林溥來（Patrick Sir）舊年4月同老婆關宛珊（Kimmy）迎來兒子林若嘉（Preemo）。

夫妻二人不時在網上分享生活點滴。

Preemo究竟發吽哣諗緊咩呢？

Preemo影影下相無啦啦爆喊，爸媽連忙呵返！

相中Preemo以一身藍色芝麻街造型粉墨登場，頭上戴住尖尖嘅CookieMonster帽仔，身上穿住間條裇衫加藍色外套，仲貼咗條Sharp醒黃色呔！Preemo仲係個表情多多嘅精靈BB，一時開心咯咯笑，一時張口爆喊，一時發下吽哣，十分趣緻。

爸爸媽媽都留言祝Preemo生日快樂，Patrick Sir仲代入囝囝角度，留言話過去一年的生活好滿足︰「每日一起身，第一眼就望到Dadidi Mamimi，第二眼就望到Don Don，跟住就開始你嘅食玩瞓日程，日日都有得食Mamimi用心製作嘅美食，日日都有我哋陪你玩唔同嘅遊戲，陪你爬去呢度爬去嗰度，陪你一齊古靈精怪，陪你大笑陪你大哭，過咗充實嘅365日，令你肥肥白白，成個小巨人咁。差啲唔記得，仲陪你唱歌跳舞添！好啦，嚟緊嘅日子，我哋一齊周圍跑，舞照跳！Love you﹗」

關宛珊就話過去一年好攰，但仍然幸福︰「凌晨12點要拖拖手錫錫面仔...全日都帶住緊張興奮嘅心情...等到下午去製造兒時回憶 - 影一歲相~ 玩下玩具、影下靚相、切下麵包塔...簡簡單單咁度過~ 我哋會陪住你成長...請你繼續愛笑愛搞怪...繼續走你嘅諧星路線~ Dadidi Mamimi DonDon always love you﹗」

View this post on Instagram

A post shared by Patrick Sir 林溥來 (@patrick_sir_on_air)

View this post on Instagram

A post shared by Kimmy Kwan 關宛珊 (@kimmykwanb)

往下看更多文章

AI時代，未來實習生｜賴慰玲被製作組精心炮製囝囝成長AI片感動到爆喊無懼AI衝擊鼓勵囝囝忠於自己

由麥明詩、Patrick Sir（林溥來）主持的全新綜藝真人騷《保誠保險呈獻：AI時代，未來實習生》，昨晚（5月9日）翡翠台首播，首集登場的「星級母子」，是實力派演員賴慰玲、及獲封「樂觀世一」的8歲囝囝梁進也（也也）。

經歷了三輪的機師實感訓練及飛行體驗，也也展現出超強的冷靜及專注力，因而獲得張敬龍機師高度評價，並給予也也表現滿分！張機師：「佢好calm、冇畏高、冇驚，仲好浪漫咁望出個窗」、「真係有機會成為香港最年輕機長」、「佢嘅能力應該好難畀AI取代。」完成整個體驗後，也也的感受是：「當我喺飛機入面、將操控桿推左推右時，我就覺得好自由。」

為囝囝感到驕傲的賴慰玲，囝囝一落機已送上暖心讚美及愛的抱抱：「你試咗啲媽咪都未試過嘅嘢，恭喜你」說畢還邊落淚邊錫了也也額頭一下，同樣感動到喊的也也亦抱實賴慰玲，場面相當感人，開心不已的賴慰玲更搞笑感激製作組：「如果20年之後佢真係做到飛機師，我返嚟逐個逐個多謝你哋。」為了幫賴慰玲母子留下最美好的回憶，製作組特意為二人炮製了一條「20年後的也也是怎麼樣」的AI影片，看到囝囝逐漸長大成材，雖然只是模擬片，但賴慰玲已哭成淚人，並感性地向也也說：「就算你（將來）係咪機師，只要你朝住自己嘅夢想，做你自己鍾意嘅嘢，媽媽就已經好夠喇，I love you！」場面極級感人。